آیات محبوب کتاب مقدس از Pritčy 19

به اشتراک گذاشتن

Manúš duminéla but pal saró [manušéste isyn but mysli dro iló-r.s.], ne javéla jekh, pal so Raj Devél déla godý, i jone javéna te kerenpe čačipnása.

Kon isyn lačhé-dieskiro ke čororé, kodová sýrby déla dro dlugo (pokerela) Ráske-Devléske, Jov pleskirela pale odoléske, kon dyjá.

Kon xor rozlela, odová nasyges (povolin'kes) xoliasóla, i kodová keréla baripén péske, kon sýrby na dykhéla, kiéli léske keréna čoripén.

Šun, syr déna godý túke, i prilé dová, kóli sykliakiréna tut, sob (kaj) tu moginésa te javes godó dre palatuné (posliednia) dyvesá.

Kon daréla Devléstyr, kodová dživéla. Konéste isyn dar, odová jačélape čalo, i bibáht na peréla pe léste.

Kon sykljola te javél godedyr, odová pekelape (zabotisola) pal péskiro di; kon jačélape god'varó, odová lathéla lačhipén.

Sykliákir ke dukhá péskire čhavés paka isyn nadiéia i na ker davá pir miéra, sob (kaj) jov te na merél i na dykh pe léskiri gódla.

Načačuno jakhítko (svidietielie) javéla sendiakirdo, i kodová, kon xohavela, xasjola.