I Timothée 4
4
Ane eekéda mabégô madiboe
1Gédidi SaNzambé gétôevéda na vede mbe: Gô ndéône éamôyusumédu gôngaba avo oma anganôtôga gô nzéane étôkeani éaJésus émeetsakangô mitémamie, angagobeda édidie ébôméda oma na anganyôngéô meekédume medidi ébévani. 2Angasinga étévédu nyene nzéa n’ôma enyepa éamiônya na apatie. Gômekaganô atévie ane na mabégô madiboe, mitéma maô mimamana éoodo ga mataé na misatsundéda ahngô go diboeye yaô. 3Omee ane eekéda mbe: Esaba buedi gôébaana. Akinéda oma mivo miyakô. Tambô Nzambé amavanga miyakômie mietso mbe omedi angamiaa. Ane ameetsa Jésus mitémamie na asabômu mabégô mapie, n’egéaaka apanga ékuméda Nzambé gô miangô. 4Eetso émakana na émavanga Nzambé éndé ti éamôsôba. Gôsaba ta na gévo sagunyaga n’egéaaka éetso, pangani ékuméda Nzambé. 5Mane Mamavovo Nzambé, na mane mavovo môma gô disambô makoa éôma éetso éaaganédu na tsengene éka émagôgéani va mbene aNzambé.
Môyanzi amôsôba aJésus‐Christ
6Ewe Timothée, ôkô ôongi asi mbumu éaNzambé ndongi yedi, ôndéké môyanzi amôsôba aJésus‐Christ. Otubéda gabôngôa éwe gédidige soo ômuene na mabégôme meetséwe môtémee gébé na paga, na gabôngôu éwe na meekédume mami mapie mamookô éwe. 7Ivô, kina matangôtangô masanigôa mane mapie na mapengana na mabégô maNzambé. Gényôga gôévamba na éne ényôngéô Nzambé. 8Ene éénda môma agémbôga gôépupéda ôtôe wedi, éndé pesu na tsoongo. Géé, éne éénda môma agémbôga gôévambéda na éne ényôngéô Nzambé, te éne éôtéa na tsoongo gô monyo agô tsina na ône ôvigani ag’ôba. 9Ebégôe éne, kaka éetsuma paga na ésangakôga. Endé kuanakue mbe ôétsa môtémee woo wetso. 10Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.
11Beenda mabégôme mane. Ikédaka mangô metsô. 12Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani. 13Ngu na vangaviga me, baka na môkasa gôétanga Matendeo MaNzambé v’ekanga, na gôénigôa na gôéékéda mangô. 14Ombiatsika éyanza na môgôô ômeetsô éwe na Gédidi SaNzambé. Omeetsô môgôôe ône vamapandôédu ndongi dimaviga gôndé Nzambé, na vamatsakéga peeye yagô mbumu éaNzambé éwe mogome. 15Gényôga gôémangôa éyanzee éoo, gébé na mitéma mibaé. Ene éamôsôba te mbe muetso eena gawesea éwe na gô mbene. 16Owema gô môdigédie woo na gô meekédume moo. Osipa gô metso mane. Endé te nane. Okô ôéndi nane, ôyuua ômuene gô môtsundu, ôyuua te na ane agôôkéôni.
S'ha seleccionat:
I Timothée 4: TSV
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Alliance Biblique du Gabon (Bible Society in Gabon) 1983