Rhufeiniaid 10
10
A.D. 60. —
5 Bod yr ysgrythur lân yn dangos y rhagor sydd rhwng cyfiawnder y gyfraith a’r hwn sydd o ffydd; 11 ac na chywilyddir neb a gredo, pa un bynnag ai Iddew ai cenedl‐ddyn fyddo; 18 ac y derbyn y Cenhedloedd y gair, ac y credant. 19 Nad oedd y pethau hyn anhysbys i’r Iddewon.
1O frodyr, gwir ewyllys fy nghalon, a’m gweddi ar Dduw dros yr Israel, sydd #10:1 ar eu bod yn gadwedig.er iachawdwriaeth. 2Canys yr wyf fi yn dyst iddynt, #Act 21:20; 22:3; Pen 9:31fod ganddynt sêl Duw, eithr nid ar ôl gwybodaeth. 3Canys hwynt‐hwy, heb wybod cyfiawnder Duw, ac yn ceisio gosod eu cyfiawnder eu hunain, nid ymostyngasant i gyfiawnder Duw. 4Canys #Gal 3:24Crist yw diwedd y ddeddf, er cyfiawnder i bob un sy’n credu. 5Canys y mae Moses yn ysgrifennu am y cyfiawnder sydd o’r ddeddf, #Lef 18:5; Esec 20:11, 13, 21; Gal 3:12Mai’r dyn a wnêl y pethau hynny, a fydd byw trwyddynt. 6Eithr y mae’r cyfiawnder sydd o ffydd yn dywedyd fel hyn; #Deut 30:12, 13Na ddywed yn dy galon, Pwy a esgyn i’r nef? (hynny yw, dwyn Crist i waered oddi uchod:) 7Neu, pwy a ddisgyn i’r dyfnder? (hynny yw, dwyn Crist drachefn i fyny oddi wrth y meirw,) 8Eithr pa beth y mae efe yn ei ddywedyd? #Deut 30:14Mae’r gair yn agos atat, yn dy enau, ac yn dy galon: hwn yw gair y ffydd, yr hwn yr ydym ni yn ei bregethu; 9Mai #Mat 10:32; Act 8:37os cyffesi â’th enau yr Arglwydd Iesu, a chredu yn dy galon i Dduw ei gyfodi ef o feirw, cadwedig fyddi. 10Canys â’r galon y credir i gyfiawnder, ac â’r genau y cyffesir i iachawdwriaeth. 11Oblegid y mae’r ysgrythur yn dywedyd, #Esa 28:16; 49:23; Jer 17:7Pwy bynnag sydd yn credu ynddo ef, ni chywilyddir. 12Canys #Pen 3:22nid oes gwahaniaeth rhwng Iddew a Groegwr: oblegid #Act 10:36; Pen 3:29; 1 Tim 2:5yr un Arglwydd ar bawb, #Eff 1:7; 2:4, 7sydd oludog i bawb a’r sydd yn galw arno. 13#Joel 2:32; Act 2:21Canys pwy bynnag a alwo ar enw yr Arglwydd, cadwedig fydd. 14Pa fodd gan hynny y galwant ar yr hwn ni chredasant ynddo? a pha fodd y credant yn yr hwn ni chlywsant amdano? a pha fodd y clywant, heb bregethwr? 15A pha fodd y pregethant, onis danfonir hwynt? megis y mae yn ysgrifenedig, #Esa 52:7Mor brydferth yw traed y rhai sydd yn efengylu tangnefedd, y rhai sydd yn efengylu pethau daionus! 16Eithr #Heb 4:2nid ufuddhasant hwy oll i’r efengyl: canys y mae Eseias yn dywedyd, #Esa 53:1; Ioan 12:38 O Arglwydd, pwy a gredodd i’n #10:16 pregethiad.hymadrodd ni? 17Am hynny ffydd sydd trwy glywed, a chlywed trwy air Duw. 18Eithr meddaf, Oni chlywsant hwy? #Salm 19:4; Mat 24:14; Col 1:6, 23Yn ddiau i’r holl ddaear yr aeth eu sŵn hwy, a’u geiriau hyd derfynau y byd. 19Eithr meddaf, Oni wybu Israel? Yn gyntaf, y mae Moses yn dywedyd, #Deut 32:21Mi a baraf i chwi wynfydu trwy rai nid yw genedl; trwy genedl anneallus y’ch digiaf chwi. 20Eithr y mae Eseias yn ymhyfhau, ac yn dywedyd, #Esa 65:1Cafwyd fi gan y rhai nid oeddynt yn fy ngheisio; a gwnaed fi yn eglur i’r rhai nid oeddynt yn ymofyn amdanaf. 21Ac wrth yr Israel y mae yn dywedyd, #Esa 65:2Ar hyd y dydd yr estynnais fy nwylo at bobl anufudd ac yn gwrthddywedyd.
Dewis Presennol:
Rhufeiniaid 10: BWM1955C
Uwcholeuo
Rhanna
Cymharu
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society