The Bible App is completely free, with no advertising and no in-app purchases. Get the app

NRC East London/ Hervormde Kerk Oos London

Menslikheid is meer as ’n wet – dit is deel van ons geloof

In soveel gesprekke waar ek kom hoor ek dit so gereeld dat mense kla oor menseregte. Dit word gesien as 'n manier om die regte van die kriminele te beskerm. Dan het ek soveel keer gewonder of mense besef dat hulself ook deur daardie regte tot menswees beskerm word? Wat vir my altyd verstommend is, is dat dit dikwels gelowiges is wat so praat. Dit het my laat dink, maar wat dan van die Goue Reël wat Jesus vir ons leer in Lukas 6:31-32? Daardie reël wat sê: "Doen aan ander wat jy wil hê ander moet aan jou doen"? Sien ons nog die mensheid raak in ander? Hoe help Jesus se reël om mense anders te benader? Hoe sal dit ons help om ook by te dra tot 'n vreedsame wêreld, waar elkeen waardeer word en 'n plekkie onder die son gegun word?

Locations & Times

36 Park St, East London, 5201, South Africa

Sunday 9:00 AM

Menslikheid is meer as ’n wet – dit is deel van ons geloof

Toetredelied: Gesang 332

Votum

Lofsang: Psalm 145:1, 5 en 9

Wet

Skuldbelydenis en genade: Gesang 244:1-2

Skriflesing: Lukas 6: 27-36

Gebed

Preek: Menslikheid is meer as ’n wet – dis deel van ons geloof

Geloofsbelydenis

Lofsang: Gesang 602:1-5

Seën

Lukas 6:27-36 ABA

Chintsa Oos Eredienste

Die volgende erediens op Chintsa Oos sal plaasvind op 18 Desember 2016 om 11:00. Almal wat wil is ook welkom om na die tyd saam te eet. Die uitnodiging bly oop vir almal. Laat weet asb vir tannie Loryn Retief by 073 392 3944.

Mannemoed

Tyd: 6:30 op Saterdae Plek: Gees en Lewe (koffie na die tyd by Lavender Blue). Alle manne is welkom. Bring ook gerus vriende saam as jul wil.

Finansiële vergadering

Die volgende finansiële vergadering sal op Sondag, 17 Januarie 2017 plaasvind. By hierdie geleentheid sal ons ook die begroting van die gemeente bespreek.

IN ONS GEBEDE HIERDIE WEEK…

Oom Freek is nog steeds baie siek. Kom ons dra hom in ons gebede en liefde deur die moeilike tyd, asook vir tannie Annetjie en sy familie.

Ons dink ook steeds aan oom Hans wat sukkel met sy gesondheid en ons gebede is dat hy spoedig sal herstel.

GELUKWENSE

Die pragtige seuntjie, Aaron Callon Burton, is op 11 November 2016 gebore. Ons wil vir Maritza en Ryan baie geluk wens. Ook vir trotse ouma en oupa Linda en Leon van Huyssteen. Tannie Anna Schenk het ook in die proses oumagrootjie geword. Ons is saam met jul bly en bid vir hierdie klein geskenkie van God.

R5-projek

Kry 'n R5-kaart vandag nog en laat jul vriende en familie help om die kaarte vol te maak. Onthou dat daar 'n R250 geskenkkaart op die spel is vir die persoon wat die meeste ingesamel het.

KINDERKERK 2016

Kinderkerk sal weer volgende jaar hervat. Ons bid vir elkeen 'n veilige reis toe en mag die Here julle veilig hou in hierdie tyd.

Kerssangdiens 2016

Baie dankie vir elkeen wat bydraes gelewer het. Elkeen wat 'n geskenkie gebring het, nagereg, voorgelees het of gehelp het om die saal so pragtig mooi te maak. Ons waardeer elkeen se insette. Sonder julle sou die Kerssangdiens nie naastenby kon wees wat dit was nie.

eKerk - Lees artikels en kry toerusting hier

Kry gereelde artikels, preke en toerusting vanaf eKerk.

http://www.ekerk.org

Begin 'n Verhouding met Jesus

Read Plan