آیات محبوب کتاب مقدس از YUZÜNGTHALO 6

به اشتراک گذاشتن

Nü mulong athrünkhinü, nü me athrünkhinü, tüsho nü sühmüh athrünkhinü ATUNGPUH nü Thrünpuh muzhoang.

nüsanü jurü nüsa tsührübo ki düshihde athsangyubah, tüsho nüsa thüyam ching binchoki, limro tsahchoki, ayapchoki, tüsho awusuchoki thabah.

Tüsho inü khihni thiyukhüm jihkhi yu ha nüsa mulong ching labah

“O Israel aniang: ATUNGPUH isa Thrünpuh ju lang ATUNGPUH ah!

Jurübo mütsan thsüde nüsa khahbo tüsho nüsa kingkangbo kheak rümkihang.

Nüsanü jurübo nüsa yam khimdopü tüsho chipimurungbo kheak thrütkihang.

Nüsanü ATUNGPUH nüsa Thrünpuh wüntreang, tüsho api tankihang, tüsho api mung ching thiyuchihchim luang.

“Tüsho hanangde alabah, Küyimki ATUNGPUH nüsa Thrünpuhnü nüsa bebuhrü Abraham, Isak, tüsho Jakob ki nüsa ki tode ajihpü thiyuchihchimkhi tüsho nüsanü amüthsükhi akheahakham kiutobo ching bebah arübanü, nüsanü yuka muzokhi thüyam kukruk atsünü mide, nüsanü amukiukhi kekungbo, nüsanü amükhimkhi kurungasolubo tüsho oliv sangdungbo–küyimki nüsanü tsühde reangkeambanü, nüsa Ijip lo, azhorü kuhi chingnü abekhitbuh ATUNGPUH mümihpü kümkangang.

“Kheakü ha nüsa ki thsangyushihpü ATUNGPUH nüsa Thrünpuh thiyukhümbo, yakzanbo tüsho thiyuzüngbo, junangde nüsanü hode yübah amükühpü lakhi lo ching nüsanü yande arhimobah, ju ruk inü nüsa, nüsa tsührü tüsho tsührütsührü ki thiyukhüm jihkhi, api yakzanbo tüsho thiyukhümbo zopü nüsanü ATUNGPUH nüsa Thrünpuh, rhangdung amuyung wüntrebah, tüsho nüsa kutsüp ashang labah.

Tüsho nüsanü ATUNGPUH mük ki küpü alungkia tüsho atsüanü ju rhimoang, junangde nüsa tsüde alabah, tüsho ATUNGPUHNü nüsa bebuhrü kheak thiyuchihchimkhi alo atsü ching nüsanü yübah amükühbah

tümüde nüsa lung lakhi ATUNGPUH nüsa Thrünpuh ju mükthsübuh Thrünpuh; jude yungsho ATUNGPUH bukakhiukkhi nüsa kheak labah, tüsho apinü nüsa alomi kheaknü dükheakshihbah.

Nüsanü nüsa mükamde alakhi püpürü thrünpuhbo dunglim düyan

“Nüsanü ATUNGPUH nüsa Thrünpuh Massa ching rükakikhi nangde rükdaki.