آیات محبوب کتاب مقدس از Titi 3

به اشتراک گذاشتن

Sə Yi nə́ Zwennə mó byili numbyínə́ bé ne bə̀ ń wɔ́ wu-bɔ̀nɔ̀ ǹdə́ sónó cí, n zɛ̃̀ n vwârh nə́ba. È də̀ nə́ tumə né wɔ́ cángá yil yé. Wɔ́ ń gə́ zhe nɔ̀nɔ̀-dǔr ǹdə́ nə́ba mɔ́ yilə. Ń tó Eshirhə náàcɛ̀nɛ́ dɛnnɛ n shàrh nə́ yə̀-bəlwàálɛ́, nə́ zɛ̃̀ nə́ nə lul nándùl ǹdə́ nyǔ nándùl. Yi ce Eshirhə náàcɛ̀nɛ́ só nə́ yó w námpúm nə́ Zwennə Yezu Kristə jàn yilə. Wɔ́ Yi gə́ só nə́ba mɔ́ è ce rə wɛ̀rhɛ́ èta, rə̀ ce nə́ kʼé bə dwə́ə́re zhe yé. Èta, nə́ bʼâ nə nyǔ mú mə̀ tʼâ la zhɔ̌, nə́ rʼé dɛ̃̀ mɔ́.

Byili Kristə-lyì bí ni náàcɛ̀nɛ́ bə̀ bə̀ zwẽ cɔ w yé né cìnə́ bé ǹdə́ lyì byɛ̀bɛ́ gakó bə̀ zhe ŋwɔ̀nɔ́ mɔ́ nyí ni. Bə̀ mə̂ sə bə shɛ̀nɛ́ bə wɛ̀rhɛ́ kɔn dɛ̀bɛ́ bə̀ nʼê byili, sə bə̀ nʼê wɛ̀rhɛ́ kɔn dɛ̀bɛ́ rə̀ càn twéé twéé. Byili bi bə̀ bə̀ bə̀kʼa zɔ̀m lò yil námməlwɛ̀lɛ́, sə bə̀ bə̀kʼa bú dwã myɛ yé. Bə̀ yál wu-bɔ̀nɔ̀ cìnə́, sə bə wɛ̀rhɛ́ cɛ̀nɛ̀ twéé twéé ǹdə́ lyì bí gakó.

Sə è gə wɔ́ nə́ nàmbala bɛ́ yilə né, ǹdə́ búlə́ né, ǹdə́ nyə̀-pâr nyə̀ná Muyiisi nyə́ né shò-kwã nɛ́ mɔ́ yilə, sə bə̀ká ce ǹ cìn gàà yé, bə̀ nyə̀-pâr mâ rə̀myɛ́ yil wɔ́ kɔn nánfò, rə̀ bə kùr zhe yé.

Lò mɔ̀bɔ́ ń nə́ ń lwe Kristə-lyì bí dwã nɛ, sə́ byili mu. Ń gə yə̀ yẽ̌, sə́ kə́ bwérhé ń byili mu. Ń gə zɛ̃̀ ń yə̀ cili, rə̀myɛ́ yi ní, sə́ vùr mò.