Жаратылыу 14
14
Ибрам Лутну къутхарады
1Шинарны патчахы Амрафел, Элласарны патчахы Ариох, Эламны патчахы Кедорлаомер эм Гойимни патчахы Тидал башчылыкъ этген заманда, 2ала, бирлешип, Содомну патчахы Берагъа, Гомораны патчахы Биршагъа, Адманы патчахы Шинабха, Цевоимни патчахы Шемеберге эм Соар деп да аталгъан Беланы патчахына къажау уруш башлагъандыла. 3Бу ахыр сагъынылгъан беш патчах аскерлерин бусагъатда Тузлу тенгиз болгъан Сиддим ёзенинде бирге къошхандыла. 4Ала Кедорлаомерге онеки жыл къуллукъ этип тургъандыла, онючюнчю жылда уа къозгъалгъандыла. 5Онтёртюнчю жылда уа Кедорлаомер эм аны бла бирлешген патчахла келип, Аштерот-Карнаимде рефалыланы, Хамда зузлуланы, Шаве-Кириятаимде эмлилени 6Эм къуу жерни къатындагъы Эл-Параннга дери созулгъан Сеир тау жеринде хорлуланы хорлагъандыла. 7Сора, андан къайтып, энди Кадеш деп аталгъан Эн-Мишпатха келгендиле да, амалеклилени битеу къыралларын алып, Хасасон-Тамарда жашагъан аморлуланы хорлагъандыла.
8Сора Содомну патчахы, Гомораны патчахы, Адманы патчахы, Цевоимни патчахы эм энди Соар деп аталгъан Беланы патчахы жолгъа чыкъгъандыла. Бу беш патчах Сиддим ёзенинде тёрт патчахха – 9Эламны патчахы Кедорлаомерге, Гойимни патчахы Тидалгъа, Шинарны патчахы Амрафелге, Элласарны патчахы Ариохха – къажау урушха хазырланнгандыла. 10Сиддим ёзени уа чайыр уруладан толу эди. Содомну бла Гомораны патчахлары урушда хорлатып, къачып баргъанда, бир къауум адам жыгъылып ол урулагъа тюшгендиле, сау къалгъанлары уа таулагъа къачхандыла. 11Хорлагъанла Содомну бла Гомораны битеу мюлклерин бла асырагъан затларын алып кетгендиле. 12Ибрамны къарындашындан туугъан, Содомда жашагъан Лутну да, аны мюлкюн да алып кетгендиле.
13Сау къалгъанладан биреу келип, болуннган ишни чюйютлю Ибрамгъа билдиргенди. Ибрам ол заманда Эшколну бла Анерни къарындашы аморлу Мамрени эмен тереклерини къатында жашай эди. Быланы барысы да Ибрам бла кесамат этип эдиле. 14Ибрам, къарындашыны уланы жесирге алыннганын эшитгенде, кесини юйюнде туууп ёсген 318 къулун биргесине алып, душманланы Даннга дери ызларындан къуууп баргъанды. 15Адамларын бёлюп, кечегиде душманлагъа чабыуул этгенди. Ибрам бла аны къуллары аланы хорлагъандыла эм Дамаскны шималындагъы Хобагъа дери ызларындан къуууп баргъандыла. 16Алай бла Ибрам битеу сыйырылгъан мюлкню къайтаргъанды, къарындашыны уланы Лутну эм аны мюлкюн, тиширыуланы эм халкъны да ызына къайтаргъанды.
Мелкиседек Ибрамгъа алгъыш этеди
17Ибрам Кедорлаомерни эм аны бла бирлешген патчахланы хорлап къайтханындан сора, Содомну патчахы аны бла тюбешир ючюн чыгъып, Патчахны Ёзени деп да аталгъан, Шаве ёзеннге баргъанды. 18Салимни патчахы Мелкиседек да ётмек бла чагъыр келтиргенди, ол Аллаху-Тааланы дин къуллукъчусу эди. 19Ол Ибрамгъа алгъыш этип, былай айтды:
– Кёкню да, жерни да Иеси Аллаху-Таала
Ибрамгъа алгъыш этсин!
20Душманларынгы къолунга тюшюрген
Аллаху-Таалагъа шукур болсун!
Сора Ибрам анга хар затындан ондан бирин зекятха бергенди.
21Содомну патчахы Ибрамгъа:
– Манга адамларымы бер, мюлкню уа кесинге ал, – деди.
22Ибрам а Содомну патчахына былай айтды:
– Кёкню да, жерни да Иеси Раббий Аллаху-Таалагъа къолуму созуп, ант этеме; 23сен: «Ибрамны мен бай этдим», – деп айтмаз ючюн, сени битеу затларынгдан халы неда чарыкъ бау окъуна аллыкъ тюйюлме. 24Адамларым ашагъан затладан башха мен бир зат да аллыкъ тюйюлме; мени бла баргъан адамла уа – Анер, Эшкол эм Мамре – кеслерини юлюшлерин алсынла.
Dewis Presennol:
Жаратылыу 14: МалкъСК
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© Институт перевода Библии, 2020-2024
Жаратылыу 14
14
Ибрам Лутну къутхарады
1Шинарны патчахы Амрафел, Элласарны патчахы Ариох, Эламны патчахы Кедорлаомер эм Гойимни патчахы Тидал башчылыкъ этген заманда, 2ала, бирлешип, Содомну патчахы Берагъа, Гомораны патчахы Биршагъа, Адманы патчахы Шинабха, Цевоимни патчахы Шемеберге эм Соар деп да аталгъан Беланы патчахына къажау уруш башлагъандыла. 3Бу ахыр сагъынылгъан беш патчах аскерлерин бусагъатда Тузлу тенгиз болгъан Сиддим ёзенинде бирге къошхандыла. 4Ала Кедорлаомерге онеки жыл къуллукъ этип тургъандыла, онючюнчю жылда уа къозгъалгъандыла. 5Онтёртюнчю жылда уа Кедорлаомер эм аны бла бирлешген патчахла келип, Аштерот-Карнаимде рефалыланы, Хамда зузлуланы, Шаве-Кириятаимде эмлилени 6Эм къуу жерни къатындагъы Эл-Параннга дери созулгъан Сеир тау жеринде хорлуланы хорлагъандыла. 7Сора, андан къайтып, энди Кадеш деп аталгъан Эн-Мишпатха келгендиле да, амалеклилени битеу къыралларын алып, Хасасон-Тамарда жашагъан аморлуланы хорлагъандыла.
8Сора Содомну патчахы, Гомораны патчахы, Адманы патчахы, Цевоимни патчахы эм энди Соар деп аталгъан Беланы патчахы жолгъа чыкъгъандыла. Бу беш патчах Сиддим ёзенинде тёрт патчахха – 9Эламны патчахы Кедорлаомерге, Гойимни патчахы Тидалгъа, Шинарны патчахы Амрафелге, Элласарны патчахы Ариохха – къажау урушха хазырланнгандыла. 10Сиддим ёзени уа чайыр уруладан толу эди. Содомну бла Гомораны патчахлары урушда хорлатып, къачып баргъанда, бир къауум адам жыгъылып ол урулагъа тюшгендиле, сау къалгъанлары уа таулагъа къачхандыла. 11Хорлагъанла Содомну бла Гомораны битеу мюлклерин бла асырагъан затларын алып кетгендиле. 12Ибрамны къарындашындан туугъан, Содомда жашагъан Лутну да, аны мюлкюн да алып кетгендиле.
13Сау къалгъанладан биреу келип, болуннган ишни чюйютлю Ибрамгъа билдиргенди. Ибрам ол заманда Эшколну бла Анерни къарындашы аморлу Мамрени эмен тереклерини къатында жашай эди. Быланы барысы да Ибрам бла кесамат этип эдиле. 14Ибрам, къарындашыны уланы жесирге алыннганын эшитгенде, кесини юйюнде туууп ёсген 318 къулун биргесине алып, душманланы Даннга дери ызларындан къуууп баргъанды. 15Адамларын бёлюп, кечегиде душманлагъа чабыуул этгенди. Ибрам бла аны къуллары аланы хорлагъандыла эм Дамаскны шималындагъы Хобагъа дери ызларындан къуууп баргъандыла. 16Алай бла Ибрам битеу сыйырылгъан мюлкню къайтаргъанды, къарындашыны уланы Лутну эм аны мюлкюн, тиширыуланы эм халкъны да ызына къайтаргъанды.
Мелкиседек Ибрамгъа алгъыш этеди
17Ибрам Кедорлаомерни эм аны бла бирлешген патчахланы хорлап къайтханындан сора, Содомну патчахы аны бла тюбешир ючюн чыгъып, Патчахны Ёзени деп да аталгъан, Шаве ёзеннге баргъанды. 18Салимни патчахы Мелкиседек да ётмек бла чагъыр келтиргенди, ол Аллаху-Тааланы дин къуллукъчусу эди. 19Ол Ибрамгъа алгъыш этип, былай айтды:
– Кёкню да, жерни да Иеси Аллаху-Таала
Ибрамгъа алгъыш этсин!
20Душманларынгы къолунга тюшюрген
Аллаху-Таалагъа шукур болсун!
Сора Ибрам анга хар затындан ондан бирин зекятха бергенди.
21Содомну патчахы Ибрамгъа:
– Манга адамларымы бер, мюлкню уа кесинге ал, – деди.
22Ибрам а Содомну патчахына былай айтды:
– Кёкню да, жерни да Иеси Раббий Аллаху-Таалагъа къолуму созуп, ант этеме; 23сен: «Ибрамны мен бай этдим», – деп айтмаз ючюн, сени битеу затларынгдан халы неда чарыкъ бау окъуна аллыкъ тюйюлме. 24Адамларым ашагъан затладан башха мен бир зат да аллыкъ тюйюлме; мени бла баргъан адамла уа – Анер, Эшкол эм Мамре – кеслерини юлюшлерин алсынла.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© Институт перевода Библии, 2020-2024