Жаратылыу 13
13
Ибрам бла Лут айырыладыла
1Ибрам къатыны эм битеу болгъан заты бла бирге Мисирден чыгъып, Негеб жанына тебирегенди. Лут да аны биргесине эди. 2Ибрам малдан, кюмюшден, алтындан бек бай эди. 3Ол, Негеб жанындан кёче келип, Бейт-Элге дери барды; Бейт-Элни бла Гайны арасында алгъын чатырын къургъан жерине жетди. 4Анда алгъын ишлеген къурман этилиучю жерине баргъанды. Алайда Ибрам Раббийни атын айтып, дууа этгенди.
5Ибрам бла бирге кёчюп жюрюген Лутну да къой-эчкилери, тууарлары эм чатырлары болгъандыла. 6Ала бирге сыйынып жашарча жер эркин тюйюл эди: мюлклери асыры кёпден, ала бирге сыйынып болалмай эдиле. 7Ибрамны сюрюучюлери бла Лутну сюрюучюлери тохтаусуз даулашып болгъандыла. Ол заманда уа ол жерде кенанлыла бла перизлиле жашай эдиле.
8Ибрам Лутха:
– Бизни ортабызда эм сюрюучюлерибизни арасында къаугъа болмасын; биз жууукълабыз да! – деди. – 9Битеу бу жер сени аллынгда тюйюлмюдю? Менден айырылсанг, иги болур. Сен сол жанына барсанг, мен онг жанына барырма; сен онг жанына барсанг а, мен сол жанына барырма.
10Лут тёгерекге къарап, Иорданны ёзенин кёргенди. Ол жер битеу Соаргъа дери окъуна, Раббийни бахчасыча эм Мисирни жерича, иги сугъарылыучу эди. Бу бары Раббий Содомну бла Гомораны къурутхунчу болгъанды. 11Лут кесине битеу Иорданны ёзенин сайлап, кюн чыкъгъан жанына атланнганды. Алай бла экиси бири-биринден айырылгъандыла. 12Ибрам Кенанны жеринде жашап болгъанды, Лут а ёзендеги шахарлада жерлешип, чатырларын Содомну тийресинде къургъанды. 13Содомну халкъы уа аман халили болгъанды, адамлары Раббийни аллында кёп гюнях эте эдиле.
14Лут Ибрамдан айырылгъандан сора, Раббий Ибрамгъа былай айтды:
– Энди болгъан жерингден шималгъа, къыбылагъа, кюн чыкъгъан жанына эм кюн батхан жанына къара. 15Бу сен кёрген битеу жерни Мен ёмюрлеге да санга бла сени урлугъунга берликме. 16Туудукъларынгы санын жер букъу кибик кёп этерикме. Жер букъуну санаялгъан адам болса, сени туудукъларынг да саналлыкъдыла. 17Тур, бу жерни узунлугъуна бла кенглигине бар. Мен аны санга берликме.
18Сора Ибрам, чатырларын жыйып, кёчюп барып, Хеброннга, Мамрени эмен тереклерини къатына келип жерлешгенди. Анда Раббийге къурман этилиучю жер къурагъанды.
Dewis Presennol:
Жаратылыу 13: МалкъСК
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© Институт перевода Библии, 2020-2024
Жаратылыу 13
13
Ибрам бла Лут айырыладыла
1Ибрам къатыны эм битеу болгъан заты бла бирге Мисирден чыгъып, Негеб жанына тебирегенди. Лут да аны биргесине эди. 2Ибрам малдан, кюмюшден, алтындан бек бай эди. 3Ол, Негеб жанындан кёче келип, Бейт-Элге дери барды; Бейт-Элни бла Гайны арасында алгъын чатырын къургъан жерине жетди. 4Анда алгъын ишлеген къурман этилиучю жерине баргъанды. Алайда Ибрам Раббийни атын айтып, дууа этгенди.
5Ибрам бла бирге кёчюп жюрюген Лутну да къой-эчкилери, тууарлары эм чатырлары болгъандыла. 6Ала бирге сыйынып жашарча жер эркин тюйюл эди: мюлклери асыры кёпден, ала бирге сыйынып болалмай эдиле. 7Ибрамны сюрюучюлери бла Лутну сюрюучюлери тохтаусуз даулашып болгъандыла. Ол заманда уа ол жерде кенанлыла бла перизлиле жашай эдиле.
8Ибрам Лутха:
– Бизни ортабызда эм сюрюучюлерибизни арасында къаугъа болмасын; биз жууукълабыз да! – деди. – 9Битеу бу жер сени аллынгда тюйюлмюдю? Менден айырылсанг, иги болур. Сен сол жанына барсанг, мен онг жанына барырма; сен онг жанына барсанг а, мен сол жанына барырма.
10Лут тёгерекге къарап, Иорданны ёзенин кёргенди. Ол жер битеу Соаргъа дери окъуна, Раббийни бахчасыча эм Мисирни жерича, иги сугъарылыучу эди. Бу бары Раббий Содомну бла Гомораны къурутхунчу болгъанды. 11Лут кесине битеу Иорданны ёзенин сайлап, кюн чыкъгъан жанына атланнганды. Алай бла экиси бири-биринден айырылгъандыла. 12Ибрам Кенанны жеринде жашап болгъанды, Лут а ёзендеги шахарлада жерлешип, чатырларын Содомну тийресинде къургъанды. 13Содомну халкъы уа аман халили болгъанды, адамлары Раббийни аллында кёп гюнях эте эдиле.
14Лут Ибрамдан айырылгъандан сора, Раббий Ибрамгъа былай айтды:
– Энди болгъан жерингден шималгъа, къыбылагъа, кюн чыкъгъан жанына эм кюн батхан жанына къара. 15Бу сен кёрген битеу жерни Мен ёмюрлеге да санга бла сени урлугъунга берликме. 16Туудукъларынгы санын жер букъу кибик кёп этерикме. Жер букъуну санаялгъан адам болса, сени туудукъларынг да саналлыкъдыла. 17Тур, бу жерни узунлугъуна бла кенглигине бар. Мен аны санга берликме.
18Сора Ибрам, чатырларын жыйып, кёчюп барып, Хеброннга, Мамрени эмен тереклерини къатына келип жерлешгенди. Анда Раббийге къурман этилиучю жер къурагъанды.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© Институт перевода Библии, 2020-2024