Adfent: Y Daith hyd at y NadoligSampl

Dyna beth oedd "Gwyrth y Nadolig"!

Ar ôl i Dduw addo Gwaredwr, dechreuodd ddadlennu gwirionedd penodol am y Brenin oedd i ddod drwy broffwydi. Fwy na 680 o flynyddoedd cyn geni Iesu dywedodd Dduw wrth Eseia y byddai'r Gwaredwr yn cael ei eni o wyryf ac mai Duw fyddai e mewn cnawd. Mae cywirdeb yr un honiad yma'n wyrthiol, yn arbennig o feddwl faint o flynyddoedd bu rhaid i'r byd ddisgwyl i'r addewid hen gael ei gyflawni. Ond, un yn unig yw'r broffwydoliaeth hon o 108, gyflawnwyd yng ngenedigaeth a bywyd Iesu.

Ym 1958 astudiodd a chyfrifodd athro mathemateg ac astroleg, Peter Stoner y tebygolrwydd o'r proffwydoliaethau Meseianaidd yn cael eu cyflawni. Daeth i'r casgliad, y tebygolrwydd o hyd yn oed 8 o'r 108 yn dod yn wir, fyddai un mewn 100,000,000,000,000,000. Hynny yw, un mewn can cwadriliwn. WYTH o'r 108! Mae hyn yn gwneud y Nadolig yn un o'r gwyrthiau arwyddocaol mewn hanes.

Wrth i ni ddathlu'r gwyliau rhyfeddol hwn, meddylia mewn difri am yr annhebygolrwydd o Iesu'n dod i'r byd, fel y proffwydwyd. Mae hi bron yn amhosib i'w ddirnad! Ein hunig ymateb rhesymegol yw addoli - mewn diolchgarwch a syndod. Mae'r Gair yn dweud wrthon ni nad oes terfyn i rym Duw, ac mae'r rhifau hyn yn dystiolaeth o hynny. Mae e'n haeddu ein rhyfeddod.

Gweddi: Dad, rwyt ti'n syfrdanol. Does gen i ddim syniad sut y gwnest ti weu stori Iesu at ei gilydd cyn iddo gael ei eni. Dw i'n synnu at dy rym a daioni annherfynol. Diolch am y wyrth o dy Fab. Helpa fi i beidio colli golwg ar dy fawredd.

Lawrlwytha'r llun ar gyfer heddiw yma.