Ap 12
12
Li ixq ut li nimla k'anti' kaq rix
1Jun li nimla eetalil kik'utunk sa' choxa: jun li ixq#12,1 Ani li ixq a'an? A'an li tenamit Sión (12,17), a' li x'ak' santil tenamit li Yos, li x'Iklees eb' laj santil paab'anel. tiqto rik'in li saq'e, li po wank rub'el roq, ut sa' xjolom wank jun li koroon kab'laju chi chahim wank chiru. 2Ut a'an wank sa' yu'am, japjo re xb'aan xrahilal li ilok kutan ut q'axal ra wank xb'aan li alank.
3Toja' naq kik'utunk jun chik eetalil sa' choxa: jun li nimla k'anti' kaq rix, wank wuqub' xjolom ut lajeeb' xxukub', ut sa' xb'eeneb' li xjolom wankeb' wuqub' lemtz'il koroon.#12,3 A'an reetalil laj tza. 4Li xye yo chaq chi xkelonkil li rox jachal xk'ihal li chahim sa' choxa, ut kixkuteb' sa' ruuchich'och'.#12,4 Dn 8,10. Toja' naq li nimla k'anti' kixaqliik chiru li ixq ok re chi alank, re naq, jo'q'e taayo'laaq li xk'uula'al, tixnuq' raj. 5Ut li ixq kiwank li xk'uula'al, teelom,#12,5 A'an li Kriist (cf. Is 66,7), laj jolominel re li ak' tenamit (cf. Sal 2,9; Ap 2,27; 12,2). li tento tixb'eresiheb' chixjunil li tenamit rik'in b'aar ch'iich'; ut kolsaapuuq li xyum, jun k'oot toj rik'in li Yos, toj chi xk'atq li xnimajwal k'ojarib'aal. 6A'ut li ixq ki'elelik toj sa' li chaqich'och' b'ar wi' wank xna'aj kawresinb'il xb'aan li Yos: aran taach'oolaniiq chiru oxk'aal xka o'q'ob' kutan (1,260).
7Toja' naq kitiklaak jun li nimla yalok u sa' choxa: laj Miguel#12,7 Naq laj Miguel kixk'e xmetz'ew rochb'eeneb' li x'ánjel (cf. Dn 10,13), kisache'k xwankil li nimla k'anti'. rochb'eeneb' li x'ánjel ke'xyal xmetz'ew rik'in li nimla k'anti'. Ke'yalok ajwi' eb' li nimla xul rochb'eeneb' li x'ánjel, 8ab'an ink'a' ke'xkuy ut ink'a' chik kiwank na'ajej cho'q reheb' sa' choxa. 9Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.
10Toja' naq kiwab'i jun xyaab' kuxej sa' choxa, kaw yo chi xyeeb'al:
“Anaqwan ak xk'ulunk li kolb'a ib',
li xnimal xloq'al ut li x'awab'ejihom li qaYos ut li xwankilal li xKriist,
xb'aan naq xkute'k chaq taq'a laj jitol reheb' li qiitz'in,
a' li najitok reheb' chiru li qaYos chi q'eq ut chi kutan.
11Eb' a'an xe'xq'ax ru sa' xk'ab'a' li xkik'el li Karneer
jo' ajwi' rik'in li aatin xe'xye chi yaal,
xb'aan naq ink'a' xe'xra ru li xyu'ameb' chiru li kamk.
12Jo'kan utan, chisaho'q sa' eech'ool,
ex choxa ut chejunilex li wankex chisa'.
Ab'an ra chaalel sa' eeb'een laa'ex li ruuchich'och' ut palaw,
xb'aan naq laj tza xkub'eek eerik'in chi k'ajo' xjosq'il:
naxnaw naq ajlanb'il kutan aj chik taawanq”.
13Naq li nimla k'anti' kiril naq kikute'k chaq sa' ruuchich'och', kixkut rib' sa' xb'een li ixq, a' li kiwank xk'uula'al teelom. 14Ab'an li ixq kik'ehe'k re xkab'ichaleb' li xxik' li nimla t'iw, re taaxik'anq toj sa' li xna'aj, sa' li chaqich'och',#12,14 Li chaqich'och' a'an li na'ajej neke'xkol wi' rib' eb' laj paab'anel (cf. Ex 2,15; 1 Mak 2,29-30). najt rik'in li nimla k'anti'. Ut aran tento taach'oolaniiq chiru wank xka chihab'.#12,14 Wan xka chihab' a'an li wiib' roxk'aal po tz'iib'anb'il sa' 11,2 (cf. Dn 7,25; 12,7). 15Toja' naq li k'anti' kixxa'wa sa' re kama' jun nima', chirix li ixq, re naq taakelooq raj xb'aan li nima'. 16Ab'an li ch'och' kichalk chi xtenq'ankil li ixq: kixte li re ut kixnuq' li nima' li kixxa'wa li nimla k'anti'. 17Aran kichalk xjosq'il li nimla xul sa' xb'een li ixq ut koho chi xyalb'al xmetz'ew rik'ineb' li ralal xk'ajol li ixq, li jo'k'ihal chik ke'kanaak, a'aneb' li neke'paab'ank re li xchaq'rab' li Yos ut neke'xk'uula sa' xch'ool li xch'olob'ahom li Jesus.#12,17 Ap 1,2-3.9; 14,12; 20,4; Gn 3,15; Ro 8,29.
18Ut laa'in xaqxookin chaq sa' xb'een samahib' chire li palaw naq kik'ulmank a'an.
S'ha seleccionat:
Ap 12: QQC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Q'eqchi DC Bible © Bible Society in Guatemala, 2005.