آیات محبوب کتاب مقدس از Psalmy 91

به اشتراک گذاشتن

I jov te phenél Ráske-Devléske: “Miro garadyipen i mirí tvárdyma (diz). Miro Dévla! Me risjováva ke Tu te zrakhavpe.”

Kodová, Savó dživéla dro Naj Vučedyreskiro štéto, javéla te dživél tel Sarezorjakiri zer (tienjo).

Jov prikharela Man i Me otphenava léske, Me javáva lésa, kiéli javéla pharó léske, Me zrakháva les i Me javáva te kutiakirav les.

Pal-dová so Devél déla priphenybén Léskire Jangolenge te dykhén pal Túte

Jov učhakiréla tut Péskire porenca i tu lathesa garadaipen tel Léskire phaká: léskiro čačipén javéla te broninel i te zaterdjol pal Túte.

Pal-dová so tu phendián “Rajo Dévla, Tu san miro ĥaradyipen”, tu vykedyjan Naj Vučedyreskires te zaterdjol (te broninel) tut. Ĥáda, čoripén na pirilela tut i moróvy na javéna pašýl Tyrí šátra.

Čačó, Jov vytyrdela tut čiriklariskire (lovcoskire) feliatyr, xasibnytkone fransendyr.

Mek tysjonco (bar) manušén te perén pašýl tyrí rig, i deš bará paš tyrí čačí (pravo) rig, ne nisó na poddžála pašyledýr ke tu.

Tu na javésa te dares trašaibnastyr ratý, i maribnytkoné bustiatyr (strielatyr), so vurniala dyvesé; i fransendyr (jazvatyr), so psiréna ratý, ci xasiakiribnytkone morovostyr (zarazatyr), so čorjola dyvesé.