Rhufeiniaid 16
16
A.D. 60. —
3 Paul yn ewyllysio i’r brodyr annerch llawer; 17 ac yn eu cynghori hwy i ochelyd y rhai sydd yn peri anghydfod a rhwystrau: 21 ac ar ôl amryw anerchion, yn diweddu gyda moliant a diolch i Dduw.
1Yr wyf yn gorchymyn i chwi Phebe ein chwaer, yr hon sydd weinidoges i eglwys Cenchrea: 2Dderbyn ohonoch hi yn yr Arglwydd, #3 Ioan 1:5–6 megis y mae yn addas i saint, a’i chynorthwyo hi ym mha beth bynnag y byddo rhaid iddi wrthych: canys hithau hefyd a fu gymorth i lawer, ac i minnau fy hun hefyd. 3Anerchwch #Act 18:2, 26; 2 Tim 4:19Priscila ac Acwila, fy nghyd‐weithwyr yng Nghrist Iesu; 4Y rhai dros fy mywyd i a ddodasant eu gyddfau eu hunain i lawr: i’r rhai nid wyf fi yn unig yn diolch, ond hefyd holl eglwysydd y Cenhedloedd. 5Anerchwch hefyd #1 Cor 16:19; Col 4:15; Philem 2yr eglwys sydd yn eu tŷ hwy. Anerchwch fy annwyl Epenetus, yr hwn yw #1 Cor 16:15blaenffrwyth Achaia yng Nghrist. 6Anerchwch Mair, yr hon a gymerodd lawer o boen erom ni. 7Anerchwch Andronicus a Jwnia, fy ngheraint a’m cyd‐garcharorion, y rhai sydd hynod ymhlith yr apostolion, y rhai hefyd #Gal 1:22oeddynt yng Nghrist o’m blaen i. 8Anerchwch Amplias, fy anwylyd yn yr Arglwydd. 9Anerchwch Urbanus, ein cyd‐weithiwr yng Nghrist, a Stachys fy anwylyd. 10Anerchwch Apeles, y profedig yng Nghrist. Anerchwch y rhai sydd o #16:10 geraint. dylwyth Aristobulus. 11Anerchwch Herodion, fy nghâr. Anerchwch y rhai sydd o #16:11 geraint. dylwyth Narcisus, y rhai sydd yn yr Arglwydd. 12Anerchwch Tryffena a Thryffosa, y rhai a gymerasant boen yn yr Arglwydd. Anerchwch yr annwyl Persis, yr hon a gymerodd lawer o boen yn yr Arglwydd. 13Anerchwch Rwffus etholedig yn yr Arglwydd, a’i fam ef a minnau. 14Anerchwch Asyncritus, Phlegon, Hermas, Patrobas, Mercurius; a’r brodyr sydd gyda hwynt. 15Anerchwch Philogus, a Jwlia, Nereus a’i chwaer, ac Olympas, a’r holl saint y rhai sydd gyda hwynt. 16#1 Cor 16:20; 2 Cor 13:12; 1 Thess 5:26; 1 Pedr 5:14Anerchwch y naill y llall â chusan sanctaidd. Y mae eglwysi Crist yn eich annerch. 17Ac yr wyf yn atolwg i chwi, frodyr, graffu ar y rhai sydd yn peri anghydfod a rhwystrau yn erbyn yr athrawiaeth a ddysgasoch chwi; a #1 Cor 5:9, 11; 2 Thess 3:6, 14; 2 Tim 3:5; 2 Ioan 10chiliwch oddi wrthynt. 18Canys y rhai sydd gyfryw, nid ydynt yn gwasanaethu ein Harglwydd Iesu Grist, eithr #Phil 3:19eu bol eu hunain; a thrwy ymadrodd teg a gweniaith, yn twyllo calonnau’r rhai diddrwg. 19Canys #Pen 1:8eich ufudd‐dod chwi a ddaeth ar led at bawb. Yr wyf fi gan hynny yn llawen o’ch rhan chwi: eithr myfi a ewyllysiwn i chwi fod #Mat 10:16; 1 Cor 14:20yn ddoethion tuag at y peth sydd dda, ac yn wirion tuag at y peth sydd ddrwg. 20A #Pen 15:33Duw’r tangnefedd a #16:20 ysiga.#Gen 3:15sathr Satan dan eich traed chwi ar frys. #Ad. 24; 1 Cor 16:23; Dat 22:21Gras ein Harglwydd Iesu Grist fyddo gyda chwi. Amen. 21#Act 16:1; Phil 2:19; 1 Thess 3:2Y mae Timotheus fy nghyd‐weithiwr, a Lucius, a Jason, a Sosipater, fy ngheraint, yn eich annerch. 22Yr wyf fi Tertius, yr hwn a ysgrifennais yr epistol hwn, yn eich annerch yn yr Arglwydd. 23Y mae Gaius fy lletywr i, a’r holl eglwys, yn eich annerch. Y mae Erastus, goruchwyliwr y ddinas, yn eich annerch, a’r brawd Cwartus. 24#Ad. 20; 1 Thess 5:28Gras ein Harglwydd Iesu Grist a fyddo gyda chwi oll. Amen. 25#Eff 3:20; Jwdas 24I’r hwn a ddichon eich cadarnhau yn ôl fy efengyl i, a phregethiad Iesu Grist, (yn ôl datguddiad #1 Cor 2:7; Eff 3:5, 9; Col 1:26y dirgelwch, yr hwn ni soniwyd amdano er #16:25 amseroedd tragwyddol.dechreuad y byd; 26Ac #2 Tim 1:10; Titus 1:2, 3; 1 Pedr 1:20yr awron a eglurwyd, a thrwy ysgrythurau’r proffwydi, yn ôl gorchymyn y tragwyddol Dduw, a gyhoeddwyd ymhlith yr holl genhedloedd, er mwyn #Act 6:7; Pen 1:5 15:18ufudd‐dod ffydd:) 27I #1 Tim 1:17; Jwdas 25Dduw yr unig ddoeth, y byddo gogoniant trwy Iesu Grist yn dragywydd. Amen.
At y Rhufeiniaid yr ysgrifennwyd o Gorinth, gyda Phebe, gweinidoges yr eglwys yn Cenchrea.
Dewis Presennol:
Rhufeiniaid 16: BWM1955C
Uwcholeuo
Rhanna
Cymharu
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society