آیات محبوب کتاب مقدس از Kada to Keaka' 22

به اشتراک گذاشتن

Patudui to mangnguha untuhu' ulalam la sipäto'na naola, anna mala sule lako matuanna tä' deem la lempä dio mai ulalam ia too.

Sahona to mahempo penaba anna mengkahea' lako DEBATA: katomakakaam, pa'pakasalle anna katuboam mapia.

Sanga mapia keangga' puha ia anna la kulle buda; dipa'kasallei kalando puha ia anna la peha' sola bulabam.

Daa ussola to buhassuam, daa ussiala penaba to pa'keaha'

To matutu ma'pebeem la katambasam, aka untaba kinandena lako to mase-mase.

To keakkalam ia usseheam kalena ke muitai la mesägäinna, sapo' to saidi' kapaissanganna tahhu'-tahhu' ia lambi' sägä.

To makaka la umpahe' to mase-mase, to ma'indam naposabua' to napa'indanni.

To makaka anna to mase-mase deem susinna: sangngim DEBATA to metampana.

Daa uhhappa aka-akanna to mase-mase aka umpelamma; daa uhhoho'i to dipi'di' dipakamase-mase illaam pahhottosam. Aka DEBATA ia la umpa'kadaanni, anna umpakattu sungnga' to uhhappai.