آیات محبوب کتاب مقدس از Pritčy 13

به اشتراک گذاشتن

Kon kumplinelape (malynelape) godé manušénca, javéla godó, ne kampanija (malypen) dylynin'konenca xasiakiréla les.

Kon pririkirela péskiro muj, odová rakhéla péskiro džiibén, ne kodová, savó otphandela buĥles péskiro muj, odová xasjola.

Kon žalinela péskiri ran, odoléske nane drógo drieván čhavó, ne konéske isyn drógo jov, odová sykliakiréla ke dukhá tyknal les.

Užakiribén, so na janéla nisó, keréla adiáke, so iló dukhala, ne kiéli zoraló mangipén kerélape dro čačipén, tedy džiibén pherdjola radymása.

Čačipén rakhéla odolén, savengiro drom isyn bidošéngiro, ne fuipén ravela telé [hasiakiréla-r.s.] grehitkoné manušés.

Mištypén, so manúš doreséla bipatyvakire rendéndyr, tyknjola, ne kon kerdiá butý pharés, odoleskiro mištypén barjola.

Phut'kiribnastyr džála čingárd, ne, kon kandéla, syr léske déna godypén, odová isyn godó.

Lačhó manúš jačkiréla meknó mištypén (nasliedstvo) léskire-čhavéngire čhavénge, ne barvalypén grehitkoné-manušéngiro prirakhelape vaš čačuné manušénge.

Godó čhavó šunéla, syr dad sykliakiréla les čačipnaske, ne kon isyn napatyvakiro ke javír, jov na šunéla, syr sykavéna bang léske.

Čororipen i ladž peréna pe manušéste, savó vyčhurdela iléstyr dová, pal so sykliakiréna les. Ne kodová, savó priléla les, kiéli les bangiakirena zoralés, javéla dre patýv.