Ap 10
10
Chalk re li xnimal rahilal
1Kiwil ajwi' jun chik li ánjel kaw rib', yo chaq chi kub'eek sa' choxa, sutsu sa' choql, wank li kaqlaaq' chi xb'een xjolom; li xnaq' ru kama' li saq'e ut eb' li ra' chanchaneb' oqech yo xxamlel. 2Wank sa' ruq' jun li ch'ina tasal hu teeto xsa'.#10,2 Li hu a'in maawa' li hu tz'aptz'o rik'in wuqub' chi tz'apleb' li wank sa' 5,1-2. Ut kixk'e li xnim oq sa' xb'een li palaw ut li xtz'e oq sa' xb'een li ruuchich'och'. 3Toja' naq kixjap re chi kaw xyaab' xkux, jo' naxjap re li kaqkoj;#10,3 Am 1,2; 3,8. ut naq kixjap re, ki'ab'iik xyaab' wuqub' chi kaaq. 4Naq kiraqe'k xyaab' eb' li wuqub' chi kaaq, kin'ok raj chi tz'iib'ak, ab'an kiwab'i jun xyaab' kuxej sa' choxa yo chi xyeeb'al: “Tz'ap rik'in tz'apleb' li b'arwan xe'xye li wuqub' chi kaaq ut maatz'iib'a a'an”.
5Toja' naq li ánjel li kiwil, li xaqxo sa' xb'een li palaw ut li ruuchich'och', kixtaqsi li xnim uq' sa' choxa#10,5 Dt 32,40; Dn 12,7. 6ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa',#10,6 Ex 20,11; Neh 9,6. li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk! 7Naq taa'ab'imanq li xyaab' xkux li xwuq ánjel ut a'an tixyaab'asi li xtronpeet, toja' naq sa'eb' li kutan a'an taatz'aqloq ru li xtz'aptz'ookil na'leb' li Yos,#10,7 Am 3,7. Li xtz'aptz'ookil na'leb' li Yos a'an li xChaab'il Esil li xnimajwal awab'ejihom li Qaawa' li naxsacheb' li xik' neke'ilok re (cf. Ap 17-18; 20,7-10). jo' kixye chaq rik'in chaab'il esilal reheb' laj k'anjel chiru, a'eb' li propeet”.
Li ch'ina hu nuq'bil
8Li xyaab' kuxej li kiwab'i sa' choxa kinraatina wi' chik ut kixye we: “Ayu, chap li ch'ina hu teeto sa' ruq' li ánjel li wank chi xaqxo sa' xb'een li palaw ut li ruuchich'och'”.#10,8 Nak'eemank jun chik k'anjel sa' xb'een li apóstol San Jwan (cf. 1,1-2.9-20; Ez 2,8-3,3). 9Toja' naq kohin wan wi' li ánjel ut kinye re naq chixk'e we li ch'ina hu; ut a'an kixye we: “Chap ut nuq': tixk'ahob'resi laasa', ab'an sa' laawe kama'aq xki'al li xya'al kab'”.
10Kink'ul li ch'ina hu sa' ruq' li ánjel ut kinnuq': li xki'al sa' li we jo' xki'al li xya'al kab', ab'anan, naq kinnuq', kik'aho'k sa' linsa'.#10,10 Te'wanq xb'enwa xninqal ru rahilal; toj moqon chik taaq'axoq u li Iklees (cf. 11,1-13). 11Toja' naq kiyehe'k we: “Tento naq tat-aatinaq wi' chik jo' propeet chirix naab'aleb' chi tenamit, jo' ajwi' chirix naab'aleb' li amaq' ut awab'ej”.
S'ha seleccionat:
Ap 10: QQC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Q'eqchi DC Bible © Bible Society in Guatemala, 2005.