آیات محبوب کتاب مقدس از OKONG’ANYA 7

به اشتراک گذاشتن

Omonene agatebia Musa, “Rora nagokorire obe buna Nyasae ase Farao, na Haroni akwane nere buna omobani oo.

Korende ninkong’ie enkoro ya Farao; nonya nabo ninkore ebikone ebinge na amakumia amange ase ense ya Misiri. Korende Farao takobaigwa. Inche nindambore okoboko kwane igoro y’Abamisiri na kobaa ebisusuro ebinene, na nindusie emeganda yane, abanto baane Abaisraeli, korwa ase ense ya Misiri.

Ekero ndarambore okoboko kwane igoro y’Abamisiri, na korusia Abaisraeli korwa asebare, erio nario Abamisiri baramanye ng’a inche ninche Omonene.”

Erio Farao akarangeria abanto abanyasemi na abaragori, na abwo abaringoria ba Misiri bagakora boigo ase oborogi bwabo. Kera oyomo obo akaruta enyimbo yaye inse, na chirochio chikaonchoka, chikaba ching’iti chinene; korende enyimbo ya Haroni ekamera chinyimbo chiabo.

Ase igo Omonene otebire iga: Ase ring’ana eri ndakore, nario oramanye ng’a ninche Omonene. Rigereria, ning’ake amache ’orooche rwa Naili nenyimbo eye mbwate koboko kwane, na amache aya naonchoke abe amanyinga.

“Ekero Farao arababorie ng’a mokore egekone, erio aye Musa otebie Haroni abogorie enyimbo yaye, ayerute inse bosio bwa Farao, na ero neonchoke ebe eng’iti.” Musa na Haroni bakagenda ase Farao, bagakora buna Omonene abachigete. Haroni akaruta enyimbo yaye bosio bwa Farao na bw’abasomba baye, na ero ekaonchoka ekaba eng’iti.