Adnodau Beiblaidd Poblogaidd o Mathew 19

Rhanna

A’r Iesu a edrychodd arnynt, ac a ddywedodd wrthynt, ‘Gyda dynion amhosibl yw hyn, ond gyda Duw pob peth sydd bosibl.’

Gan hynny, nid ydynt mwy yn ddau, ond yn un cnawd. Y peth gan hynny a gysylltodd Duw, nac ysgared dyn.’

Ac efe a atebodd ac a ddywedodd wrthynt, ‘Oni ddarllenasoch i’r hwn a’u gwnaeth o’r dechrau “eu gwneuthur hwy yn wryw a benyw,” ac iddo ddywedyd, “Oblegid hyn y gad dyn dad a mam, ac y glŷn wrth ei wraig, a’r ddau fyddant yn un cnawd”?

A’r Iesu a ddywedodd, ‘Gadewch i’r plant bychain, ac na waherddwch iddynt ddyfod ataf fi; canys o’r cyfryw rai y mae teyrnas nefoedd.’

Ond llawer o’r rhai blaenaf a fyddant yn olaf, a’r rhai olaf yn flaenaf.

A phob un a adawodd dai neu frodyr neu chwiorydd, neu dad neu fam, neu wraig neu blant neu diroedd, er mwyn fy enw i, a dderbyn y can cymaint, a bywyd tragwyddol a etifedda efe.

Yr Iesu a ddywedodd wrtho, ‘Os ewyllysi fod yn berffaith, dos, gwerth yr hyn sydd gennyt a dyro i’r tlodion, a thi a gei drysor yn y nef; a thyred, canlyn fi.’

Yntau a ddywedodd wrtho, ‘Paham y gelwi fi yn dda? Nid da neb ond un, sef Duw. Ond os ewyllysi fyned i mewn i’r bywyd, cadw’r gorchmynion.’

A thrachefn meddaf i chwi, haws yw i gamel fyned trwy grau’r nodwydd nag i oludog fyned i mewn i deyrnas Dduw.’

Ac meddaf i chwi, pwy bynnag a ysgaro â’i wraig, ond am odineb, ac a briodo un arall, y mae efe yn torri priodas; ac y mae’r hwn a briodo’r hon a ysgarwyd, yn torri priodas.’

Yna y dywedodd yr Iesu wrth ei ddisgyblion, ‘Yn wir y dywedaf i chwi, mai yn anodd yr â goludog i mewn i deyrnas nefoedd.