آیات محبوب کتاب مقدس از Psalmy 143

به اشتراک گذاشتن

Sykliákir man te keráv pir Tyrí vólia, pal-dová so Tu san miro Devél; mek Tyró lačhó Dúho (Fáno) te lydžál man pe čačipnaskiri phuv.

Ker, sob (kaj) me te šunav pal Tyrí lačhé-ilýtkima tasiarlatyr (rankostyr), pal-dová so me zoralés patiáva dre Túte. Ker adiáke, sob (kaj) me te džináv drom, savésa te psirav, pal-dová so me ĥazdáva miro di ke Tu.

O, Rajo Dévla! Zrákh man miré vergéndyr: pal-dová so me ke Tu našava te garadjovav.

O, Rajo Dévla! Vaš Tyró lav, džidiákir nevéstyr man. Lýdža man krig pharipnastyr pir Tyró čačipén.

Davidóskiro Psálmo. Rajo Dévla, šun mirí pátieri (molítva) Túke, pričhúv kan ke dová, pal so me mangáva! Otphen mánge Tyré patiaibnastyr, Tyré čačipnastyr.

Otphen sýges mánge, o Rajo Dévla! Miro dúho (fáno) zamerela; na garav Tyró muj mándyr, sob (kaj) mánge te na javav sýrby kodolé, savé džána telé dre ĥanbín (jama).

Me ripirava ĥaratuné beršá, me rozlava saré Tyré butiá; me rozduminava xor pal Tyré-vastengire butiá.