آیات محبوب کتاب مقدس از Lom 8

به اشتراک گذاشتن

Tu ŋe sú ményi tɔ́na anyía Bandɔ́mɛsɛ́ ŋeé híkisi bɛsana bikime a bɛ́ ŋá hámɛ́na be-wuúci-léne ; beébe eébé u ŋɔɔ́ lɔ́ŋɔ́kɔ́ háyɛ u ŋaá tákákɛ́ná.

I ŋe mí menyi bɔmbányɛ bɔmbányɛ anyía te owé, te olíhe, te *bililé bɛ́ masɔ́ma, te metéŋí, ta ɛkɛ́nda cí etémbí, ta bɛsana bɛ́ aámbáya, ta bɛ́ nɔɔyá, ta bɛnyɛ́ma bɛ́ ɔ ɔmuaná, ta bɛ́ ɛ ɛmbana cɛ ɔmɛsɛ́, ta bɔkɔ bú etémbí a bɛnyɛ́ma ebí bé ŋe kétíki tɛ á bá bɛ́ ɔ basɔ́ ɔwaálɔ́na ne nulénéne anɔ́ Bandɔ́mɛsɛ́ ŋaá basɔ́ tóŋínyi e elime ci uusú Otéŋí a Waáŋá Yésus Kilís.

Híáná tɔ́na, *Efúúménénú yí Elilé ŋaá basɔ́ ɔ́ɔ́lɔ e úúsú olíhe ú belumitinine anyía tu tɛ asɔ́ bá na makɛ́nda ; tu ti ŋé sú ményi ɔbɛ́cɔ́kɔ́lɛ́na háyɛ yɛ́ ŋaá bɛ́ámba, mbá Elilé bɛ́muátá yɛ́ ŋá basɔ́ bɛ́cɔ́kɔ́lɛ́nɛ́na Bandɔ́mɛsɛ́ na ɛmbɛ́cɔbɛ́ cɛ ɔtɛ́má noómi a cɛ́ tɛ ŋá háma e nyuúté.

Aátɛ́ yí etémbí aná e ? Ta ɔɔcɔ tɛ á bá wu ɔ basɔ́ yáka anyía Bandɔ́mɛsɛ́ áŋa na basɔ́.

Aámbáya aná, Bandɔ́mɛsɛ́ tɛ á bá tɔ́na wu ɔbɔsɔna nyɛkua a baacɔ a bá bɔ́ŋa e nyimónjóló ne Yésus *Kilís háyɛ na nyɛbaná na ɔmɛsɛ́

Aáná bɛsana a bɛ́ ŋaá hámɛ́na baacɔ ɛ ɛtɛ́má a aháŋá na nyɛ́ábɔ́ nyɛbá ŋeé beébe cɔbana o owé ; mbá bɛsana e bí ŋeé beébe hámɛ́na ɛ ɛtɛ́má a aháŋá ne Elilé ŋeé beébe cɔbana o olíhe, bé líhéke e mbuumu noómi.

Mbá tu ŋa sɔ́ hɔ́la ɔyáka bɛsana eébí bikime a makɛ́nda me Ooci awɔ́ u ŋaá basɔ́ lénéké.

Ɛ ŋa mɛ́ lɛca anyía muuyé amɔ́ tu ŋa sɔ́ lɛca aámbáya ti ŋéé húéséténe te butíkítíki ne nuúmi anɔ́ Bandɔ́mɛsɛ́ káá basɔ́ námbɔnɛna.

Aányɛ́ wáŋa wu ɔ basɔ́ eélúnyi ne nulénéne enú Kilís ŋa basɔ́ léne e ? Muuyé ayɛ́ʼ ? Ɔbɛ́ákɛ́na ayɛ́ʼ ? Mutekesene ayɛ́ʼ ? Ɛcaná ayɛ́ʼ ? Mecíli ayɛ́ʼ ? Ekume ayɛ́ʼ ? Ta anyía owé e ?

Aáná Bandɔ́mɛsɛ́, Mubúlúne ɛtɛ́má cɛ́ baacɔ, ŋé ményi tɔ́na aátɛ́ Elilé ŋa yaámba ɔbata, anyía Elilé ŋa bɛ́cɔ́kɔ́lɛ́nɛ́na baacɔ bá Bandɔ́mɛsɛ́ a nyɛnamá enyí bú ŋeé wuúci bíléníne.

Aáná baacɔ ebé Elilé yɛ́ Bandɔ́mɛsɛ́ ŋé kéndisi á bɔ́ŋa baáná bá Bandɔ́mɛsɛ́.

Yááŋa anyía baacɔ abá nyíábɔ́ nyɛbá ŋé kéndisi ŋa bɔ́ látɛ́na bɛsana e bí ŋeé beébe hámɛ́na ɛ ɛtɛ́má a aháŋá na nyɛ́ábɔ́ nyɛbá. Mbá eebe ebé Elilé ŋe kéndisi ŋa bɔ́ látɛ́na bɛsana e bí ŋeé beébe hámɛ́na ɛ ɛtɛ́má a aháŋá ne Elilé.

U ti ómo kékenyi te uuyé Ɔɔ́nɔ́ u bɛ́muátá, mbá u ŋeé wuúci sɔ́mbɛ́ná háyɛ etúké a yáásɔ́ asana basɔ́ bekime. Híáná u káá basɔ́ bóosiki tɔ́na na bɛnyɛ́ma bí etémbí bikime e elime ci uuyé Ɔɔ́nɔ́.

Elilé eéyé bɛ́muátá ŋe yóónyísínyi yáásɔ́ elilé anyía tua sɔ́ŋa baáná bá Bandɔ́mɛsɛ́. Ɛ́ɛ, tua sɔ́ŋa baáná bá Bandɔ́mɛsɛ́ ; yaátɛ́ asana tua sɔ́ŋa tɔ́na na nuafa aáyá a bɛnyɛ́ma abɛ́ u ŋaá basɔ́ bɛ́tánákɛ́ná. Na basɔ́ ne Kilís, tu ké sú híítéke nuafa a bɛnyɛ́ma eébí anyía tu ŋa sɔ́ lɔ́kɔ́ma muuyé ɔlɔŋɔ, na basɔ́ ne wuúci. Aáná tɔ́na tu ká sɔ́ bá na nuafa, na basɔ́ ne wuúci, eéyé e nuúmi.

Ɛ́ɛhɛ́ baacɔ abá bɛsana ŋeé beébe hámɛ́na ɛ ɛtɛ́má a aháŋá na nyɛ́ábɔ́ nyɛbá á bɔ́ŋa beliŋine bá Bandɔ́mɛsɛ́. Bá tɛ ŋá bɔ́ látɛ́na bɛsana abɛ́ Bandɔ́mɛsɛ́ ŋé léne, beébe tɛ́ka na makɛ́nda me o wuúci ɔlɔ́kɔ́mɛ́na buúse bukime.

Bɛnyɛ́ma bikime abɛ́ Bandɔ́mɛsɛ́ ŋeé kétiki ŋaá tátá na mɔŋɔlɛ́ mekime ɔ ɔlɛca buɔ́sɛ́ abɔ́ u kó ko tóŋínyi nuúmi a bááyɛ́ baáná.

Tu ŋe sú ményí o otúme buáyá ɔ ɔkɔɔ́háma aámbáya anyía bɛnyɛ́ma bikime abɛ́ Bandɔ́mɛsɛ́ ŋeé kétíki ŋaá kɛmba, bɛ́ lɔ́kɔ́máka ɔkála háyɛ oónjú ewú u ŋeé númi obíéne.