آیات محبوب کتاب مقدس از Pritčy 22

به اشتراک گذاشتن

Sykliákir terné čhavés adiáke, syr léske trej duredýr te dživél, i, kiéli jov javéla phuró, jov na džála krig dalé droméstyr.

Kon kandéla, i daréla Rástyr-Devléstyr, kodová doreséla barvalypén, patýv i džiibén.

Lačhó lav isyn drogedyr (kučedyr) baré barvalypnastyr, i lačhí mavlýn (malva) isyn kučedyr rupéstyr i suvnakástyr.

Na jav mal (na družyn) xolynakire manušéske, na rákir [na džá-ju.o.] jaglune manušésa

Kon isyn barvalé-iléskiro, kodová javéla bahtiakirdó, pal-dová so jov déla péskiro maró čororenge.

Baré-godiákiro manúš dykhéla angíl bibáht (bída) i garadjola, ne prosto džála angíl i javéla sendiakirdo.

Barvaló rikiréla zor pe čororeste: i kon isyn vužlo, odová isyn dynári kodoléske, savó pokerdia (konéske jov isyn bangó).

Barvaló i čororó manúš dykhenape jekh jekhésa: Raj Devél sozdyjá len dujén.

Na čor čororestyr, pal-dová so jov isyn čororó, na tasav odolén, savén pritasavéna pašýl pórta: pal-dová so Raj Devél zaterdjola pal léngiro réndo, i léla krig kodolengiro di, savé občorena len.