آیات محبوب کتاب مقدس از ۲-پطرس 2

به اشتراک گذاشتن

تے خُداوند دِینداراں نُوں ازمایش وِچوں کڈھ لینا تے بدکاراں نُوں عدالت دے دِن تِیکر سزا وِچ رکھنا جان دا اے۔

کیوں جو راستبازی دے راہ دا نا جاننا اوہناں دے لئی ایہدے توں چَنگا ہوندا۔ پئی اوہنوں جان کے اوس پاک حُکم توں پھر جاندے جیہڑا اوہناں نُوں مِلیا سی۔ اوہناں اُتّے ایہہ سَچّی مِثال ٹھیک آؤندی اے۔ پئی کُتّا اپنی قَے ولّ پرتدا اے۔ تے نہاتی ہوئی سُؤرنی چِکڑ وِچ فیر لیٹن لگ پَیندی اے۔

اوہ اوہناں نال تے اَزادی دا وعدہ کر دے نیں تے آپی خرابی دے غلام بنے ہوئے نیں۔ ایس لئی پئی بندے اُتّے جِہدا دابا اے اوہ اوہدا غلام اے۔

تے جد اوہ خُداوند تے نجات دین والے یِسُوع مسِیح دی پہچان دے سببّوں دُنیاوی پلِیتی توں چُھٹ کے فیر اوہدے وِچ پَھسے تے دَبّ گھتّے تے اوہناں دا چھیکڑلا حال پہلاں نالوں بُرا ہویا۔

تے جیویں اوس اُمّت وِچ جُھوٹھے نبی اُٹھے سن ایسے طرح تُہاڈے وِچ وی جُھوٹھے اُستاد ہون گے جیہڑے لُک چُھپ کے ہلاک کرن والِیاں بِدعتاں کڈھن گے۔ تے اوس مالک دا اِنکار کرن گے جِس اوہناں نُوں مُل لیا سی تے اپنے آپ نُوں شتابی ہلاکت وِچ سُٹّن گے۔