Ap 11
11
Li wiib' chi testiiw
1Chirix chik a'an kik'ehe'k we jun li kaxlan'aj chanchan junaq b'isleb' che', ut kiyehe'k we: “Xaqlin ut b'is li rochoch li Yos#11,1 Li rochoch li Yos li wan chaq Jerusalén a'an reetalil li Iklees (cf. 20,9; 21,2). ut li artal; ajla ajwi' li xk'ihaleb' li neke'loq'onink chisa'. 2Ab'anan li neb'aal li wank chirix, kanab', maab'is xb'aan naq q'axtesinb'il reheb' li maak'a'eb' xpaab'aal, ut eb' a'an te'xyeq'i li Santil Tenamit chiru wiib' roxk'aal po.#11,2 Chiruheb' li kutan a'an taawanq raaxiik' ut rahob'tesiik (cf. Ap 13,5; Dn 7,25; 12,7). 3Ut laa'in tinb'aanu naq eb' linwiib' chi testiiw#11,3 Li wiib' chi testiiw a'in chanchaneb' laj Moisés ut laj Elías (cf. 11,5-6; 11-12). Aniheb' a'an? Wan neke'yehok naq a'aneb' laj Pedro ut laj Pablo li ke'kamsiik chaq Roma naq kiwank chi awab'ejil laj Nerón (11,7-8). tiqtooqeb' rik'in saak, te'aatinaq jo' propeet chiru oxk'aal xka o'q'ob' (1,260) kutan”.
4A'aneb' a'in li wiib' xche'el olivo ut li wiib' xna'aj kanteel li xaqxookeb' chiru li xQaawa' li ruuchich'och'. 5Wi wank junaq taa'ajoq raj xrahob'tesinkileb', taa'elq chaq xam sa' reheb' ut tixnuq'eb' li xik' neke'ilok reheb'. Jo'ka'in naq taakamsiiq yalaq ani taa'ajoq xrahob'tesinkileb'. 6Eb' a'in wankeb' xwankil chi xtz'apb'al li choxa re naq ink'a' tixk'e li hab' sa'eb' li kutan yooqeb' wi' chi aatinak jo' propeet; wankeb' ajwi' xwankil chi xsutq'isinkil li ha' cho'q kik' jo'wi' re xrahob'tesinkil li ruuchich'och' rik'in chixjunil li rahilal jar wa te'raj xb'aanunkil.
7Akaq xe'raqe'k chi xyeeb'al li yaal, toja' naq li josq' aj Xul taataqe'q chaq sa' li Siwan ut taayaloq u rik'ineb', tixq'ax ruheb' ut tixkamsiheb'.#11,7 Dn 7,21. 8Ut li xch'och'el sululeb' a'an te'kanaaq sa'eb' li xaalib'e re li xNimal Tenamit#11,8 Li xNimal Tenamit a'an Babilonia; arin naraj naxye Roma (16,19; 17,5.18; 18,10.16.18.19) jo' ajwi' Jerusalén (11,8b. Cf. Mt 23,37). Naxk'ab'a'in Sodoom ut Ejiipt sa' xk'ab'a' li maak kixb'aanu: a'an li maa'usilal (Gn 18-19) ut li xrahob'tesinkileb' laj paab'anel (Ex 13,14). li naxk'ab'a'in Sodoom malaj Ejiipt chi jalb'il ru xyaalalil; aran ajwi' kik'ehe'k chiru krus li xQaawa'eb' a'an. 9Chiru oxib' kutan rik'in jun wa'leb' wanqeb' winq sa' chixjunil li tenamit, sa' chixjunil li amaq', aatinob'aal ut xteepal li ruuchich'och' te'ril li xch'och'el sululeb', ut ink'a' te'xkanab' chi jilib'aak sa' muqleb'aal. 10Toja' naq eb' li wankeb' sa' ruuchich'och' te'ninq'ehiq sa' xk'ab'a'eb' a'an, te'saho'q xch'ool ut te'sihinq chirib'ileb' rib' xb'aan naq eb' li wiib' chi propeet a'in ke'xrahob'tesiheb' li wankatqeb' sa' ruuchich'och'.
11Ab'anan, naq ak ke'nume'k li oxib' kutan rik'in jun wa'leb', jun yu'am musiq'ej elenaq chaq rik'in li Yos ki'ok rik'ineb', ut ke'xaqliik:#11,11 Ez 37,5-10. k'ajo' xxiweb' li yookeb' chi ka'yank. 12Toja' naq kiwab'i jun xyaab' kuxej, kaw yo chi xyeeb'al sa' choxa: “Taqenqex chaq arin”. Ut ke'taqe'k sa' choxa sa' li choql, chiruheb' li xik' neke'ilok reheb'. 13Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.
14Jo'ka'in kinume'k li xkab' rahilal. K'e reetal, we' chaq, ak chi seeb' li rox rahilal.#11,14 Li xkab' rahilal wank sa' 9,15-21. Li rox wank sa' 17.
Li xwuq tronpeet
15Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al:
“Ak xk'ulunk li x'awab'ejihom li Qaawa':
li qaYos ut li xKriist te'taqlanq sa' xb'een li ruuchich'och',
ut te'awab'ejinq chi junelik q'e kutan”.
16Toja' naq li kaahib' xka'k'aal chi cheekel winq k'ojk'ookeb' sa'eb' li xk'ojarib'aal chiru li Yos, ke'xhupub' rib' ut ke'xloq'oni li Yos, yookeb' chi xyeeb'al:
17“Naqab'anyoxi aawe, at Qaawa', at Nimajwal Yos,
li ak wankat chaq ut li wankat anaqwan,
xb'aan naq wank chik sa' laawuq' laanimal laawankil
ut xatikib' awab'ejink.
18Xe'josq'o'k eb' li tenamit,
ab'an xchalk laajosq'il#11,18 Sal 2,5; 110,5. ut xtaw xq'ehil
xraqb'al aatin sa' xb'eeneb' li kamenaq,
jo'wi' xq'ajkamunkileb' laj k'anjel chawu, a'eb' li propeet,
eb' li sant ut eb' li neke'paab'ank chawu jo' kok' jo' ninq.#11,18 Sal 115,13.
Xtaw xq'ehil xsachb'aleb' ajwi' li neke'sachok re li ruuchich'och'”.
19Ut kiteeliik li rochoch li Yos sa' choxa,#11,19 Li rochoch li Yos a'in maawa' li wank sa' 11,1-2. Jalan chik. Chisa' a'an wank chi k'uulanb'il li Loq'laj Muheb'aal re li Ak' Sumwank (cf. 15,5; 21,3.22). kik'utunk li xLoq'laj Kaaxil li Sumwank sa' rochoch li Yos ut kilaje'wank raq'kaaq, xyaab' kuxej, kaaq, hiik ut makach'in li saqb'ach.
S'ha seleccionat:
Ap 11: QQC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Q'eqchi DC Bible © Bible Society in Guatemala, 2005.