ATTI TAL-APPOSTLI 9
9
Kapitlu 9
Il-konverżjoni ta’ Sawl
(Atti 22,6-16; 26,12-18)
1Sawl, li kien għadu bil-qawwa kollha jhedded bil-mewt lid-dixxipli tal-Mulej, mar għand il-qassis il-kbir#Atti 8,3; 9,13. #Atti 9,14. 2u talbu jagħtih ittri għas-sinagogi ta’ Damasku, biex ikun jista’ jaqbad l-irġiel u n-nisa kollha li jsib miexja fit-Triq#9,2: Triq: b’din il-kelma Luqa jrid jfisser il-mod ta’ ħajja ġdida kif bdew jgħixu l-insara u l-mixja tagħhom lejn is-salvazzjoni: ara 13,10; 16,17; 18,25-26; 19,9. 23; 22,4; 24,14. 22. tal-Mulej u jeħodhom marbuta Ġerusalemm. 3Huwa u sejjer, kif qorob lejn Damasku, f’daqqa waħda idda madwaru dawl mis-sema. 4Waqa’ fl-art#9,4: Waqa’ fl-art: Ma’ dan il-vers xi manuskritti jżidu l-kliem: Iebsa għalik li teħodha kontra n-niggieża, kif hemm f’26,14; manuskritti oħra jniżżlu din iż-żjieda wara l-v.5. Filwaqt li l-manuskritti kollha jaqblu fuq 26,14, hawnhekk ma jaqblux; min iżid dan il-kliem f’post u min f’ieħor. Għalhekk jidher ċar li mhuwiex postu hawn., u sama’ leħen jgħidlu: “Sawl, Sawl, għaliex qiegħed tippersegwitani?” 5Hu wieġeb: “Min int, Mulej?” u l-leħen wieġbu: “Jiena Ġesù, li int qiegħed tippersegwitah.#1 Kor 15,8. 6Imma issa qum u idħol il-belt, u hemmhekk jgħidulek x’għandek tagħmel.” 7Dawk li kienu sejrin miegħu baqgħu mbikkma, billi kienu semgħu l-leħen imma ma raw lil ħadd.#Għerf 18,1. 8Sawl qam mill-art, fetaħ għajnejh u ma sata’ jara xejn. Imbagħad mexxewh minn idu u wassluh Damasku.#Atti 13,11. 9Dam tlitt ijiem ma jarax, u la kiel u lanqas xorob.
10F’Damasku kien hemm dixxiplu, jismu Ħananija. Deherlu l-Mulej u qallu: “Ħananija!” “Hawn jien, Mulej,” wieġeb. 11U l-Mulej qallu: “Qum u mur fit-triq li jgħidulha d-Dritta, u hemm, fid-dar ta’ Ġuda, staqsi għal wieħed minn Tarsu, jismu Sawl. Dan qiegħed jitlob,#Atti 21,39. 12u ra f’dehra wieħed, jismu Ħananija, dieħel ħdejh u jqegħedlu idejh fuqu biex jerġa’ jieħu d-dawl.”#Mk 8,23-25. 13Ħananija wieġeb: “Mulej, jien smajt mingħand ħafna fuq dan ir-raġel, kemm għamel ħsara lill-qaddisin#9,13: Il-qaddisin: jew l-ikkonsagrati (ara nota Ġw 17,17), jiġifieri l-insara li huma kkonsagrati għas-servizz ta’ Alla permezz tal-magħmudija u għalhekk għandhom jgħixu skont ir-rieda ta’ Alla. tiegħek f’Ġerusalemm.#Atti 8,3; 9,1. 14U issa qiegħed hawn bis-setgħa mingħand il-qassisin il-kbar biex jarresta lil dawk kollha li jsejħu ismek.”#Atti 9,1-2; 22,16; 26,10; 2 Tim 2,22. 15Iżda l-Mulej wieġbu: “Mur, għax dan ir-raġel hu għodda magħżula minni biex iwassal ismi quddiem il-ġnus u s-slaten u quddiem ulied Iżrael.#Atti 26,1; 27,24; Rum 1,5. 16Jien stess għad nurih kemm irid ibati minħabba f’ismi.”#2 Kor 11,23-25. 17Ħananija telaq lejn id-dar ta’ Ġuda, daħal, qiegħed idejh fuq Sawl u qallu: “Sawl, ħija, il-Mulej Ġesù, li deherlek fit-triq inti u ġej hawn, bagħatni biex terġa’ tieħu d-dawl u timtela bl-Ispirtu s-Santu.” 18F’daqqa waħda waqa’ bħal qxur minn għajnejh u raġa’ beda jara. Imbagħad qam u tgħammed, 19kiel xi ħaġa, u ħa r-ruħ.
Sawl jippriedka f’Damasku
Għal ftit jiem qagħad mad-dixxipli f’Damasku. 20U malajr beda jxandar lil Ġesù fis-sinagogi u jgħid li dan hu l-Iben ta’ Alla. 21Kull min kien jisimgħu kien jistagħġeb u jgħid: “Dan mhuwiex dak li f’Ġerusalemm kien iħarbat lil dawk li jsejħu dan l-isem? U mhux għalhekk ġie hawn? M’hux biex jaqbadhom u jeħodhom marbuta għand il-qassisin il-kbar?”#Atti 8,1; 9,1-14; 26,10. 22Imma Sawl kulma jmur kien jissaħħaħ u kien iħawwad lil-Lhud li kienu joqogħdu Damasku bil-provi li kien iġibilhom li Ġesù hu l-Messija.#Atti 17,3; 18,5.28.
Sawl jaħrab mil-Lhud
23Wara li għadda ħafna żmien, il-Lhud ftiehmu li joqtlu lil Sawl;#Atti 23,12. 24imma hu sar jaf bil-ħsieb tagħhom. Huma kienu jgħassu lejl u nhar mal-bibien tal-belt biex joqtluh.#Atti 23,16. 25Imma darba billejl id-dixxipli tiegħu qabduh u niżżluh ġo qoffa mas-sur tal-belt.#2 Kor 11,33.
Sawl f’Ġerusalemm
26Meta wasal Ġerusalemm beda jfittex li jissieħeb mad-dixxipli. Imma lkoll kienu jibżgħu minnu, għax ma kinux emmnu li tassew ikkonverta.#Gal 1,18. 27Imbagħad Barnaba qabdu u ħadu miegħu għand l-appostli. Hu qalilhom kif Sawl kien ra lill-Mulej fit-triq u semgħu jkellmu, u kif f’Damasku kien tkellem b’wiċċu minn quddiem fl-isem ta’ Ġesù.#Atti 9,4.20; 22,7; 26,14; 1 Kor 9,1; 15,8. 28Għalhekk Sawl baqa’ magħhom, dieħel u ħiereġ Ġerusalemm, u kien jitkellem bil-miftuħ f’isem il-Mulej. 29Kien jitħaddet mal-Lhud Griegi u jiddiskuti magħhom; iżda huma kienu jfittxu li joqtluh. 30Meta l-aħwa saru jafu b’dan, niżżluh lejn Ċesarija u bagħtuh Tarsu.#Atti 11,25.
31Il-Knisja kienet fis-sliem fil-Lhudija u l-Galilija u s-Samarija kollha; kienet dejjem tikber u timxi ’l quddiem bil-biża’ tal-Mulej, u tiżdied fl-għadd bl-għajnuna tal-Ispirtu s-Santu.
Il-fejqan ta’ Enea
32Ġara li Pietru, huwa u jdur dawk l-inħawi kollha, niżel wkoll għand il-qaddisin#9,32: Il-qaddisin: ara nota 9,13. li kienu joqogħdu Lidda. 33Hemmhekk sab raġel mifluġ, jismu Enea, li kien ilu tmien snin mixħut fis-sodda. 34Pietru qallu: “Enea, Ġesù Kristu jfejqek; qum u ifrex is-sodda inti stess.” U dak minnufih qam. 35In-nies kollha li kienu joqogħdu f’Lidda u f’Saron rawh, u daru lejn il-Mulej.
Il-qawmien ta’ Tabita mill-mewt
36F’Ġaffa kien hemm waħda mid-dixxipli jisimha Tabita, isem li jfisser Għażżiela; kienet mara tagħmel ħafna opri ta’ karità u għemejjel tajba. 37Ħabat li f’dawk il-ġranet mardet u mietet; keffnuha, u qegħduha fil-kamra ta’ fuq#9,37: Fil-kamra ta’ fuq: ara nota 1,13.. 38Billi Lidda#9,38: Lidda: bejn Lidda, illum Lod, u Ġaffa, illum ħaġa waħda ma’ Tel-Aviv, hemm bogħod xi 20 km. tiġi qrib Ġaffa, id-dixxipli, meta semgħu li Pietru kien hemm, bagħtulu żewġt irġiel jitolbuh u jgħidulu: “Iddumx ma tiġi sa għandna.” 39Minnufih Pietru qam u telaq magħhom. Kif wasal, tellgħuh fil-kamra ta’ fuq, u r-romol kollha daru miegħu, jibku u juruh l-ilbiesi u l-imnatar li kienet għamlitilhom Tabita meta kienet għadha magħhom.#Atti 10,23. 40Pietru bagħat lil kulħadd ’il barra u niżel għarkubbtejh jitlob. Imbagħad dar lejn il-katavru u qal: “Tabita, qum!” Hi fetħet għajnejha u, malli rat lil Pietru, qamet bilqiegħda.#Mk 5,40-41. 41Pietru taha idu u qajjimha. Sejjaħ imbagħad lill-qaddisin u r-romol, u tahielhom ħajja. 42Ġaffa kollha saret taf b’dan, u ħafna emmnu fil-Mulej. 43Pietru baqa’ ftit jiem sewwa f’Ġaffa għand wieħed konzatur jismu Xmun.#Atti 10,6.32.
Currently Selected:
ATTI TAL-APPOSTLI 9: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.