آیات محبوب کتاب مقدس از YUZÜNGTHALO 28

به اشتراک گذاشتن

“Kheakü nüsanü ATUNGPUH nüsa Thrünpuh ki mihyuanisho tüsho inü khihni nüsa kilim jihkhi yukhüm ayihyih thsüde yansho, ATUNGPUH nüsa Thrünpuhnü alomi ching nüsa trükshih alala kurungkheak achangbe kamshihbah.

Nüsanü ATUNGPUH nüsa Thrünpuh ki mihyuanisho harü müngühmühi alala nüsa kheak arübah tüsho nüsa yo thsübah

Tüsho ATUNGPUHNü nüsa amo yungde aku kamshihbah; inü khihni nüsa kilim jihkhi ATUNGPUH yukhüm anide jurübo düshihde rhimosho, nüsa akumung lang alabah tüshe abukkhüp lim müla.

Kim dükdü ching nüsa lo ching tsüng arüshihpü tüsho nüsa rhimo ching müngühjihpü thsüde ATUNGPUHNü nüsa kilim api lakhit atsü, thüning khimshuhjihbah. Nüsanü trükshih ahihdo kilim nipjihbah, tüshe nüsanü a anip mulu.

“Nüsa azhihrü thiriribo ATUNGPUHNü nüsanü akukshihbah; arünü nüsa azhihde limbeak khülang chingnü akhiukbah tüsho nüsa müngüh limbeak thüne chingnü alihde atsobah.

“ATUNGPUHNü nüsa jakam tüsho nüsanü arhimokhi alala ching müngühjihbah, tüsho ATUNGPUH nüsa Thrünpuhnü ajihkhi lo ching apinü nüsa müngühjihbah.

“Nüsa yüzahkhi tüsho wukhiukkhi ching müngühjihbah.

“Nüsa kiuto tüsho lomi ching müngühjihbah.

“Nüsa kilim tsührü ahihkhüh müngühjihbah, tüsho alo chingnü akhiukbe, akam-shiwüh, moshi tüsho namfimihnubo müngühjihbah.

“Nüsanü ATUNGPUH nüsa Thrünpuh yukhüm anisho tüsho api limro ching tsahsho ATUNGPUHNü nüsa ki thiyuchihchimkhi nangde nüsa api kilim amüsüh mihtsürü kamshihbah.

“Nüsa muluk tüsho zowupung ching müngühjihbah.

Tüsho ATUNGPUHNü nüsa jipürü ki nüsa jihpü alokhikhi lo ching, nüsa tsührübo, akam-shiwüh, tüsho alo chingnü akhiukkhi suhdahde ajihbah.

Judüki alomi ching mihtsürübonü ATUNGPUHNü nüsa api mihtsürü thsüpü mokhitdo de angübah, tüsho arünü nüsa trebah.

Jumonü inü khihni küpü yukhüm nüsa ki jihchonü nüsanü püpürü thrünpuhbo tankihpü ju kheaknü tsülim yungsho huzulim danguh.

“Tüshe nüsanü ATUNGPUH nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah