Lyfr y Psalmau 83
83
1Duw, na ddistawa ’n fud yn hwy,
Ac na fydd lonydd, Arglwydd Rhi;
2D’ elynion yn terfysgu sydd,
Gan godi eu pen yn d’ erbyn Di.
3Dichellgar gyfrinachu maent
Yn ddirgel yn ein herbyn ni;
Cynghorion eu drygionus fryd
Sy ’n erbyn dy rai dirgel Di.
4Dywedant yn eu llidiog frad,
“Deuwch yn awr, difethwn hwy;
Na byddont genedl etto byth,
Na chofier Enw Israel mwy.”
5Mewn bradol gyngrair yn gyttûn
I’th erbyn ymgynghora ’u llu;
6Pabellau Edom, Ismael drwch,
Moabiaid, a phlant Agar ddu.
7Gebal, ac Ammon, Amalec,
Philistiaid, a gwŷr Tyrus gerth;
8Ac Assur aeth yn un â hwy,
A buant i blant Lot yn nerth.
9-10Gwna hwy fel Midian yn dy lid,
Fel Sisera, fel Jabin gas;
Yn Endor, wrth ffrwd Cison hen,
Gwnaethpwyd hwy ’n dail i’r ddaear las.
11Eu rhwysgfawr bendefigion hwy
Gwna Di fel Oreb ac fel Zeeb;
Fel Zebah, fel Salmunna bônt
I gyd, ac na ’s dïango neb.
12“Meddiannwn gyfanneddau Duw,”
Oedd iaith eu brad yn erbyn nef;
13Fel olwyn gosod hwy, fy Ion,
Fel sofl o flaen y ’storom gref.
14Fel llosgi ’r goedwig yn y tân,
Fel goddaith flam ar fynydd crin,
15Erlid hwy â’th dymhestloedd chwyrn,
Dychryna hwy â’th gorwynt blin.
16Duw, llanw ’u hwyneb trwch â gwarth.
Fel y ceisiont d’ Enw mawr dilyth;
17Gwarthrudder, gwawdier, bliner hwy,
Distryw a gwarth fo ’u cyfran byth.
18Addefant felly mai Tydi,
Sy â’th Enw yn JEHOFAH mawr,
Wyt uwchaf yn uchelder nef,
Goruwch amgylchoedd daear lawr.
Dewis Presennol:
Lyfr y Psalmau 83: SC1850
Uwcholeuo
Copi
Cymharu
Rhanna
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.