ROMA Alki/ituú niiná daanduú barwiito'oorihe
Alki/ituú niiná daanduú barwiito'oorihe
Heé barwiito'oorí gaa gooin a Paulo, ya/abusmo, nee lawaalmoó Yesu Kristo (1:1). Barwaárí gana gooín amór «Mukdaádá' Mungú aa slaá' nee aa ateét tawa múk hhohhó' oo Mungú,» oo baraá gixsár Roma (1:7).
Gár Paulo mukwí ngusa barwiito'oórií gooín a gun xu'utisár wa slaa' daanduú aaiiwós kudá' i keemuú wa slai baraá gixsár Roma (1:13,15,22-29; 19:21) Gana slaá' sleeme múk Roma nguwa iislaxi as nguwa alee/iisiya' baraá aaiiwós awa i keemuú slai baraá yaamaá Spania (15:24). Sleeme gana slaá' múk kríshaanáy nguwa kwa/asi baraá haratlintaaooro, nee tsuuqaá Qeeru ngiwa dir'ínií haniisi (1:11-12).
Ya/abusmo Paulo baraá gixsarí ló'wa iia tleer gaa kayká, ala múk yaariír oo aa haratlintii' baraá gixsarihe gu xuu' (16:1-21).
Ya/abusmo Paulo gana slaá' muruudá' slahhaá' baraá haratlintaaór kríshaanayhe nguwa gooín amór mukwí. Muruudá' a daanduú Ya/abtór hho' adór tar «/Uuruú Mungú oo ba/amár huwahuúw dír muu sleémeero kudá' aa haratlintii', hargeeraawo dír heé Yahudi nee dír heé Yunaniro sleeme.» Paulo mukós guna inslawtís adór muu sleémeero tlakweema ngira tleéhh. Múk Yahudi hara'ayár Mose gaa iialooeesiiká, nee múk xoordaá hatlá' tam Mungú nguwa xuiya' baraá inslaway'ine ngun slaiiaaká. Gawaá adoorihe, «Heé ganaá' i kaahh tumu wák» (3:9). «Heé Mungú gu leelehhiít i kaahh» (3:11). Hám daxta as adoorí muu sleémeero iwa qwaár, «Loohír hatlá' kaa geehhooeés ar Mungú hee ngur gan'amií harafaari — Mungú gan'amuuwí gun hanmiis dír umuúqo heewo oo Yesu Kristo gwaa haratlintii'» (3:21-22).
Aluuwo Paulo kángw slafíngw /abén oo heé Yesu gwaa haratlintii' guri intsaahhatís, nee adór slafingwí tar mamaá /uuruú Qeeruú hhoohhoó'.
Digir wakeetíngw barwiito'oorí:
Axweesantá geera nee gár slahhaa' 1:1-17
Hee i ba/amár slaa' 1:18—3:20
Loohír Mungú ar ba/ama 3:21—4:25
Slafíngw /abén baraá Kristoowo 5:1—8:39
Xoorór Israeli baraá sla'aarír Munguhe 9:1—11:36
Adór kríshaanáy iwa harin 12:1—15:13
Axweesanoó alhhe'eesaay nee intsihhiisani 15:14—16:27
Dewis Presennol:
ROMA Alki/ituú niiná daanduú barwiito'oorihe: IRQW
Uwcholeuo
Copi
Cymharu
Rhanna
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
The Bible in Iraqw © Bible Society of Tanzania, 2004.