آیات محبوب کتاب مقدس از Lucas 13

―Tóxakohanra tꞌixe̱énxinra ti puerta tjekahya kixin nchónhña chojni tjinkaon sin chrókꞌuixehen sin, kjánchó tsjachahya sin.

Ndá ntiha itjen ijnko chojnichjin níhi chónta ncha̱kuén jínahña la ó dieciocho nánó kjuíncheníhi ti jehe tjan, tjesékoá tjan, xitjahya xrentoá tjan. A̱ndá ti ó kꞌuíkon chꞌin Jesús kixin xi̱kaha itjen ti chojni chjin la kꞌuéye̱he̱ chꞌan tjan ndáchro chꞌan: ―Ó kjuìihan ti ichin chonta.

Ndá chꞌin Jesús kjuakꞌetja tja tjan a, la tuénxín xrentoá tjan la chjéhe tjan Díos kjuasáya.

*A̱ndá iso ti sin kanhñó tjetoan ijie la a̱ntsí tsꞌe̱to̱an sin, a̱ndá ti sin imá tꞌe̱to̱an ijie la ti ña̱o a la tsꞌítuehen sin.

Ti ó tsꞌikjehe̱ ìnché ti nchia ti puerta, ndá jahara tsꞌejora ndója tsꞌèyara tsꞌinkara ti puerta tsondáchrora: “Jaha itjen nkaxehen, taki̱tjehé nchia”, tsixrora. Kjánchó ti ìnché nchia tsjate̱he tsondáchro: “Nónahña nketí kꞌuinkaxínra jahara”, tsixro chꞌan.

Chaxín ndáxrja̱n kixin náhí. A̱ndá ti jahara tsjínkíhyara ti tjénka̱yáxinra la kaínra xi̱kaha tsꞌitjáñara.

*Kjánchó ti ìnché nchia la tsondáchro: “Chaxín ndáxrja̱n kixin chónhña nkexro ti jahara. Sátsjixinra ntihi jahara chojni kjuíchꞌe ti nkehe jínahña.”

Ndá ndáchro chꞌin Jesús: ―¿Nkehe tóyóhe̱ ti kjuachaxin tꞌe̱to̱axín Díos la ko nkehe jína chrókjui̱ntayóa̱xian? Éxi ijnko itje mostaza tsíkꞌe̱nka̱xin ijnko chojni no̱nte̱e. La ti ó tsꞌaña la tsꞌánkí nte̱to la tsꞌóna ijnko inta ijié. A̱ndá ti koxroxe xritjaká mé itsi va sichꞌéna va ka̱ké va chríkꞌá ti inta.