Rhoi iddo e dy Bryder

Y Golomen

Beth yw fy Mhwrpas? Dysgu i Garu Duw a Charu Eraill

Coda a Dos Ati

Ymarfer y Ffordd

Hadau: Beth a Pham

Ymrwymo dy Waith i'r Arglwydd

Dwyt ti Heb Orffen Eto

Llawenydd ar gyfer y Daith: Dod o Hyd i Obaith yng Nghanol y Treial

Dewiswyd — Datgelu'r Wraig yn Nghrist

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch27" data-usfm="2CH.27">
 <div class="label">27</div><div class="s">Jotham Brenin Jwda</div><div class="r"> 2 Bren. 15:32&#8211;38</div><div class="m"> 1Pump ar hugain oed oedd Jotham pan ddaeth yn frenin, a theyrnasodd am un mlynedd ar bymtheg yn Jerwsalem. Jerusa ferch Sadoc oedd enw ei fam. 2Gwnaeth yr hyn oedd uniawn yng ngolwg yr ARGLWYDD, yn hollol fel y gwnaeth ei dad Usseia, ar wah&#226;n i fynd i mewn i deml yr ARGLWYDD; 3eto yr oedd y bobl yn dal i fyw yn llygredig. Ef a adeiladodd Borth Uchaf t&#375;'r ARGLWYDD, ac atgyweirio rhan fawr o fur yr Offel. 4Adeiladodd ddinasoedd hefyd ym mynydd-dir Jwda, a chaerau a thyrau ar y bryniau coediog. 5Brwydrodd yn erbyn yr Ammoniaid a'u brenin, a'u trechu. Y flwyddyn honno rhoddodd yr Ammoniaid iddo gan talent o arian, deng mil corus o wenith a deng mil corus o haidd; rhoesant yr un faint iddo yn yr ail a'r drydedd flwyddyn. 6Ymgryfhaodd Jotham am iddo drefnu ei fywyd yn &#244;l ewyllys yr ARGLWYDD ei Dduw. 7Am weddill hanes Jotham, ei holl ryfeloedd a'i arferion, y maent yn ysgrifenedig yn llyfr brenhinoedd Israel a Jwda. 8Pump ar hugain oedd ei oed pan ddaeth yn frenin, a theyrnasodd am un mlynedd ar bymtheg yn Jerwsalem. 9Bu farw Jotham, a chladdwyd ef yn Ninas Dafydd, a theyrnasodd ei fab Ahas yn ei le.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch28" data-usfm="2CH.28">
 <div class="label">28</div><div class="s">Ahas Brenin Jwda</div><div class="r"> 2 Bren. 16:1&#8211;4</div><div class="m"> 1Ugain oed oedd Ahas pan ddaeth yn frenin, a theyrnasodd am un mlynedd ar bymtheg yn Jerwsalem. Ni wnaeth yr hyn oedd uniawn yng ngolwg yr ARGLWYDD fel y gwnaeth ei dad Dafydd, 2ond dilynodd esiampl brenhinoedd Israel. Gwnaeth ddelwau i'r Baalim, 3arogldarthodd yn nyffryn Ben-hinnom, ac fe barodd i'w feibion fynd trwy d&#226;n yn &#244;l arfer ffiaidd y cenhedloedd a ddisodlodd yr ARGLWYDD o flaen yr Israeliaid. 4Yr oedd yn aberthu ac yn arogldarthu yn yr uchelfeydd, ar y bryniau a than bob pren gwyrddlas.</div><div class="s">Rhyfel yn erbyn Syria ac Israel</div><div class="r"> 2 Bren. 16:5</div><div class="m"> 5Am hynny rhoddodd yr ARGLWYDD ei Dduw ef yn llaw brenin Syria; gorchfygodd yntau ef a chaethgludo llawer iawn o'i bobl a mynd &#226; hwy i Ddamascus. Rhoddwyd ef hefyd yn llaw brenin Israel, a gorchfygwyd ef ganddo mewn lladdfa fawr. 6Yn wir, lladdodd Pecach fab Remaleia chwe ugain mil o w&#375;r grymus yn Jwda mewn un diwrnod, am iddynt gefnu ar ARGLWYDD Dduw eu hynafiaid. 7Lladdwyd Maaseia mab y brenin, Asricam llywodraethwr y palas, ac Elcana y nesaf at y brenin, gan Sichri, un o wroniaid Effraim. 8Caethgludodd yr Israeliaid ddau gan mil o'u pobl, yn wragedd, meibion a merched, a chymryd llawer iawn o ysbail oddi arnynt a'i gludo i Samaria.</div><div class="s">Y Proffwyd Oded</div><div class="m"> 9Ond yr oedd yno broffwyd yr ARGLWYDD o'r enw Oded; aeth ef allan i gyfarfod &#226;'r fyddin oedd yn dychwelyd i Samaria, a dweud wrthynt, &#8220;Gwrandewch! Am fod ARGLWYDD Dduw eich tadau yn ddig wrth Jwda y rhoddodd hwy yn eich llaw; ond yr ydych chwi wedi eu lladd mewn cynddaredd sy'n ymestyn hyd y nefoedd. 10Eich bwriad yn awr yw gorfodi pobl Jwda a Jerwsalem i fod yn weision a morynion i chwi. Onid ydych chwithau hefyd yn troseddu yn erbyn yr ARGLWYDD eich Duw? 11Yn awr gwrandewch arnaf fi. Anfonwch adref eich brodyr a gaethgludwyd gennych, oherwydd y mae llid tanbaid yr ARGLWYDD yn eich erbyn.&#8221; 12Yna daeth rhai o benaethiaid pobl Effraim allan, sef Asareia fab Johanan, Berecheia fab Mesilemoth, Jehisceia fab Salum ac Amasa fab Hadlai, a gwrthwynebu y rhai oedd yn dod o'r frwydr. 13Dywedasant wrthynt, &#8220;Ni chewch ddod &#226;'r caethgludion yma, oherwydd byddai'r hyn y bwriadwch chwi ei wneud yn ein harwain i droseddu yn erbyn yr ARGLWYDD, ac yn ychwanegu at ein pechodau a'n troseddau. Y mae ein trosedd eisoes yn fawr ac y mae llid tanbaid yn erbyn Israel.&#8221; 14Felly gadawodd y milwyr y caethgludion a'r ysbail o flaen y swyddogion a'r holl gynulliad. 15Aeth y gw&#375;r a enwyd eisoes i ofalu am y caethgludion: rhoesant ddillad ac esgidiau o'r ysbail i bawb oedd heb ddim, gofalu bod ganddynt fwyd a diod, rhoi ennaint iddynt, rhoi pob un oedd yn llesg ar asynnod a'u hanfon at eu brodyr i Jericho, dinas y palmwydd; ac yna dychwelyd i Samaria.</div><div class="s">Ahas yn Gofyn am Gymorth Asyria</div><div class="r"> 2 Bren. 16:7&#8211;9</div><div class="m"> 16Yr adeg honno anfonodd y Brenin Ahas neges at frenin#28:16 Felly Groeg. Hebraeg, frenhinoedd. Asyria i ofyn am gymorth. 17Yr oedd yr Edomiaid wedi ymosod ar Jwda unwaith eto a chymryd caethgludion; 18yr oedd y Philistiaid hefyd wedi anrheithio dinasoedd y Seffela a de Jwda a chymryd Beth-semes, Ajalon a Gederoth, a hefyd Socho, Timna a Gimso a'u pentrefi, ac wedi mynd i fyw ynddynt. 19Yr oedd yr ARGLWYDD wedi darostwng Jwda o achos Ahas brenin Israel am iddo golli pob rheolaeth yn Jwda a throseddu'n enbyd yn erbyn yr ARGLWYDD. 20Daeth Tiglath-pileser#28:20 Felly llawysgrifau a Fersiynau. TM, Tilgath-pilneser. brenin Asyria ato, ond yn lle ei gynorthwyo fe wasgodd arno. 21Er i Ahas ysbeilio trysor t&#375;'r ARGLWYDD, palas y brenin a thai'r swyddogion, a'i roi i frenin Asyria, ni fu hynny o gymorth iddo.</div><div class="s">Pechodau Ahas</div><div class="m"> 22Fel yr &#226;i'n gyfyng arno, troseddai'r Brenin Ahas fwyfwy yn erbyn yr ARGLWYDD. 23Aberthodd i dduwiau Damascus a oedd wedi ei orchfygu, a dweud, &#8220;Am fod duwiau brenhinoedd y Syriaid wedi eu cynorthwyo hwy, fe aberthaf fi iddynt er mwyn iddynt fy nghynorthwyo innau.&#8221; Ond buont yn dramgwydd iddo ef ac i holl Israel. 24Casglodd Ahas lestri t&#375; Dduw a'u malu'n chwilfriw; caeodd ddrysau t&#375;'r ARGLWYDD a gwneud allorau iddo'i hun ym mhob congl o Jerwsalem. 25Gwnaeth uchelfeydd i arogldarthu i dduwiau dieithr ym mhob un o ddinasoedd Jwda, ac fe gythruddodd ARGLWYDD Dduw ei dadau. 26Am weddill ei hanes, a'i holl arferion o'r dechrau i'r diwedd, y maent yn ysgrifenedig yn llyfr brenhinoedd Jwda ac Israel. 27Bu farw Ahas, a chladdwyd ef yn ninas Jerwsalem, ond ni roesant ef ym mynwent brenhinoedd Israel; yna teyrnasodd ei fab Heseceia yn ei le.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch29" data-usfm="2CH.29">
 <div class="label">29</div><div class="s">Heseceia Brenin Jwda</div><div class="r"> 2 Bren. 18:1&#8211;3</div><div class="m"> 1Pump ar hugain oed oedd Heseceia pan ddaeth yn frenin, a theyrnasodd am naw mlynedd ar hugain yn Jerwsalem. Abeia ferch Sechareia oedd enw ei fam. 2Gwnaeth yr hyn oedd uniawn yng ngolwg yr ARGLWYDD, yn hollol fel y gwnaeth ei dad Dafydd.</div><div class="s">Sancteiddio ac Ailgysegru'r Deml</div><div class="m"> 3Yn y mis cyntaf o'r flwyddyn gyntaf o'i deyrnasiad agorodd ddrysau t&#375;'r ARGLWYDD a'u hatgyweirio. 4Cynullodd yr offeiriaid a'r Lefiaid yn y sgw&#226;r ar yr ochr ddwyreiniol, 5a dweud wrthynt, &#8220;Lefiaid, gwrandewch arnaf fi. Ymgysegrwch yn awr, a chysegrwch d&#375;'r ARGLWYDD, Duw eich hynafiaid, a dewch &#226; phob aflendid allan o'r cysegr. 6Oherwydd troseddodd ein hynafiaid, a gwneud drwg yng ngolwg yr ARGLWYDD ein Duw, ei wrthod, a throi oddi wrth babell yr ARGLWYDD a chefnu arni. 7Hefyd caeasant ddrysau'r cyntedd a diffodd y lampau; peidiasant ag arogldarthu ac offrymu poethoffrymau yn y cysegr i Dduw Israel. 8Felly daeth llid yr ARGLWYDD ar Jwda a Jerwsalem a'u gwneud yn destun arswyd, syndod a gwatwar, fel y gwelwch &#226;'ch llygaid eich hun. 9Ystyriwch fel y syrthiodd ein hynafiaid trwy fin y cleddyf, ac fel yr aeth ein meibion, ein merched a'n gwragedd i gaethiwed o achos hyn. 10Yn awr, yr wyf &#226;'m bryd ar wneud cyfamod &#226;'r ARGLWYDD, Duw Israel, er mwyn troi ei lid tanbaid oddi wrthym. 11Felly, gymrodyr, peidiwch &#226; bod yn esgeulus, oherwydd dewisodd yr ARGLWYDD chwi i sefyll ger ei fron er mwyn gweini arno ac arogldarthu iddo.&#8221;</div><div class="p"> 12Yna cododd y Lefiaid, sef Mahath fab Amasai a Joel fab Asareia o deulu'r Cohathiaid, Cis fab Abdi ac Asareia fab Jehaleleel o deulu Merari, Joa fab Simma ac Eden fab Joa o deulu'r Gersoniaid, 13Simri a Jeiel o deulu Elisaffan, Sechareia a Mattaneia o deulu Asaff, 14Jehiel a Simei o deulu Heman, a Semaia ac Ussiel o deulu Jeduthun. 15Cynullasant eu cymrodyr ac ymgysegru; yna aethant i buro t&#375;'r ARGLWYDD yn &#244;l gorchymyn y brenin trwy air yr ARGLWYDD. 16Aeth yr offeiriaid i mewn i d&#375;'r ARGLWYDD i'w buro; daethant &#226; phopeth halogedig a oedd yn y deml allan i gwrt t&#375;'r ARGLWYDD. Oddi yno aeth y Lefiaid &#226; hwy allan i nant Cidron. 17Dechreusant sancteiddio ar y dydd cyntaf o'r mis cyntaf, ac erbyn yr wythfed dydd o'r mis yr oeddent wedi cyrraedd cyntedd yr ARGLWYDD. Am wyth diwrnod buont yn sancteiddio t&#375;'r ARGLWYDD, a gorffen ar yr unfed dydd ar bymtheg o'r mis cyntaf. 18Yna aethant i'r palas at y Brenin Heseceia, a dweud, &#8220;Yr ydym wedi puro t&#375;'r ARGLWYDD drwyddo, a hefyd allor y poethoffrwm a bwrdd y bara gosod a'u holl lestri. 19Yr ydym hefyd wedi paratoi a chysegru'r holl lestri a daflwyd allan gan y Brenin Ahas yn ystod ei deyrnasiad, pan oedd yn anffyddlon; y maent yn awr o flaen allor yr ARGLWYDD.&#8221;</div><div class="p"> 20Yna cododd y Brenin Heseceia yn fore, a chynnull swyddogion y ddinas a mynd i fyny i d&#375;'r ARGLWYDD. 21Daethant &#226; saith bustach, saith hwrdd, saith oen a saith bwch gafr yn aberth dros bechod ar ran y frenhiniaeth, y cysegr, a Jwda; a gorchmynnodd y brenin i'r offeiriaid, meibion Aaron, eu hoffrymu ar allor yr ARGLWYDD. 22Felly lladdwyd y bustych, a derbyniodd yr offeiriaid eu gwaed a'i luchio yn erbyn yr allor; wedyn lladdwyd yr hyrddod a'r &#373;yn, a lluchio'r gwaed yn erbyn yr allor. 23Daethant &#226; bychod yr aberth dros bechod o flaen y brenin a'r gynulleidfa, a gosod eu dwylo arnynt; 24yna lladdodd yr offeiriaid hwy a chyflwyno'u gwaed yn aberth dros bechod ar yr allor, i wneud cymod dros holl Israel. Oherwydd gorchmynnodd y brenin y dylid offrymu poethoffrwm ac aberth dros bechod ar ran Israel gyfan.</div><div class="p"> 25Gosododd Heseceia y Lefiaid yn nh&#375;'r ARGLWYDD gyda symbalau, nablau a thelynau yn &#244;l gorchymyn Dafydd, a Gad gweledydd y brenin, a Nathan y proffwyd; gorchymyn oedd hwn a ddaeth oddi wrth yr ARGLWYDD trwy ei broffwydi. 26Safodd y Lefiaid gydag offerynnau Dafydd, a'r offeiriaid gyda'r trwmpedau. 27Rhoddodd Heseceia orchymyn i offrymu'r poethoffrwm ar yr allor; a phan ddechreuodd y poethoffrwm, fe ddechreuodd c&#226;n i'r ARGLWYDD gyda'r trwmpedau ac offerynnau Dafydd brenin Israel. 28Yr oedd yr holl gynulleidfa yn ymgrymu, y cantorion yn canu a'r trwmpedau yn seinio; parhaodd y cwbl nes gorffen y poethoffrwm. 29Wedi gorffen offrymu, plygodd y brenin, a phawb oedd gydag ef, ac ymgrymu. 30Gorchmynnodd y Brenin Heseceia a'r swyddogion i'r Lefiaid foliannu'r ARGLWYDD yng ngeiriau Dafydd ac Asaff y gweledydd. Felly canasant fawl yn llawen, ac ymostwng ac ymgrymu.</div><div class="p"> 31Dywedodd Heseceia, &#8220;Yr ydych yn awr wedi ymgysegru i'r ARGLWYDD; dewch i'w d&#375; gydag aberthau ac offrymau diolch.&#8221; Felly dygodd y gynulleidfa aberthau ac offrymau diolch, a daeth pob un ewyllysgar &#226; phoethoffrymau. 32Nifer y poethoffrymau a ddygodd y gynulleidfa oedd deg a thrigain o fustych, cant o hyrddod a dau gant o &#373;yn, pob un yn boethoffrwm i'r ARGLWYDD; 33nifer yr offrymau cysegredig oedd chwe chant o fustych a thair mil o ddefaid. 34Ond nid oedd digon o offeiriaid i flingo'r holl boethoffrymau; felly cynorthwyodd eu brodyr y Lefiaid hwy i orffen y gwaith, nes i fwy o offeiriaid ymgysegru, oherwydd yr oedd y Lefiaid yn cymryd mwy o ofal wrth ymgysegru na'r offeiriaid. 35Yn ogystal &#226; llawer iawn o boethoffrymau, yr oedd yno fraster yr heddoffrymau a diodoffrymau ar gyfer y poethoffrymau. Fel hyn yr aildrefnwyd gwasanaeth t&#375;'r ARGLWYDD. 36Llawenhaodd Heseceia a'r holl bobl am yr hyn a wnaeth Duw iddynt, oherwydd fe ddigwyddodd y peth mor ddisymwth.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch30" data-usfm="2CH.30">
 <div class="label">30</div><div class="s">Paratoi at Gadw'r Pasg</div><div class="m"> 1Anfonodd Heseceia negeswyr trwy holl Israel a Jwda, ac ysgrifennu llythyrau at Effraim a Manasse i'w gwahodd i ddod i gadw Pasg yr ARGLWYDD, Duw Israel, yn nh&#375;'r ARGLWYDD yn Jerwsalem. 2Yr oedd y brenin a'i swyddogion a'r holl gynulleidfa yn Jerwsalem wedi cytuno i gadw'r Pasg yn yr ail fis, 3oherwydd ni allent ei gadw ar yr amser priodol am nad oedd digon o offeiriaid wedi ymgysegru, ac am nad oedd y bobl wedi ymgasglu yn Jerwsalem. 4Yr oedd y brenin a'r holl gynulleidfa yn gweld y cynllun yn un da. 5Felly gorchmynasant gyhoeddi trwy Israel gyfan, o Beerseba i Dan, fod pawb i ddod i Jerwsalem i gadw Pasg yr ARGLWYDD, Duw Israel; oherwydd nid oeddent wedi ei gadw yn &#244;l y drefn ysgrifenedig ers amser maith. 6Aeth negeswyr trwy holl Israel a Jwda, ar orchymyn y brenin, gyda llythyrau oddi wrtho ef a'i swyddogion, yn dweud, &#8220;Bobl Israel, dychwelwch at yr ARGLWYDD, Duw Abraham, Isaac ac Israel, ac fe ddychwel yntau at y gweddill ohonoch chwi a ddihangodd o law brenhinoedd Asyria. 7Peidiwch &#226; bod fel eich hynafiaid a'ch tylwyth, a droseddodd yn erbyn yr ARGLWYDD, Duw eu hynafiaid; oherwydd cawsant hwy eu hanrheithio, fel y gwelwch. 8Yn awr, peidiwch &#226; bod yn ystyfnig fel eich hynafiaid, ond ymostyngwch i'r ARGLWYDD, a dewch i'w gysegr a gysegrodd ef yn dragywydd; gwasanaethwch yr ARGLWYDD eich Duw er mwyn iddo droi ei lid tanbaid oddi wrthych. 9Oherwydd os dychwelwch at yr ARGLWYDD, caiff eich pobl a'ch plant drugaredd gan eu caethgludwyr, a dychwelyd i'r wlad hon; oblegid y mae'r ARGLWYDD eich Duw yn rasol a thrugarog, ac ni thry ei wyneb oddi wrthych os dychwelwch ato.&#8221;</div><div class="p"> 10Aeth y negeswyr o ddinas i ddinas trwy wlad Effraim a Manasse hyd at Sabulon, ond cawsant eu gwatwar a'u gwawdio. 11Er hynny, cytunodd rhai o Aser, Manasse a Sabulon i ddod i Jerwsalem. 12Bu llaw Duw ar Jwda hefyd yn annog y bobl i ufuddhau'n unfryd i orchymyn y brenin a'r swyddogion, yn unol &#226; gair yr ARGLWYDD.</div><div class="s">Cadw'r Pasg</div><div class="m"> 13Daeth llawer iawn o bobl ynghyd i Jerwsalem yn yr ail fis i gadw g&#373;yl y Bara Croyw; yr oedd yn gynulliad enfawr. 14Dechreusant symud ymaith yr allorau oedd yn Jerwsalem, ac aethant &#226;'r holl allorau arogldarth a'u taflu i nant Cidron. 15Yna, ar y pedwerydd dydd ar ddeg o'r ail fis, lladdasant oen y Pasg. Cywilyddiodd yr offeiriaid a'r Lefiaid am hyn; ac wedi iddynt ymgysegru, daethant &#226; phoethoffrymau i d&#375;'r ARGLWYDD. 16Safasant yn eu lle arferol yn &#244;l cyfraith Moses g&#373;r Duw, a lluchiodd yr offeiriaid y gwaed a gawsant gan y Lefiaid. 17Am fod llawer yn y gynulleidfa heb ymgysegru, yr oedd y Lefiaid yn lladd oen y Pasg dros bawb halogedig, er mwyn eu cysegru i'r ARGLWYDD. 18Oherwydd yr oedd nifer mawr o bobl, llawer ohonynt o Effraim, Manasse, Issachar a Sabulon, heb ymgysegru, ac felly'n bwyta'r Pasg yn groes i'r rheol. Ond gwedd&#239;odd Heseceia drostynt a dweud, 19&#8220;Bydded i'r ARGLWYDD da faddau i bob un a roes ei fryd ar geisio Duw, sef ARGLWYDD Dduw ei dadau, er nad yw wedi gwneud hynny yn &#244;l defod puredigaeth y cysegr.&#8221; 20Gwrandawodd yr ARGLWYDD ar Heseceia, ac fe iachaodd y bobl. 21Cadwodd yr Israeliaid oedd yn Jerwsalem &#373;yl y Bara Croyw am saith diwrnod &#226; llawenydd mawr, ac yr oedd y Lefiaid a'r offeiriaid yn moliannu'r ARGLWYDD yn feunyddiol ag offer soniarus yn perthyn i'r ARGLWYDD. 22Calonogodd Heseceia bob un o'r Lefiaid oedd yn gyfrifol am ddysgu ffyrdd daionus yr ARGLWYDD. Yna, am saith diwrnod yr &#373;yl bu pawb yn gwledda, yn aberthu heddoffrymau ac yn diolch i ARGLWYDD Dduw eu hynafiaid.</div><div class="s">Estyn Cyfnod y Pasg</div><div class="m"> 23Cytunodd yr holl gynulleidfa i gadw'r &#373;yl am saith diwrnod arall, ac fe wnaethant hynny'n llawen. 24Darparodd Heseceia brenin Jwda fil o fustych a saith mil o ddefaid i'r gynulleidfa, a rhoddodd y swyddogion fil o fustych a deng mil o ddefaid iddynt. Yna ymgysegrodd llawer iawn o'r offeiriaid. 25Llawenhaodd holl gynulleidfa Jwda, gyda'r offeiriaid, y Lefiaid, a'r holl gynulleidfa a ddaeth o Israel, gan gynnwys y dieithriaid oedd wedi dod o wlad Israel, a thrigolion Jwda. 26Felly bu llawenydd mawr yn Jerwsalem, na fu ei debyg yno er dyddiau Solomon fab Dafydd, brenin Israel. 27Yna safodd yr offeiriaid a'r Lefiaid i fendithio'r bobl; gwrandawodd Duw ar eu llef, ac esgynnodd eu gweddi i'w breswylfa sanctaidd yn y nefoedd.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch31" data-usfm="2CH.31">
 <div class="label">31</div><div class="s">Diwygiadau Heseceia</div><div class="m"> 1Pan ddaeth hyn i ben, aeth yr holl Israeliaid oedd yn bresennol allan i ddinasoedd Jwda i ddryllio'r colofnau, torri'r prennau Asera, a distrywio'r uchelfeydd a'r allorau trwy holl Jwda, Benjamin, Effraim a Manasse. Ar &#244;l eu difa'n llwyr dychwelodd yr holl Israeliaid i'w dinasoedd, pob un i'w gartref ei hun.</div><div class="p"> 2Trefnodd Heseceia yr offeiriaid a'r Lefiaid yn ddosbarthiadau ar gyfer eu gwasanaeth; yr oedd pob offeiriad a Lefiad yn gyfrifol am y poethoffrwm a'r heddoffrymau, ac yr oeddent i weini a rhoi diolch a moliannu ym mhyrth gwersylloedd yr ARGLWYDD. 3Cyfrannodd y brenin o'i olud ei hun tuag at y poethoffrymau, sef at boethoffrymau'r bore a'r hwyr a phoethoffrymau'r Sabothau, y newydd-loerau a'r gwyliau penodedig, fel y mae'n ysgrifenedig yng nghyfraith yr ARGLWYDD. 4Gorchmynnodd i'r bobl oedd yn byw yn Jerwsalem roi i'r offeiriaid a'r Lefiaid eu cyfran, er mwyn iddynt gadw cyfraith yr ARGLWYDD yn well. 5Pan gyhoeddwyd hyn, daeth yr Israeliaid &#226; llawer o flaenffrwyth &#375;d, gwin, olew, m&#234;l a holl gnwd y maes; daethant &#226; degwm llawn o bopeth. 6Daeth pobl Israel a Jwda oedd yn byw yn ninasoedd Jwda &#226; degwm o wartheg a defaid, ac o'r pethau cysegredig a gysegrwyd i'r ARGLWYDD eu Duw, a'u gosod yn bentyrrau. 7Dechreusant godi'r pentyrrau yn y trydydd mis, a'u gorffen yn y seithfed mis. 8Pan ddaeth Heseceia a'i swyddogion a gweld y pentyrrau, bendithiasant yr ARGLWYDD a'i bobl Israel. 9Pan ofynnodd Heseceia i'r offeiriaid a'r Lefiaid yngl&#375;n &#226;'r pentyrrau, 10dywedodd Asareia yr archoffeiriad o d&#375; Sadoc wrtho, &#8220;Er pan ddechreuodd y bobl ddod &#226; chyfraniadau i d&#375;'r ARGLWYDD, bwytasom a chawsom ein digoni, ac y mae llawer yn weddill, oherwydd bendithiodd yr ARGLWYDD ei bobl; dyna pam y mae cymaint ar &#244;l fel hyn.&#8221;</div><div class="p"> 11Gorchmynnodd Heseceia baratoi ystordai yn nh&#375;'r ARGLWYDD; gwnaethant felly, 12a daeth y bobl &#226;'r blaenffrwyth, y degwm a'r pethau cysegredig i mewn yn ffyddlon. Y pennaeth oedd Conaneia y Lefiad, a'i frawd Simei oedd y nesaf ato. 13Yn &#244;l gorchymyn y Brenin Heseceia ac Asareia pennaeth t&#375; Dduw, yr oedd Conaneia a'i frawd Simei yn cael eu cynorthwyo gan oruchwylwyr, sef Jehiel, Ahaseia, Nahath, Asahel, Jerimoth, Josabad, Eliel, Ismach&#235;a, Mahath a Benaia. 14Core fab Imna y Lefiad, y porthor wrth borth y dwyrain, oedd yn gofalu am yr offrymau gwirfoddol i Dduw, ac yn dosbarthu'r cyfraniadau a wnaed i'r ARGLWYDD a'r offrymau mwyaf sanctaidd. 15Yr oedd Eden, Miniamin, Jesua, Semaia, Amareia a Sechaneia yn ei gynorthwyo yn ninasoedd yr offeiriaid i rannu'n deg i'w brodyr, yn fach a mawr, fesul dosbarth. 16Yn ychwanegol, rhoddwyd ar y rhestr bob gwryw tair oed a throsodd a oedd yn dod yn ei dro i d&#375;'r ARGLWYDD i wasanaethu trwy gadw dyletswyddau yn &#244;l eu dosbarthiadau. 17Rhoddwyd ar y rhestr hefyd yr offeiriaid, yn &#244;l eu teuluoedd, a'r Lefiaid oedd yn ugain oed a throsodd, yn &#244;l eu dyletswyddau a'u dosbarthiadau. 18Rhoddwyd hwy ar y rhestr gyda'u holl blant, gwragedd, meibion a merched, y cwmni i gyd, am iddynt ymgysegru'n ffyddlon. 19Ar gyfer meibion Aaron, yr offeiriaid, a oedd yn byw yng nghytir eu dinasoedd, penodwyd dynion ym mhob dinas i roi cyfraniadau i bob gwryw yn eu plith ac i bob un o'r Lefiaid oedd ar y rhestr.</div><div class="p"> 20Dyma a wnaeth Heseceia trwy holl Jwda; gwnaeth yr hyn oedd dda, uniawn a ffyddlon gerbron yr ARGLWYDD ei Dduw. 21Pa beth bynnag a wn&#226;i i geisio ei Dduw yng ngwasanaeth t&#375; Dduw, yn &#244;l gofynion y gyfraith a'r gorchmynion, fe'i gwn&#226;i &#226;'i holl galon, a llwyddo.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch32" data-usfm="2CH.32">
 <div class="label">32</div><div class="s">Senacherib yn Bygwth Jerwsalem</div><div class="r"> 2 Bren. 18:13&#8211;37; 19:14&#8211;19, 35&#8211;37; Es. 36:1&#8211;22; 37:8&#8211;38</div><div class="m"> 1Yn fuan ar &#244;l yr enghreifftiau hyn o ffyddlondeb, daeth Senacherib brenin Asyria yn erbyn Jwda. 2Gwersyllodd o gwmpas y dinasoedd caerog gan feddwl eu hennill drosodd. Pan welodd Heseceia fod Senacherib wedi cyrraedd a'i fod yn bwriadu ymosod ar Jerwsalem, 3ymgynghorodd &#226;'i gapteiniaid a'i wroniaid yngl&#375;n &#226; chau'r ffynhonnau oedd y tu allan i'r ddinas, 4a chafodd eu cefnogaeth. Yna daeth llawer iawn o bobl ynghyd, a chaewyd yr holl ffynhonnau a'r nant oedd yn llifo trwy ganol y wlad. &#8220;Pam,&#8221; meddent, &#8220;y dylai brenhinoedd Asyria gael digon o dd&#373;r pan dd&#244;nt yma?&#8221; 5Ymroes y brenin i ailadeiladu pob rhan o'r mur oedd wedi ei ddryllio, a chodi ar y tyrau ac adeiladu mur arall ar yr ochr allan. Cryfhaodd y Milo yn Ninas Dafydd a gwneud llawer o arfau a tharianau. 6Gosododd gapteiniaid milwrol dros y bobl, a'u casglu ato i'r sgw&#226;r wrth borth y ddinas. Fe'u calonogodd gan ddweud, 7&#8220;Byddwch yn gryf a dewr. Peidiwch ag ofni na digalonni o flaen brenin Asyria a'i holl fintai. Y mae gennym ni fwy nag sydd ganddo ef. 8Gallu dynol sydd ganddo ef, ond y mae yr ARGLWYDD ein Duw gyda ni i'n cynorthwyo ac i ymladd ein brwydrau.&#8221; Ac fe ymddiriedodd y bobl yng ngeiriau Heseceia brenin Jwda.</div><div class="p"> 9Yn ddiweddarach, pan oedd Senacherib brenin Asyria a'i holl fyddin yn gwarchae ar Lachis, anfonodd ei weision i Jerwsalem gyda'r neges hon i Heseceia brenin Jwda a phawb o Jwda oedd yn Jerwsalem: 10&#8220;Fel hyn y dywed Senacherib brenin Asyria: Ym mha beth yr ydych yn ymddiried, fel eich bod yn aros dan warchae yn Jerwsalem? 11Onid yw Heseceia yn eich twyllo ac yn eich condemnio i farw o newyn a syched trwy ddweud, &#8216;Yr Arglwydd ein Duw a'n gwared ni o law brenin Asyria&#8217;? 12Onid yr Heseceia hwn a dynnodd ymaith ei uchelfeydd a'i allorau, a dweud wrth Jwda a Jerwsalem, &#8216;O flaen un allor yr addolwch ac arni hi yn unig yr arogldarthwch&#8217;? 13Oni wyddoch beth a wneuthum i a'm rhagflaenwyr i holl bobloedd y gwledydd? 14Prun o holl dduwiau'r cenhedloedd hyn, a ddinistriwyd gan fy rhagflaenwyr, a allodd waredu ei bobl o'm gafael? Sut felly y gall eich Duw chwi eich gwaredu o'm gafael? 15Yn awr, peidiwch &#226; gadael i Heseceia eich twyllo a'ch hudo fel hyn. Peidiwch ag ymddiried ynddo, oherwydd ni allodd duw unrhyw genedl na theyrnas waredu ei bobl o'm gafael i nac o afael fy rhagflaenwyr. Yn sicr ni all eich Duw chwi eich gwaredu o'm gafael!&#8221; 16Dywedodd gweision Senacherib lawer mwy yn erbyn yr ARGLWYDD Dduw a'i was Heseceia. 17Ysgrifennodd lythyrau hefyd yn gwatwar yr ARGLWYDD, Duw Israel, fel hyn: &#8220;Fel y methodd duwiau cenhedloedd y gwledydd waredu eu pobl o'm gafael, ni fydd Duw Heseceia chwaith yn gwaredu ei bobl o'm gafael.&#8221; 18A gwaeddasant yn uchel mewn Hebraeg ar bobl Jerwsalem oedd ar y mur, i godi arswyd arnynt er mwyn cymryd y ddinas. 19Dywedasant fod Duw Jerwsalem yr un fath &#226; duwiau pobloedd y ddaear, sef gwaith dwylo dynol. 20Oherwydd hyn gwedd&#239;odd y Brenin Heseceia a'r proffwyd Eseia fab Amos &#226; llef uchel tua'r nefoedd. 21Ac anfonodd yr ARGLWYDD angel a lladd pob gwron, arweinydd a chapten yng ngwersyll brenin Asyria. Dychwelodd yntau mewn cywilydd i'w wlad. A phan aeth i d&#375; ei dduw, lladdwyd ef yno &#226;'r cleddyf gan rai o'i blant ei hun. 22Felly gwaredodd yr ARGLWYDD Heseceia a thrigolion Jerwsalem o afael Senacherib brenin Asyria ac o afael eu holl elynion; amddiffynnodd hwy rhag pawb o'u hamgylch. 23Daeth llawer i Jerwsalem gydag offrymau i'r ARGLWYDD ac anrhegion gwerthfawr i Heseceia brenin Jwda. Ac ar &#244;l hynny cafodd y brenin ei barchu gan yr holl genhedloedd.</div><div class="s">Heseceia&#8212;ei Falchder, ei Lwyddiant a'i Farw</div><div class="r"> 2 Bren. 20:1&#8211;3, 12&#8211;21; Es. 38:1&#8211;3; 39:1&#8211;8</div><div class="m"> 24Yn y dyddiau hynny aeth Heseceia'n glaf hyd farw, a gwedd&#239;odd ar yr ARGLWYDD. Atebodd yntau ef trwy roi arwydd iddo. 25Ond am ei fod yn falch, ni werthfawrogodd Heseceia yr hyn a wnaed iddo, a daeth llid Duw arno ef ac ar Jwda a Jerwsalem. 26Yna, edifarhaodd Heseceia am ei falchder, a phobl Jerwsalem gydag ef, ac ni ddaeth llid yr ARGLWYDD arnynt wedyn yng nghyfnod Heseceia.</div><div class="p"> 27Yr oedd gan Heseceia olud a chyfoeth mawr iawn, a gwnaeth iddo'i hun drysordai ar gyfer arian ac aur, meini gwerthfawr, peraroglau, tarianau a phob math o bethau godidog. 28Gwnaeth ysguboriau i'r cynhaeaf gwenith, gwin ac olew, a hefyd stablau i bob math o anifail, a chorlannau i ddiadellau. 29Adeiladodd ddinasoedd iddo'i hun, a phrynodd lawer o ddefaid a gwartheg, oherwydd rhoddodd Duw olud mawr iawn iddo. 30Heseceia oedd yr un a gaeodd darddiad uchaf dyfroedd Gihon, a'u cyfeirio i lawr tua'r gorllewin i Ddinas Dafydd. Bu Heseceia'n llwyddiannus ym mhopeth a wnaeth. 31Hyd yn oed pan anfonwyd negeswyr ato gan swyddogion Babilon i holi ynghylch yr arwydd a welwyd yn y wlad, gadawodd Duw lonydd iddo er mwyn ei brofi a gwybod y cwbl oedd yn ei galon.</div><div class="p"> 32Am weddill hanes Heseceia, a'i deyrngarwch, y mae wedi ei ysgrifennu yng ngweledigaeth y proffwyd Eseia fab Amos, yn llyfr brenhinoedd Jwda ac Israel. 33Bu farw Heseceia, ac fe'i claddwyd ar y bryn lle mae beddau disgynyddion Dafydd. Pan fu farw, talodd holl Jwda a thrigolion Jerwsalem deyrnged iddo, a daeth ei fab Manasse yn frenin yn ei le.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch33" data-usfm="2CH.33">
 <div class="label">33</div><div class="s">Manasse Brenin Jwda</div><div class="r"> 2 Bren. 21:1&#8211;9, 17&#8211;18</div><div class="m"> 1Deuddeng mlwydd oed oedd Manasse pan ddaeth yn frenin, a theyrnasodd am hanner cant a phump o flynyddoedd yn Jerwsalem. 2Gwnaeth yr hyn oedd ddrwg yng ngolwg yr ARGLWYDD, yn &#244;l ffieidd-dra'r cenhedloedd a yrrodd yr ARGLWYDD allan o flaen yr Israeliaid. 3Ailadeiladodd yr uchelfeydd a ddinistriodd ei dad Heseceia, a chododd allorau i'r Baalim a gwneud delwau o Asera, ac ymgrymodd i holl lu'r nef a'u haddoli. 4Adeiladodd allorau yn y deml y dywedodd yr ARGLWYDD amdani, &#8220;Yn Jerwsalem y bydd fy enw am byth.&#8221; 5Cododd allorau i holl lu'r nef yn nau gyntedd y deml. 6Ef oedd yr un a barodd i'w feibion fynd trwy d&#226;n yn nyffryn Ben-hinnom, arferodd hudoliaeth, swynion a chyfaredd, ac ymh&#233;l ag ysbrydion a dewiniaeth. Yr oedd yn ymroi i wneud yr hyn oedd ddrwg yng ngolwg yr ARGLWYDD, i'w ddigio. 7Gwnaeth ddelw gerfiedig a'i gosod yn y deml y dywedodd Duw amdani wrth Ddafydd a'i fab Solomon, &#8220;Yn y t&#375; hwn ac yn Jerwsalem, y lle a ddewisais allan o holl lwythau Israel, yr wyf am osod fy enw'n dragwyddol. 8Ni throf Israel allan mwyach o'r tir a roddais i'ch hynafiaid, ond iddynt ofalu gwneud y cwbl a orchmynnais iddynt yn y gyfraith, y deddfau a'r cyfreithiau a gawsant gan Moses.&#8221; 9Ond arweiniodd Manasse Jwda a thrigolion Jerwsalem ar gyfeiliorn, i wneud yn waeth na'r cenhedloedd a ddinistriodd yr ARGLWYDD o flaen yr Israeliaid.</div><div class="p"> 10Er i'r ARGLWYDD lefaru wrth Manasse a'i bobl, ni wrandawsant. 11Yna anfonodd yr ARGLWYDD swyddogion byddin brenin Asyria yn eu herbyn; daliasant hwy Manasse &#226; bachau a'i roi mewn gefynnau pres a mynd ag ef i Fabilon. 12Yn ei gyfyngder gwedd&#239;odd Manasse ar yr ARGLWYDD ei Dduw, a'i ddarostwng ei hun o flaen Duw ei hynafiaid. 13Pan wedd&#239;odd arno, trugarhaodd Duw wrtho; gwrandawodd ar ei weddi a dod ag ef yn &#244;l i Jerwsalem i'w frenhiniaeth. Yna gwybu Manasse mai'r ARGLWYDD oedd Dduw.</div><div class="p"> 14Ar &#244;l hyn adeiladodd fur allanol i Ddinas Dafydd yn y dyffryn i'r gorllewin o Gihon hyd at fynedfa Porth y Pysgod, ac amgylchu Offel a'i wneud yn uchel iawn. Gosododd hefyd swyddogion milwrol yn holl ddinasoedd caerog Jwda. 15Tynnodd ymaith y duwiau dieithr a'r ddelw o d&#375;'r ARGLWYDD, a'r holl allorau a adeiladodd ym mynydd t&#375;'r ARGLWYDD ac yn Jerwsalem, a'u taflu allan o'r ddinas. 16Atgyweiriodd allor yr ARGLWYDD, ac offrymodd arni heddoffrymau ac offrymau diolch a gorchymyn Jwda i wasanaethu'r ARGLWYDD, Duw Israel. 17Er hynny, yr oedd y bobl yn dal i aberthu ar yr uchelfeydd, ond i'r ARGLWYDD eu Duw yn unig.</div><div class="p"> 18Am weddill hanes Manasse, ei weddi ar ei Dduw, a geiriau'r gweledyddion a fu'n siarad ag ef yn enw'r ARGLWYDD, Duw Israel, y maent yng nghronicl brenhinoedd Israel. 19Y mae ei weddi a'r ateb ffafriol a gafodd, a hanes ei holl bechod a'i gamwedd, a'r lleoedd yr adeiladodd uchelfeydd a gosod pyst Asera a cherfddelwau ynddynt cyn iddo ymostwng, wedi eu hysgrifennu yng nghronicl y gweledyddion. 20A bu farw Manasse, a'i gladdu yn ei balas; a daeth ei fab Amon yn frenin yn ei le.</div><div class="s">Amon Brenin Jwda</div><div class="r"> 2 Bren. 21:19&#8211;26</div><div class="m"> 21Dwy ar hugain oed oedd Amon pan ddaeth yn frenin, a theyrnasodd am ddwy flynedd yn Jerwsalem. 22Gwnaeth yr hyn oedd ddrwg yng ngolwg yr ARGLWYDD, fel y gwnaeth ei dad Manasse. Aberthodd Amon i'r holl gerfddelwau a wnaeth ei dad, ac fe'u gwasanaethodd. 23Ond nid ymostyngodd o flaen yr ARGLWYDD fel y gwnaeth ei dad Manasse; yr oedd ef, Amon, yn troseddu'n waeth. 24Cynllwynodd ei weision yn ei erbyn, a'i ladd yn ei d&#375;; 25ond yna, lladdwyd pawb a fu'n cynllwyn yn erbyn y Brenin Amon gan bobl y wlad, a gwnaethant ei fab Joseia yn frenin yn ei le.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch34" data-usfm="2CH.34">
 <div class="label">34</div><div class="s">Joseia a'i Ddiwygiad</div><div class="r"> 2 Bren. 22:1&#8211;2</div><div class="m"> 1Wyth mlwydd oed oedd Joseia pan ddaeth yn frenin, a theyrnasodd am dri deg ac un o flynyddoedd yn Jerwsalem. 2Gwnaeth yr hyn oedd uniawn yng ngolwg yr ARGLWYDD, a dilyn llwybrau ei dad Dafydd yn gwbl ddiwyro. 3Yn yr wythfed flwyddyn o'i deyrnasiad, ac yntau'n dal yn llanc ifanc, dechreuodd geisio Duw ei dad Dafydd. Yn y ddeuddegfed flwyddyn, dechreuodd buro Jwda a Jerwsalem o'r uchelfeydd, y pyst Asera, y cerfddelwau a'r delwau tawdd. 4Gorchmynnodd ddinistrio allorau'r Baalim, a thorrodd i lawr yr allorau arogldarth a oedd uwch eu pen; drylliodd yn chwilfriw y pyst Asera, y cerfddelwau a'r delwau tawdd; malodd hwy'n yfflon a thaenu eu llwch hyd wyneb beddau y rhai a fu'n aberthu iddynt. 5Llosgodd esgyrn yr offeiriaid ar eu hallorau, a phurodd Jwda a Jerwsalem. 6Gwnaeth yr un peth yn ninasoedd Manasse, Effraim a Simeon, hyd at Nafftali, ac yn yr adfeilion o'u cwmpas, 7sef dryllio'r allorau a'r pyst Asera, a malu'r cerfluniau'n yfflon a dinistrio'r holl arogldarth trwy Israel gyfan; yna dychwelodd i Jerwsalem.</div><div class="s">Darganfod Llyfr y Gyfraith</div><div class="r"> 2 Bren. 22:3&#8211;20</div><div class="m"> 8Yn y ddeunawfed flwyddyn o'i deyrnasiad, ar &#244;l puro'r wlad a'r deml, anfonodd Saffan fab Asaleia, Maaseia rheolwr y ddinas a Joa fab Joahas y cofiadur i atgyweirio t&#375;'r ARGLWYDD ei Dduw. 9Pan ddaethant at Hilceia yr archoffeiriad rhoesant iddo'r arian a ddygwyd i d&#375; Dduw ac a gasglodd y Lefiaid, ceidwaid y drws, oddi wrth Manasse ac Effraim a gweddill Israel, ac o holl Jwda, Benjamin a thrigolion Jerwsalem. 10Yna rhoddwyd ef i'r goruchwylwyr oedd yn gofalu am d&#375;'r ARGLWYDD; rhoddasant hwythau ef i'r gweithwyr oedd yn gweithio yn nh&#375;'r ARGLWYDD ac yn atgyweirio'i agennau. 11Fe'i rhoesant hefyd i'r seiri a'r adeiladwyr i brynu cerrig nadd a choed ar gyfer distiau a thrawstiau i'r adeiladau yr oedd brenhinoedd Jwda wedi eu hesgeuluso. 12Yr oedd y dynion yn gweithio'n ddiwyd dan oruchwyliaeth y Lefiaid oedd yn eu hannog, sef Jahath ac Obadeia o feibion Merari, a Sechareia a Mesulam o feibion y Cohathiaid. Ac yr oedd y Lefiaid, pob un a fedrai ganu offeryn cerdd, 13hefyd yn gofalu am y cludwyr ac yn arolygu pob gweithiwr, beth bynnag oedd ei waith. Yr oedd rhai o'r Lefiaid hefyd yn ysgrifenyddion, swyddogion a phorthorion.</div><div class="p"> 14Wrth iddynt ddwyn allan yr arian a ddygwyd i d&#375;'r ARGLWYDD, darganfu Hilceia'r offeiriad lyfr cyfraith yr ARGLWYDD, a roddwyd trwy Moses. 15Dywedodd Hilceia wrth Saffan yr ysgrifennydd, &#8220;Cefais lyfr y gyfraith yn nh&#375;'r ARGLWYDD.&#8221; A rhoddodd y llyfr i Saffan. 16Aeth Saffan &#226;'r llyfr at y brenin a'r un pryd rhoi adroddiad iddo a dweud, &#8220;Y mae dy weision yn gwneud y cwbl a orchmynnwyd iddynt. 17Y maent wedi cyfrif yr arian oedd yn nh&#375;'r ARGLWYDD ac wedi ei drosglwyddo i'r ymgymerwyr a'r gweithwyr.&#8221; 18Ac ychwanegodd Saffan yr ysgrifennydd wrth y brenin, &#8220;Rhoddodd Hilceia'r offeiriad lyfr imi&#8221;; a darllenodd Saffan ef i'r brenin. 19Pan glywodd y brenin gynnwys y gyfraith, rhwygodd ei ddillad, 20a gorchmynnodd i Hilceia ac i Ahicam fab Saffan, ac i Abdon fab Nicha, ac i Saffan yr ysgrifennydd ac i Asaia gwas y brenin, 21&#8220;Ewch i ymgynghori &#226;'r ARGLWYDD ar fy rhan, ac ar ran pawb sydd ar &#244;l yn Israel a Jwda, yngl&#375;n &#226; chynnwys y llyfr a ddaeth i'r golwg; oherwydd y mae llid yr ARGLWYDD yn fawr, ac wedi ei ennyn yn ein herbyn am na chadwodd ein hynafiaid air yr ARGLWYDD na gwneud yr hyn a ysgrifennwyd yn y llyfr hwn.&#8221;</div><div class="p"> 22Yna aeth Hilceia, a'r rhai a orchmynnodd#34:22 Felly llawysgrifau. TM heba orchmynnodd. y brenin, at y broffwydes Hulda, gwraig Salum fab Ticfa, fab Hasra, ceidwad y gwisgoedd. Yr oedd hi'n byw yn yr Ail Barth yn Jerwsalem; ac wedi iddynt ddweud eu neges, 23dywedodd hi wrthynt, &#8220;Fel hyn y dywed yr ARGLWYDD, Duw Israel. Dywedwch wrth y g&#373;r a'ch anfonodd ataf, 24&#8216;Fel hyn y dywed yr ARGLWYDD: Yr wyf yn dwyn drwg ar y lle hwn a'i drigolion, sef yr holl felltithion sy'n ysgrifenedig yn y llyfr a ddarllenwyd yng ng&#373;ydd brenin Jwda, 25am eu bod wedi fy ngwrthod ac wedi arogldarthu i dduwiau eraill, i'm digio ym mhopeth a wn&#226;nt; y mae fy nig wedi ei ennyn yn erbyn y lle hwn, ac nis diffoddir.&#8217; 26Dyma a ddywedwch wrth frenin Jwda, a'ch anfonodd i ymgynghori &#226;'r ARGLWYDD: &#8216;Fel hyn y dywed yr ARGLWYDD, Duw Israel, yngl&#375;n &#226;'r geiriau a glywaist: 27Am i'th galon dyneru ac iti ymostwng o flaen Duw pan glywaist ei eiriau am y lle hwn a'i drigolion, am iti ymostwng ac wylo o'i flaen, a rhwygo dy ddillad, yr wyf finnau wedi gwrando, medd yr ARGLWYDD. 28Am hynny pan fyddi farw, dygir di i'r bedd mewn heddwch, ac ni w&#234;l dy lygaid yr holl ddrwg a ddygaf ar y lle hwn a'i drigolion.&#8217; &#8221; Dygasant hwythau'r ateb i'r brenin.</div><div class="s">Cyfamod Joseia</div><div class="r"> 2 Bren. 23:1&#8211;20</div><div class="m"> 29Yna anfonodd y brenin a chasglu ynghyd holl henuriaid Jwda a Jerwsalem; 30ac aeth i fyny i d&#375;'r ARGLWYDD, a holl bobl Jwda a thrigolion Jerwsalem gydag ef, a hefyd yr offeiriaid a'r Lefiaid a phawb o'r bobl, o'r lleiaf hyd y mwyaf. Yna darllenodd yn eu clyw holl gynnwys y llyfr cyfamod a gaed yn nh&#375;'r ARGLWYDD. 31Safodd y brenin wrth ei golofn, a gwnaeth gyfamod o flaen yr ARGLWYDD i ddilyn yr ARGLWYDD ac i gadw ei orchmynion a'i dystiolaethau a'i ddeddfau &#226;'i holl galon ac &#226;'i holl enaid, ac i gyflawni geiriau'r cyfamod a ysgrifennwyd yn y llyfr hwn. 32Gwnaeth i bawb oedd yn byw yn Jerwsalem a Benjamin gadw'r cyfamod. Yna cadwodd trigolion Jerwsalem gyfamod Duw, Duw eu hynafiaid. 33Felly tynnodd Joseia ymaith bob ffieidd-dra o'r holl diriogaeth oedd yn perthyn i'r Israeliaid, a gwnaeth i bawb oedd yn byw yn Israel wasanaethu'r ARGLWYDD eu Duw. Yn ei gyfnod ef ni throesant oddi ar &#244;l yr ARGLWYDD, Duw eu hynafiaid.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch35" data-usfm="2CH.35">
 <div class="label">35</div><div class="s">Joseia'n Cadw'r Pasg</div><div class="r"> 2 Bren. 23:21&#8211;23</div><div class="m"> 1Cadwodd Joseia Basg i'r ARGLWYDD yn Jerwsalem; lladdasant oen y Pasg ar y pedwerydd dydd ar ddeg o'r mis cyntaf. 2Gosododd yr offeiriaid ar ddyletswydd, a'u hannog i wasanaethu yn nh&#375; yr ARGLWYDD. 3Dywedodd wrth y Lefiaid oedd yn sanctaidd i'r ARGLWYDD ac yn dysgu holl Israel, &#8220;Rhowch yr arch sanctaidd yn y t&#375; a adeiladodd Solomon fab Dafydd, brenin Israel; nid ydych i'w chario ar eich ysgwyddau. Yn awr, gwasanaethwch yr ARGLWYDD eich Duw a'i bobl Israel. 4Paratowch eich hunain fesul teulu yn &#244;l eich dosbarthiadau, fel yr ysgrifennodd Dafydd brenin Israel a'i fab Solomon. 5Safwch yn y cysegr dros eich pobl leyg fesul teulu yn &#244;l eich dosbarthiadau; y mae gan y Lefiaid gyfran ym mhob teulu. 6Lladdwch oen y Pasg; ymgysegrwch a pharatoi, er mwyn i'ch pobl wneud yn &#244;l gair yr ARGLWYDD trwy Moses.&#8221;</div><div class="p"> 7Rhoddodd Joseia i'r holl bobl oedd yn bresennol ddeng mil ar hugain o ddefaid, sef &#373;yn a mynnod, a thair mil o ychen ar gyfer y Pasg; daeth y cwbl o'r drysorfa frenhinol. 8Hefyd, rhoddodd ei swyddogion o'u gwirfodd i'r bobl, a'r offeiriaid a'r Lefiaid. Rhoddodd Hilceia, Sechareia a Jehiel, prif swyddogion t&#375; Dduw, ddwy fil a chwe chant o ddefaid a thri chant o ychen i'r offeiriaid ar gyfer y Pasg. 9A rhoddodd Cononeia a'i frodyr Semaia a Nethaneel, a Hasabeia, Jehiel a Josabad, swyddogion y Lefiaid, bum mil o ddefaid a phum cant o ychen ar gyfer y Pasg. 10Felly paratowyd y gwasanaeth, a safodd yr offeiriaid yn eu lle a'r Lefiaid yn eu dosbarthiadau, yn &#244;l gorchymyn y brenin. 11Lladdasant oen y Pasg, a lluchiodd yr offeiriaid beth o'r gwaed ar yr allor tra oedd y Lefiaid yn blingo'r anifeiliaid. 12Yna aethant &#226;'r poethoffrymau ymaith i'w dosbarthu yn &#244;l rhaniadau teuluoedd y bobl, er mwyn iddynt offrymu i'r ARGLWYDD fel y mae'n ysgrifenedig yn llyfr Moses; felly hefyd y gwnaethant &#226;'r ychen. 13Rhostiwyd oen y Pasg ar y t&#226;n, yn &#244;l y ddefod, a berwi'r pethau cysegredig mewn crochanau, peiriau a phedyll, a'u rhannu ar frys i'r holl bobl. 14Yna paratoesant ar eu cyfer eu hunain ac ar gyfer yr offeiriaid, oherwydd yr oedd yr offeiriaid, meibion Aaron, wedi bod yn aberthu'r poethoffrwm a'r offrymau o fraster hyd yr hwyr. Fel hyn y parat&#244;dd y Lefiaid ar eu cyfer eu hunain a'r offeiriaid, meibion Aaron. 15Yr oedd y cantorion, meibion Asaff, yn eu lle yn &#244;l gorchymyn Dafydd: Asaff, Heman a Jeduthun, gweledydd y brenin; ac yr oedd pob un o'r porthorion wrth ei borth. Nid oedd raid iddynt adael eu gwaith, oherwydd yr oedd eu brodyr y Lefiaid yn paratoi ar eu cyfer.</div><div class="p"> 16Fel hyn y paratowyd holl wasanaeth yr ARGLWYDD y diwrnod hwnnw, er mwyn cadw'r Pasg ac offrymu poethoffrymau ar allor yr ARGLWYDD yn &#244;l gorchymyn y Brenin Joseia. 17Yr adeg honno cadwodd yr Israeliaid oedd yn bresennol y Pasg a g&#373;yl y Bara Croyw am saith diwrnod. 18Ni chadwyd Pasg fel hwn yn Israel er dyddiau Samuel y proffwyd, ac ni chadwodd yr un o frenhinoedd Israel y Pasg fel y cadwodd Joseia ef gyda'r offeiriaid, y Lefiaid, pawb oedd yn bresennol o Jwda ac Israel, a thrigolion Jerwsalem. 19Yn y ddeunawfed flwyddyn o deyrnasiad Joseia y cadwyd y Pasg hwn.</div><div class="s">Marw Joseia</div><div class="r"> 2 Bren. 23:28&#8211;30</div><div class="m"> 20Ar &#244;l hyn oll, pan oedd Joseia wedi paratoi'r deml, daeth Necho brenin yr Aifft i fyny i ymladd yn Carchemis ar lan afon Ewffrates, ac aeth Joseia allan i'w gyfarfod. 21Ond anfonodd Necho negeswyr ato i ddweud, &#8220;Beth sydd a wnelwyf fi &#226; thi, brenin Jwda? Nid yn dy erbyn di yr wyf fi wedi dod yma heddiw, ond i ymladd yn erbyn teyrnas arall. Dywedodd Duw wrthyf am frysio, a phaid ti &#226; rhwystro'r Duw sydd gyda mi, rhag iddo dy ddifa.&#8221; 22Ond ni throdd Joseia oddi wrtho, oherwydd yr oedd yn benderfynol o ymladd ag ef; gwrthododd wrando ar eiriau Necho, a ddaeth oddi wrth Dduw, ac aeth i ymladd yn nyffryn Megido. 23Saethwyd y Brenin Joseia gan y saethyddion, a dywedodd wrth ei weision, &#8220;Ewch &#226; mi ymaith, oherwydd cefais fy nghlwyfo'n ddrwg.&#8221; 24Tynnodd ei weision ef allan o'r cerbyd, a'i roi yn ei ail gerbyd a mynd ag ef i Jerwsalem. Bu farw yno ac fe'i claddwyd ym meddrod ei hynafiaid, a galarodd holl Jwda a Jerwsalem amdano. 25Gwnaeth Jeremeia alarnad am Joseia, a hyd heddiw y mae pob canwr a chantores yn s&#244;n amdano yn eu galarnadau. Y mae caniadau o'r fath yn ddefod yn Israel, ac y maent wedi eu hysgrifennu yn y Galarnadau.</div><div class="p"> 26Am weddill hanes Joseia, ei ddaioni yn gwneud yn &#244;l yr hyn a ysgrifennwyd yng nghyfraith yr ARGLWYDD, 27a'i weithredoedd o'r dechrau i'r diwedd, y maent wedi eu hysgrifennu yn llyfr brenhinoedd Israel a Jwda.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk2CH">
 <div class="chapter ch36" data-usfm="2CH.36">
 <div class="label">36</div><div class="s">Jehoahas Brenin Jwda</div><div class="r"> 2 Bren. 23:30&#8211;35</div><div class="m"> 1Dewisodd pobl y wlad Jehoahas fab Joseia, a'i wneud yn frenin yn lle ei dad yn Jerwsalem. 2Tair ar hugain oed oedd Jehoahas pan ddaeth yn frenin, a theyrnasodd am dri mis yn Jerwsalem. 3Ond diorseddodd Necho brenin yr Aifft ef yn Jerwsalem, a gosododd ar y wlad dreth o gan talent o arian a thalent o aur. 4Hefyd gwnaeth Eliacim ei frawd yn frenin ar Jwda a Jerwsalem, a newid ei enw i Jehoiacim, a chymerodd Jehoahas brawd y brenin i lawr i'r Aifft.</div><div class="s">Jehoiacim Brenin Jwda</div><div class="r"> 2 Bren. 23:36&#8212;24:7</div><div class="m"> 5Pump ar hugain oed oedd Jehoiacim pan ddaeth yn frenin, a theyrnasodd yn Jerwsalem am un mlynedd ar ddeg. Gwnaeth yr hyn oedd ddrwg yng ngolwg yr ARGLWYDD ei Dduw. 6Daeth Nebuchadnesar brenin Babilon yn ei erbyn, a'i garcharu mewn gefynnau pres a mynd ag ef i Fabilon. 7Aeth &#226; rhai o lestri t&#375;'r ARGLWYDD hefyd i Fabilon a'u gosod yn ei balas yno. 8Am weddill hanes Jehoiacim, y ffieidd-dra a wnaeth a'r cyhuddiadau yn ei erbyn, y maent wedi eu hysgrifennu yn llyfr brenhinoedd Israel a Jwda. Daeth ei fab Jehoiachin yn frenin yn ei le.</div><div class="s">Jehoiachin Brenin Jwda</div><div class="r"> 2 Bren. 24:8&#8211;17</div><div class="m"> 9Deunaw#36:9 Felly 2 Bren. 24:8. TM, Wyth. mlwydd oed oedd Jehoiachin pan ddaeth yn frenin, a theyrnasodd am dri mis a deg diwrnod yn Jerwsalem. Gwnaeth yr hyn oedd ddrwg yng ngolwg yr ARGLWYDD. 10Ar droad y flwyddyn, anfonodd y Brenin Nebuchadnesar i'w gyrchu i Fabilon gyda'r llestri gorau o d&#375;'r ARGLWYDD, a gwnaeth ei frawd Sedeceia yn frenin ar Jwda a Jerwsalem.</div><div class="s">Sedeceia Brenin Jwda</div><div class="r"> 2 Bren. 24:18&#8211;20; 25:1&#8211;20; Jer. 52:1&#8211;11</div><div class="m"> 11Un ar hugain oed oedd Sedeceia pan ddaeth yn frenin, a theyrnasodd am un mlynedd ar ddeg yn Jerwsalem. 12Gwnaeth yr hyn oedd ddrwg yng ngolwg yr ARGLWYDD ei Dduw. Gwrthododd ymostwng o flaen y proffwyd Jeremeia, a oedd yn llefaru dros yr ARGLWYDD. 13Gwrthryfelodd hefyd yn erbyn y Brenin Nebuchadnesar, a oedd wedi gwneud iddo dyngu i Dduw. Ystyfnigodd a chaledodd ei galon rhag dychwelyd at yr ARGLWYDD, Duw Israel. 14Aeth swyddogion yr offeiriaid a'r bobl yn fwy anffyddlon fyth, gan ddilyn holl ffieidd-dra'r cenhedloedd a halogi t&#375;'r ARGLWYDD a gysegrodd ef yn Jerwsalem. 15Anfonodd yr ARGLWYDD, Duw eu hynafiaid, atynt yn barhaus trwy law ei negeswyr, am ei fod yn tosturio wrth ei bobl a'i drigfan. 16Ond yr oeddent hwy yn gwatwar ei negeswyr, yn gwawdio ei eiriau ac yn dirmygu ei broffwydi, nes y daeth llid yr ARGLWYDD ar ei bobl heb arbed. 17Anfonodd frenin y Caldeaid i fyny yn eu herbyn, a lladdodd hwnnw eu gw&#375;r ifainc &#226;'r cleddyf yn eu cysegrle, heb arbed na llanc na morwyn, na'r hen na'r oedrannus; rhoddodd bob un ohonynt yn ei afael. 18Dygodd i Fabilon holl lestri t&#375; Dduw, bach a mawr, trysorau t&#375;'r ARGLWYDD a thrysorau'r brenin a'i swyddogion. 19Llosgasant d&#375; Dduw a dinistrio mur Jerwsalem, a llosgi hefyd ei holl balasau &#226; th&#226;n, a distrywio'i holl lestri godidog. 20Caethgludodd i Fabilon bawb a achubwyd rhag y cleddyf, a buont yn weision iddo ef a'i feibion nes y dechreuodd y Persiaid deyrnasu. 21Mwynhaodd y wlad ei Sabothau; trwy'r holl amser y bu'n anghyfannedd fe orffwysodd, nes cwblhau deng mlynedd a thrigain, a chyflawni gair yr ARGLWYDD trwy Jeremeia'r proffwyd.</div><div class="s">Cyrus a Dychweliad yr Iddewon</div><div class="r"> Esra 1:1&#8211;4</div><div class="m"> 22Yn y flwyddyn gyntaf i Cyrus brenin Persia, er mwyn cyflawni gair yr ARGLWYDD trwy Jeremeia, cynhyrfodd yr ARGLWYDD ysbryd Cyrus, a chyhoeddodd yntau ddatganiad trwy ei holl deyrnas, ac ysgrifennu: 23&#8220;Fel hyn y dywed Cyrus brenin Persia: Y mae'r ARGLWYDD, Duw'r nefoedd, wedi rhoi holl deyrnasoedd y byd i mi, ac wedi gorchymyn i mi adeiladu t&#375; iddo yn Jerwsalem yn Jwda. Pob un o'ch plith sy'n perthyn i'w bobl, bydded yr ARGLWYDD ei Dduw gydag ef, ac aed i fyny.&#8221;</div>
 </div>
 </div>
</div>

OT90 (Old Testament in 90 Days)Sampl

The Story Continues...

Ysgrythur

Am y Cynllun hwn

Cynlluniau Tebyg