آیات محبوب کتاب مقدس از 2 Timote 3

به اشتراک گذاشتن

Yi zɔ̀mɛ̀ rɛ́ sɛ́bɛ́ rɛ́ gakó wɔ́ Yi rə̀ pul byɛ̀bɛ́ bə̀ kɛ̃ dɛ mɔ́ surhə bə mʼe kɛ̃ dɛ, mùnì rə zə kùrə̀, rə sɛ̃ mɔ́ ń cèrhè zhə̀n dɛ́ lyì bí ni; dóó gə tú ò ŋwɛ́nɛ́, sə́ byili ò cí mú ni, sə́ zwə́r mo, sə́ cèrhè lyì bí bə yə̀ wu-cángá cìnə́, mùnì Yi lò mó yə̀ lò mɔ̀bɔ́ ń byìl cɛ̀nɛ̀, ń wɔ̌ yò-ècɔ̀nɔ̀ dwí gakó ń mà n wɛ̀rhɛ́.

Lwar bə̀ zwini bʼa yə̀ nɛ́ dwã nɛ́ nánkwaá nɛ́ wẽ́. Lyì bí bʼa jǐrh sə̀cííri cìnə́, bə swéné sə̀byǐ, bə jǐrh cìn-byilu ǹdə́ cìn-dɛ̃̌-zhõ̌ cìnə́, bə zɛ̃̀ bə̀ nʼê tùrh Yi; bə̀ mʼa cẽ bə̀ dabá ǹdə́ bə̀ nábá nyí ni; bə̀ mʼa yə̀ yə̀l-cɛ̀nɛ̀ cìnə́; bə̀ tʼâ la kɔn dɛ̀bɛ́ rə̀ wɔ́ Yi nyân nyám yé; bə̀ mʼa yə̀ yó-kùùlì cìnə́; bə̀ tʼâ la nɔ̀nɔ̀-dǔr zal yé; bə̀ mʼa yə̀ cə-lwərse; bə̀ tʼâ la ŋwɔ̀nɔ́ bə zə bə̀ cìn yé; bə̀ mʼa yə̀ wu-myǐn cìnə́; bə̀ tʼâ la cɛ̀nɛ̀ sónó yé; bə̀ mʼa yə̀ myìnù cìnə́, yə̀l cìn-dãɔ̃ cìnə́; cìn-byilu mʼa pyi bə̀ surhə né; bə swéné lũ w wu-nyɔ̃̀ w du Yi. Bə̀ mʼa wɛ̀rhɛ́ ǹdə bə̀ zhí Yi ni ta, e jà bə̀ tʼâ zwẽ nyí bə̀ Yi zhe jàn yé. Bə̀ká tó lyì bí bə̀myɛ́ mɔ́ kùr yé.