Adnodau Beiblaidd Poblogaidd o Ma̱rkut 5

Rhanna

Yesu si̱ nyia̱ ma̱ng nggu, “Nggwon nung, nwuak fwuo ang hu choot ang. Nat ma̱ng a̱lyia̱ sai, a fwung di̱ swuo a̱bung ang hu!”

A̱wot mami mba, a̱byii̱k a̱ghyang ku nshya̱, nang gu bwuo mbwak a̱ si̱ nyia̱ a̱lyia̱ swak ma̱ a̱feang nang a̱sok na tyong, da̱ na na̱ yong bah. Nang gu ka̱ ndyiai a̱mgba̱m nkyang gu byia̱ a̱ni di̱ chong da̱ a̱vwuo á̱niet a̱ki̱kan, a̱ si̱ swuo a̱bung mbwak ba, da̱ a̱nggu a̱ choot bah. Da̱ a̱kwonu a̱kya, zwan ji sii wa mban wa ba̱t.

Nang gu si̱ mbyiam a̱junjung a̱toot Yesu wu a̱ni, ma̱nang but á̱ghyi a̱ni, tyong a̱sok hu si̱ kin gyong! A̱ si̱ fa̱k mi̱ vam nggu hu si̱sak ji nang Yesu nchoot gu a̱ni.

Yesu si̱ ta̱bat ka di̱ mbwak. A̱ si̱ nyia̱ ma̱ng a̱nka da̱ a̱lyem A̱ra̱mik, “Talita kumi!” Huhwa yet, “A̱banggwon neam, doot!”

Neet nang Yesu ni̱ shya̱ da̱ a̱lyiat na, á̱ghyang á̱niet si̱ kin neet mali Da̱ri̱yut á̱ bai. Ba̱ si̱ nyia̱ ma̱ng a̱nggu, “Nggwon a̱nap ang ka khwu. Yok tyia̱ a̱tyu tyiet wu dyem bah.” A̱wot nang Yesu nggup kyang hu ba̱ lyiat a̱ni a̱ fa̱k, a̱ si̱ nyia̱ ma̱ng Da̱ri̱yut a̱kwak a̱son tutu a̱tung A̱yahudawa wu, “Yok fa̱k a̱wun bah! Nwuak fwuo da̱ nung!”

A̱ hyia̱ a̱nia mat Yesu ka̱n kam gu nyia̱ “Nwan a̱ka̱tuk ntswa, ghwut a ghwon a̱tyok wuni!” A̱jawa Yesu si̱ lyip gu, “Á̱ ngyei ang a̱nyan?” A̱ si̱ nyia̱, “Á̱ ngyei nung ‘A̱di̱di̱t’, mat zi̱ shi á̱kpa.”