آیات محبوب کتاب مقدس از Lom 4

به اشتراک گذاشتن

Na anyía wé suŋúnyíki ɔbɛ́tánɛ́na awɔ́ Bandɔ́mɛsɛ́ ŋeé wuúci bɛ́tánɛ́ná o wuúci íínjie ɔɔ́nɔ́, u ŋo yoónyísínyí bu oónyísínyi úúyé olumitinine, u wuúci iínjíékíne nuúmi. U menyukune bɔmbányɛ bɔmbányɛ anyía Bandɔ́mɛsɛ́ áŋa na makɛ́nda me onyíóyísínyi bɔkɔ ebú u ŋeé wuúci bɛ́tánɛ́ná.

Háyɛ yááŋa yɔɔ́ŋɔ́kɔ́nɔ́, Bandɔ́mɛsɛ́ ŋaá laána Abɛ́laham ɔsɛ : « I ŋo mí o télímínyi síkíne cɛ mɔnɔŋɔ mɔnɔŋɔ. » Wáŋa ciasɔ́ síkíne eé buúse bɔ́ Bandɔ́mɛsɛ́ anyía u ŋaá háya mɔŋɔlɛ́ nááyá. Bandɔ́mɛsɛ́ oócí u ŋeé héényútúne baacɔ e biwéewé, u bɔtáka bɛnyɛ́ma a bɛ́ tɛ ɔ́mɔ bá.

Wuúci oócí Bandɔ́mɛsɛ́ ŋe lumitine anyía baacɔ ébú wuúci ɔ́ɔ́nɔ́ anyía máásɔ́ maabɛ́, mbá u ŋeé wuúci heényi e biwéewé anyía wá kɛlá anyía túásɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse.

Abɛ́laham ŋaá háyá mɔŋɔlɛ́ ná Bandɔ́mɛsɛ́ buéŋí ɔ ɔhɔla, ta yɛ́ cáŋa á bá anyía u tɛ ɔ́mɔ́ háná bá ne ohónyí wú ɔmɛnaka mɔŋɔlɛ́ ma ɔbɔ́ŋɔ ɔɔ́nɔ́. Aáná Abɛ́laham a yáaŋa síkíne cɛ mɔnɔŋɔ mɔnɔŋɔ, háyɛ Bandɔ́mɛsɛ́ ŋeé wuúci bɛ́tánɛ́ná eyí u ŋeé wuúci laana ɔsɛ : « Bɔ́ɔ́wɔ baáná ké bú tékéke. »

Yaátɛ́ asana Bandɔ́mɛsɛ́ ŋá bɛ́tánɛ́na bɛnyɛ́ma a baháya mɔŋɔlɛ́ nááyá o otóŋínyi yááyɛ́ yaála yí nuubo e etémbí ne etémbí. Yááŋa eé buúse bɔ́ bɔnyɛ Abɛ́laham bukimekime, ɛ́cɛ anyía u ti ŋé yiínjie bɛnyɛ́ma abɛ́ u ŋaá bɛ́tánɛ́ná baacɔ hú a balátɛ́na bikotí mbá tɔ́na á baháya mɔŋɔlɛ́ nááyá bekime háyɛ Abɛ́laham. Yááŋa anyía Abɛ́laham áŋa ciasɔ́ síkíne cɛ basɔ́ bekime.

U ŋaá kɔ́ɔ́na ɔsɛ : « Obíléne ná baacɔ abá Bandɔ́mɛsɛ́ ŋa nyɛ́anɛnɛna cáábɔ́ anana, u bɛ́hɔ́yáka máábɔ́ maabɛ́ ; ɔɔcɔ okime awɔ́ Bandɔ́mɛsɛ́ tɛ ŋáá fanɛna maabɛ́ áŋa ne obíléne. »

Yááŋa anyía Ciɔɔ́ŋɛ́ cɛ́ Bandɔ́mɛsɛ́ ŋa kɔ́ɔna cɛ́sɛ : « Abɛ́laham ŋaá háyá mɔŋɔlɛ́ ná Bandɔ́mɛsɛ́, ɛ́ɛhɛ́ Bandɔ́mɛsɛ́ ŋeé wuúci hiíte háyɛ atálɛ́mánánɔ́ yɛ́ ɔɔcɔ eeyé eé buúse. »