Rus is n God idee

Net soos wat God die Een was wat die huwelik ingestel het, was Hy ook die Een wat rus ingestel het. Hier, in die Skeppingsverhaal het God rus ingestel. Omdat Hy die Een is wat rus ingestel het, dink ek behoort Hy ook die enigste Een te wees wat kan sê hoe dit gedoen moet word

Daar is n paar maniere hoe ons na hierdie instelling oor rus kan kyk
Ons kan onsself moeg maak met redenasies oor is dit die Saterdag of is dit die Sondag. Ek dink nie noodwendig dis wat vir God belangrik was oor rus nie, wat vir Hom belangrik is, is wel DAT ons rus.

Ons het rus nodig, dit was n God idee, ons moenie skuldig voel daaroor nie. Ons jaar tema is “Voetspore” - om in Jesus se voetspore te loop, gebaseer op.

Jesus en Sy dissipels was so besig gewees dat daar amper nie tyd was om te eet nie. Jesus het toe die besluit gemaak en vir Sy dissipels gesê, ons kan nie so aangaan nie kom ons gaan rus. Jesus het geweet, rus is n God idee en Hy het ook geweet hoe God ons liggame gemaak het.

Paar interesante feite:
Wanneer n mens oefen groei jy nie terwyl jy oefen nie
Die oefening veroorsaak eintlik klein skeurtjies in jou spiere
Die groei gebeur dan wanneer jou spiere rus en herstel
Kenners sê dat spiere juis tydens herstel en slaap opgebou word, nie tydens die oefen sessies nie

Die balans moet reg wees tussen werk en rus. Ons lewe in n samelwing waar ons mense champion as hulle elke aand tot 12:00 werk en weer 04:00 opstaan om verder te werk. Ons sê dan hierdie persoon is toegewy aan hulle werk

Wanneer n atleet n spier skeur en hy kan nie verder hardloop nie noem ons dit overtraining.
Wanneer n gelowige sy siel oorwerk sonder rus noem ons dit toewyding.

Die doel van rus is om sterk genoeg te Bly sodat jy die werk kan doen waarvoor God jou geroep het.

As jy dood is oor 3 jaar gaan niemand onthou dat jy laat gewerk het nie, behalwe jou kinders
- Thys Bruwer

Die slotsom waarby die Prediker uit kom is rykdom en alles daarmee saam bevredig nie.

Wanneer laas het jy tot ruste gekom, 1 dag van die week niks gedoen behalwe om Hom te soek nie. Rus is n God idee en jy ontneem jouself van n verhouding met Hom deur nie te rus nie.