آیات محبوب کتاب مقدس از Lom 14

به اشتراک گذاشتن

Yááŋa anyíaʼo, *Butéŋí bɔ́ Bandɔ́mɛsɛ́ tɛ á bá asana yɛ́ na ɔnyíá na ɔmúána ; mbá búáŋa na ɔkɛlaka bɛsana a bɛtálɛ́mánánɔ́, ne olimine mbuumu na bɔsɔ́ɔ́kɔ́, na ɔbámɔ́kɔ́na ne obíléne weéŋí ; biíbi eébí bí ŋeé húle né *Efúúménénú yí Elilé. Aáná ɔɔcɔ okime awɔ́ u ŋɔɔ́ nyíɔnɔ Kilís i indélímínyínyi eécí kéé bílénékine Bandɔ́mɛsɛ́, baacɔ wuúci kékéke tɔ́na.

Ɛ́ɛhɛ́ yááŋa anyía, mbɔ́kɔ tu ŋé sú líhe, tu ŋé sú líhe a asana ne Otéŋí a Waáŋá ; híáná tɔ́na, mbɔ́kɔ tu ŋe sú wé, tu ŋe sú wé a asana ne Otéŋí a Waáŋá. Aáná, te túésú líhéke, te túésú wéékúne, tua sɔ́ŋa baacɔ bé Otéŋí a Waáŋá Yésus *Kilís.

Yaátɛ́ asana túásɔ́ nyɛ́mana tú ɔbɛ́kɛ́ndákɛ́na aná o búle kɛla bɛsana a bɛ́ ŋa basɔ́ héléníne hú mbuumu aasɔ́ ɛ ɛkatɛ́katɛ́ ; bɛsana eébí basɔ́ kíndísíki basɔ́ bekime o olumitinine noómi.

Tu ŋá sɔ́ nyɛ́mána tú ɔnyɛanaka aná mɔbábánana ; indélímínyínyi ci ohiite áŋa anyía atɛ kɛla asana yí okúfítínyi sɔ́ɔ́kɔ́, mbá te yí o wuúci nénisi ohónyí ɔ ɔkɛla bɔɔbɛ́.

Aáná yááŋa yɔɔ́ŋɔ́kɔ́nɔ́ anyía : « Yaŋɔ́, Otéŋí a Waáŋá a wáŋa wɔɔ́sɔ, i ŋeé mi óónyísínyi ɔkɔɔna ɛsɛ́ : Baacɔ bekime ké bú mi túmékíne eŋéndu, bé sóbiki okelú ɔ ɔmuaná anyía nuúmi áŋa nɔ́ Bandɔ́mɛsɛ́. » Ɛ́ɛhɛ́ ɔɔcɔ okime aá basɔ́ kóó tóŋgínyi aná Bandɔ́mɛsɛ́ úúyé olíhe ewú u ŋeé líhéke wuúci bɛ́muátá.

Ánɔ káha bɔmbányɛ e úúnú ɔlɔŋɔ ɔɔcɔ ooci awɔ́ u tɛ ŋɔ yɔ́ɔ́nɛ́ná o olumitinine noómi ; nuti bícúcúlékíne cííyé isuŋí.

Ɔ ɔ́ŋa aányɛ́, kuɔŋɔ́ ewú o ŋoó kélísi munyiɔnɔ mɔ bɔsɔ́ɔ́kɔ́ e ? Ta wɔ́ nyíɔ́kɔ bɔɔbɛ́, ta wɔ́ nyíɔ́kɔ bɔmbányɛ, bú ŋa lɛ́ca hú ciayɛ́ síkíne ci buólí. Yááŋa anyía, munyiɔnɔ eémú ké yeéhínyínyi ɔnyiɔ búáyɛ́ buólí, u tɛ kua, ananyía Otéŋí a Waáŋá ŋeé wuúci kíndísi aáná.