رومیُون 13
13
اطاعت اَ صاحب منصبُ
1بُوال تا هَرکَ، مطیع صاحب منصبُویی بَشِت که رأس کارَن. چونکه هیچ صاحب منصبی نین جُلَ ایی که اَ طَرَه خدا بَشِت، و اُشُویی که هَستَن اَ طَرَه خدا مَعیَن بودِن. 2پَ هَرکَ به ضدّ صاحب منصبُ اِووسته، به ضدّ اُ چیزی که خدا مَعیَن ایکِردِن، اِووسته؛ و اُشُ که ایطو کاری اَکُنِن، محاکمه اَبِن. 3به چه که آدموی درستکار اَ حاکمُن تِرسی شُنین، ولی آدموی بدکار اَ اُشُ اَتِرسِن. تَوا اَ کسی که صاحب منصبِن تِرسی اِتنَبَشِت؟ پَ اُنچه که درستِن، اَنجُم هادَه که اُ تعریف تمجیدت اَکُنت. 4چونکه اُ نوکر خدان بِی خیریت تو. ولی اگه کار بد اَکُنی، بِتِرس، به چه که اُ شمشیرُ الکی با خویی نابَرِه. چونکه اُ نوکر خدان، کسین که تکاص اَگِنت و خشم خدائو بِی کسی اَتارِه که کار بد ایکِردِن. 5پَ آدم بایه اَ صاحب منصبُ اطاعت بُکنت، نه فَکَه وا خاطر دوری اَ خشم خدا، بلکه همیطوَم وا خاطر وجدان.
6چون به هِمی خاطرَم مالیات اَدِین، به چه که صاحب منصبُ خادموی خدان و بِی خوشُ وَخف همی کار شُکِردِن. 7دِین هَرکَ که وا گردُنتُن ادا بُکنی: به اُیی که دین مالیات دادن تُهَه، مالیات هادِی؛ به اُیی که دِین خراج دادن تُهَه، خراج هادِی؛ به اُیی که دِین احترام ناهادِن تُهَه، احترام بُنوسی؛ و به اُیی که دِین حرمت ناهادِن تُهَه، حرمت بُکنی.
اَنجُم دادن شریعت اَ طریق محبت
8زیر دِین هیچکَ نبَشِی، جُلَ ایکه به همدگه محبت بُکنی. چون کسی که به یکی دگه محبت اَکُنت، شریعتُ اَنجُم ایدادِن. 9به چه که حکموی ’زنا مَکُن‘، ’کَتل مَکُن‘، ’دُزی مَکُن‘، ’طمع مَکُن‘، و هر حکم دگه ای، همه توو ایی کَلُم خلاصه اِبو که «به هَمسادَت مثه خوت دوست اِتبَشِت.» 10محبت، به هَمسادَه خو بدی ناکُن؛ پَ محبت به اَنجُم رسیدِن شریعتِن.
11بعلاوه، شما اَدونین که توو چه زَمُنی به سر اَبُردِین. چونکه ساعتش رسیدِن که اَ خُو پا بُبین، به چه که الان اَ اُ موکعی که اَوِّل ایمُن مُوا، نجات بهمُ نِزیکتِرِن. 12شُو تَمُنِن، روز نِزیکِن. پَ بیِی کاروی بد تُریکیُ صَرا بِکَردُنیم و زره نور گَر خو بُکنیم. 13بیِی طوری درست رفتار بُکنیم که لایِک کسونین که توو روز روشنَن. وخت خو به عیاشی و عَرَک خواری و بیعفتی و هوس بازی و جر و دعوا و دیدن کوری نگذرُنیم، 14بلکه خداوند عیسی مسیح مثه جِمه گَر خُو بُکنی و بِی جسم هیچ تدارکی مگینی که خواسته ئُوشُ به جا بیارین.
S'ha seleccionat:
رومیُون 13: PES
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
©️2024 Korpu Company