Adnodau Beiblaidd Poblogaidd o मत्ती 6

Rhanna

कोईत पेल्लू तुमु परमेश्वरोओ राज्य अने धार्मिकताआ होद को म्हणजे तुमाहा ऐ आखी वस्तु तुमाहा जोड़े.

अने हांदा चिंता कोहू नाहा काहाके हांदा दिह खुदोओ चिंता खुद कोइत लेय; आजे दिहो कोअता आजे दु:ख जाखो होय.

कोईत आय तुमाहा कोत्लू का, आपाआ जीवाकोता ए चिंता कोहू नाहा का, की खावा अने की पिवा अने आपाआ डीलाकोता की पाघरिलो, खानापेक्षा जीव अने कापडाप रोत डील जाखा महत्वाओ होय का नाहा?

पण तू जांहा प्रार्थना कोअनारू तेहलाम आपाआ बंद खोलीम जा अने दरवाजू बंद कोईत आपाआ बाह्हा आरी जो गुप्तमे होय प्रार्थना को अने ताआ बाह्हू जो गुप्तपणे पालत्लू ताहु तिया फोल आपे

याकोअता तुमु एहला प्रमाणे प्रार्थना को, ओ आमा ओबा, तू जो होर्गाम होय, ताआ नाव पवित्र मान्ये जालो, ताआ राज्य आवे, ताआ ईच्छा जीही होर्गाम पुरो ओते, तेहलूज धोरतीपो पण पुरो उवे.

आमाआं दीहोओ रोटू आज आमाहा आप.

अने जेहलो आमू आमा शत्रूहू माफ कोअया तेहलूज तू पण आमा अपराध माफ को.

अने आमाहा परीक्षेमेहे लेतावी नाहा, ताहा वाईटापोरोत वासाड, काहाके राज्य, पराक्रम अने गौरव ताआज होय आमेन.

जर आमाहा मांहाआ अपराध क्षमा कोअनारू ताहा तो तुमाआ होर्गामेऱ्ये बाह्हू पण तुमामे क्षमा कोअनारू

जुगोमेरयो सिडाहा पाला, ते पेईलो कोअते नाहा अने वाडीलो ए कोईत नाहा अने खोलामेहे जमा कोईत नाहा तेबी तुमाआ होर्गामेऱ्ये बाह्हू तियाहा खाहुं आपत्लू तीयामरोत तुमाआ किमोत जाखा होय का नाहा?

तुमा कोअता धोरतीपो धन साठवून मा मिकाहा जीही किडे अने जंग नाश कोअता अने जीही बांड सेध लागाडत्लु अने चोरी कोअत्लु. पण आपाहा होर्गाम धन एखटो को जीही किडे अने जंग नाश कोईत नाहा अने बांड नाहा सेध लागाडे अने नाहा चोरी कोए. काहाके जीही ताआ धन होय तिही ताआ मोन लागीत रोय.

कोडु पण बेन धन्याची साकरी कोहू शकत नाहा. काहाके तो एकापो प्रेम कोअनारू अने दिहरापो द्वेष कोअही किंवा एकाआरी हाजू वागीलो अने दिहीराहा तुच्छ मानणारु तू परमेश्वर अने धन बेन जोआआ सेवा कोहू शकत नाहा.

त्यापोत जर रानोमेऱ्या खोड़ जे आज होय अने उद्या आगीई भट्टीम टाक्ये जाइअलो तियाहा जर देव एहलो प्रकारे कापडे पेआडत्लु ताहा ओ अल्पविश्वसी, तो तुमा कोअता काहा नाहा यांपोरोत विशेष कोअनारू?

पण जांहा तू दान कोअही तेहलाम ताआ बांगडू आथ होमजुलो नाहा का ताआ हुडू आथे की कोईत होय. ज्यायाकोलो ताआ दान गुप्त रोही अने ताआ बाह्हू जो गुप्तमे पालत्लू तो ताहु प्रतिफोल आपी.

सावध रो तुमु तुमा धार्मिकताआ काम मांहोहो देखाडूहू कोता कोहू नाहा, निते तुमा स्वर्गातल्या बाह्हाप रोत तुमामे किबी जोडयो उवे नाहा.

पण जांहा तुमु उपास कोअहा ताहा सुबीपो ढोंग्या होसऱ्या देखाडहु नाहा, काहाके ते आपाआ सोब उतरित मेकात्ले, ज्यायाकोलो ते मांहा आगाडी उपास होयतो देखिलो जोवे आय तुमामे खोरोज कोत्लू का, ते तियाआ पुरो फोल प्राप्त कोईत लेदे. पण तू जांहा उपास कोअही तेहलाम ताआ मुंडकाप तेल टाकीत अने सोब तोवीत ले. याकोअता का तू मांहोहो उपासी देखातू नाहा, पण ताआ बाह्हू गुप्तमे होय अने ताआ बाह्हू जो गुप्तमे पालत्लू ताहु फोल आपे.