Chivkeeb 36
36
Exaus Cajces
(1 Xwmtxheej Vajntxwv 1:34-37)
1No yog Exaus cajces, Exaus muaj dua ib lub npe hu ua Edoos. 2Exaus cov pojniam uas yog neeg Kana-as: nws yuav Eloos uas yog neeg Hitis tus ntxhais uas hu ua Adas; yuav Xinpe-oos uas yog neeg Hivis tus tub#36:2: Tej cov ntawv qub-qub thaum ub sau hais tias tus tub; phau lus Henplais hais tias tus ntxhais; lossis tus ntxhais xeebntxwv. Anas tus ntxhais uas hu ua Auhaulinpamas, #Chiv 26:34 3thiab Yisamayees tus ntxhais Npasemas uas yog Nenpaiyaus tus muam. #Chiv 28:9 4Adas yug tau Elifas; Npasemas yug tau Le-uyees; 5thiab Auhaulinpamas yug tau Ye-uses, Yalas thiab Kaulas. Tagnrho Exaus cov tub no puavleej yug hauv lub tebchaws Kana-as.
6Ces Exaus coj nws cov pojniam, cov tub, cov ntxhais thiab tagnrho nws tsev neeg, nrog nws tej tsiajtxhu thiab txhua yam uas nws khwv tau hauv tebchaws Kana-as, khiav mus nyob rau ib lub tebchaws uas nyob deb ntawm nws tus kwv Yakhauj. 7Nws khiav mus vim lub tebchaws uas nws thiab Yakhauj nyob ntawd nqaim rau nkawd heev; nkawd muaj tsiajtxhu coob thiaj ua rau nkawd nyob tsis taus uake. 8Yogli ntawd, Exaus (uas muaj dua ib lub npe hu ua Edoos) thiaj mus nyob rau pem lub laj roob uas nyob pem tebchaws Edoos lawm.
9Nov yog Exaus cajces, Exaus yog cov neeg Edoos tus yawgkoob uas nyob pem lub laj roob pem tebchaws Edoos. 10-13Exaus tus pojniam uas hu ua Adas yug tau ib tug tub hu ua Elifas; Elifas muaj tsib tug tub: Temaas, Aumas, Xefus, Nkatas, thiab Kenas. Elifas tus niamyau uas hu ua Tinas yug tau ib tug tub hu ua Amalej.
Exaus tus pojniam uas hu ua Npasemas yug tau Le-uyees. Le-uyees muaj plaub tug tub: Nahaj, Xelas, Samas thiab Mixas.
14Exaus tus pojniam uas hu ua Auhaulinpamas uas yog Xinpe-oos tus tub#36:14: Tej cov ntawv qub-qub thaum ub sau hais tias tus tub; phau lus Henplais hais tias tus ntxhais; lossis tus ntxhais xeebntxwv. Anas tus ntxhais, yug tau peb tug tub rau Exaus: Ye-uses, Yalas thiab Kaulas.
15Nov yog cov thawjcoj uas yog Exaus cov xeebntxwv. Exaus tus tub hlob Elifas yog yawgkoob ntawm cov thawjcoj nram qab no: Temaas, Aumas, Xefus, Kenas, 16Kaulas, Nkatas thiab Amalej. Cov thawjcoj no puavleej yog cajces los ntawm Elifas uas nyob hauv tebchaws Edoos, thiab yog Exaus tus pojniam uas hu ua Adas cov xeebntxwv.
17Exaus tus tub Le-uyees yog yawgkoob ntawm cov thawjcoj nram qab no: Nahaj, Xelas, Samas thiab Mixas. Cov thawjcoj no puavleej yog cajces los ntawm Le-uyees uas nyob hauv tebchaws Edoos, thiab yog Exaus tus pojniam uas hu ua Npasemas cov xeebntxwv.
18Cov thawjcoj nram qab no puavleej yog cajces los ntawm Exaus tus pojniam uas hu ua Auhaulinpamas uas yog Anas tus ntxhais: Ye-uses, Yalas, thiab Kaulas. 19Tagnrho cov thawjcoj no puavleej yog Exaus (uas muaj dua ib lub npe hu ua Edoos) cov xeebntxwv.
Xe-aws Cajces
(1 Xwmtxheej Vajntxwv 1:38-42)
20-21Nov yog Xe-aws uas yog neeg Haulis cov tub; lawv yog cov neeg txumtim hauv lub tebchaws Edoos ntawd. Xe-aws cov tub yog: Lautas, Saunpas, Xinpe-oos, Anas, Disoos, Exaws thiab Disas. Xe-aws cov tub uas nyob hauv tebchaws Edoos puavleej yog cov neeg Haulis cov thawjcoj.
22Lautas yog cov thawjcoj Haulis thiab Hemas li yawgkoob. (Tinas yog Lautas tus muam.)
23Sunpas yog cov thawjcoj Alevas, Manahaj, Enpas, Sefaus, thiab Aunas li yawgkoob.
24Xinpe-oos muaj ob tug tub: Ayi-as thiab Anas. (Tus Anas no yog tus uas mus pom cov qhovdej kub npau uas nyob tom roob mojsab qhua, thaum nws tabtom saib nws txiv cov neesluav.) 25-26Anas tus tub yog Disoos, uas yog cov thawjcoj Heedas, Esenpas, Ithalas thiab Khelas li yawgkoob. Anas kuj muaj ib tug ntxhais uas hu ua Auhaulinpamas.
27Exaws yog cov thawjcoj Npilehas, Xa-avas, thiab Akas li yawgkoob.
28Disas yog cov thawjcoj Uxes thiab Alas li yawgkoob.
29-30Nov yog Haulis cov thawjcoj uas nyob hauv lub tebchaws Edoos: Lautas, Saunpas, Xinpe-oos, Anas, Disoos, Exaws thiab Disas.
Tebchaws Edoos Cov Vajntxwv
(1 Xwmtxheej Vajntxwv 1:43-54)
31Nov yog cov vajntxwv uas kav lub tebchaws Edoos uantej cov Yixalayees muaj vajntxwv.
32Npe-aus tus tub Npelas kav tebchaws Edoos, nws lub nroog hu ua Dihanpas.
33Thaum Npelas tuag lawm, Xelas tus tub Yaunpas uas nyob hauv Npauxelas sawv los ua vajntxwv hloov nws chaw.
34Thaum Yaunpas tuag lawm, Husas uas nyob hauv Temas sawv los ua vajntxwv hloov nws chaw.
35Thaum Husas tuag lawm, Npedas tus tub Hadas (Npedas yog tus mus tua yeej cov neeg Midias hauv lub tebchaws Mau-am) sawv los ua vajntxwv hloov nws chaw. Nws lub nroog hu ua Avij.
36Thaum Hadas tuag lawm, Xamelas uas nyob hauv Malekas sawv los ua vajntxwv hloov nws chaw.
37Thaum Xamelas tuag lawm, Sa-us uas nyob hauv Lehaunpauj ntawm tus Dej Yufatis sawv los ua vajntxwv hloov nws chaw.
38Thaum Sa-us tuag lawm, Aj-npaus tus tub Npa-as Hanas sawv los ua vajntxwv hloov nws chaw.
39Thaum Aj-npaus tus tub Npa-as Hanas tuag lawm, Hadas sawv los ua vajntxwv hloov nws chaw. Nws lub nroog hu ua Pa-us (nws tus pojniam hu ua Mehetanpees, yog Matales tus ntxhais thiab yog Mexahaj tus ntxhais xeebntxwv.)
40-43Cov no yog cov thawjcoj uas yog Exaus cov xeebntxwv, rawsli lawv cajces tsev neeg, lawv tej chaw nyob, thiab lawv tej npe: Tinas, Alevas, Yethej, Auhaulinpamas, Elas, Pinoos, Kenas, Temas, Mibxas, Mankediyees thiab Ilas. Cov no puavleej yog cov neeg Edoos cov thawjcoj.
Právě zvoleno:
Chivkeeb 36: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.