Robertson Moedergemeente

Lofsang
VONKK 126: 1, 2
Hoër as die hemel,
dieper as die see,
wyer as die heelal,
die mens en al sy weë,
groter as die skepping,
kosbaar – baie meer –
onverdiend en ewig
is die liefde van die Heer!
Hy is Koning, grote Koning,
God van mag en krag,
God van woord en daad.
Prys die Koning, grote Koning,
God van son en reën,
God van sorg en seën.
Hy regeer!

Groter as die mensdom
se kennis en verstand,
meer as al die sterre,
ontelbaar soos die sand,
hoër as die berge,
groter as ‘n meer,
ver bo ons gedagtes
is die liefde van die Heer!
Hy is Koning, grote Koning,
God van mag en krag,
God van woord en daad.
Prys die Koning, grote Koning,
God van son en reën,
God van sorg en seën.
Hy regeer!

Liedboek 454: 1 - 3
Vader, ons eer U,
ons loof U, ons aanbid U.
U wat heel die skepping onderhou,
U gee son en reën,
ons ontvang u seën.
Heel die skepping wentel om u trou.

Jesus, ons eer U,
ons loof U, ons aanbid U.
Ons is u gemeente hier tesaam.
Hoor ons as ons sing,
U ons loflied bring.
Ons, u vrygekooptes, prys u Naam.

Trooster, ons eer U,
ons loof U, ons aanbid U.
Heil'ge Gees, ons is met U gedoop.
U wat rig en lei,
staan ons altyd by.
U versterk ons gees, U gee ons hoop.

VONKK 72: 1, 2
Wees stil, want die Heilige is hier
in ons teenwoordigheid.
Kom buig nou voor Hom neer
met eerbied en ontsag.
Erken sy heiligheid
en sy geregtigheid.
Wees stil, want die Heilige is hier
in ons teenwoordigheid.

Wees stil, want die heerlikheid van God
skyn oral rondom ons.
Hy is met eer gekroon,
met mag en majesteit.
Uit Hom straal helder lig –
‘n glans wat als verlig.
Wees stil, want die heerlikheid van God
skyn oral rondom ons.

Offergawes
As jy verkies om jou offergawes per EFT te doen, hier is ons bankbesonderhede:
NG Kerk Robertson
ABSA takkode: 632 005
Rekeningnr: 1200 5800 08
Verwysing: Kollekte 07/03/2021

Afkondiginge
Kerkraadsvergadering Maandagaand om 19h00 in Konsistorie

Slotlied
Liedboek 450: 1, 2
Vader, Seun, Heil'ge Gees,
hoe sal ons u heerlikheid
kan verwoord, u lof besing
met ’n aardse stem?
Eer die Vader, eer die Seun,
eer die Gees as God en Heer.
Eer ons God as Majesteit;
loof Hom tot in ewigheid.

Woord uit Woord, Lig uit Lig,
kom as mens op aarde.
Bo begrip, bo ons verstand
is u grootheid, Heer.
Eer die Vader, eer die Seun,
eer die Gees as God en Heer.
Eer ons God as Majesteit;
loof Hom tot in ewigheid.