I Timothée 5
5
Eyanzee gôékenea ane ameetsa Jésus mitémamie
1Ombiasemba gébôôtô samômôgôô na kéé. Ivô ikéda angô ti eembe te tétoo. Ikédaka minzambu gandé anayoo. 2Ikéda gébôôtô samôgeto ti eembe te yoo. Ikéda tômbô ga kadi yoo gébé na matasa masagô.
3Gôndé mikué miageto asaba na kinde ôtubéda ahngô ngeba. 4Okô môkué andé n’ana, na ana anedi, buedi mbe ana apangé étubéda étondo éaô gôndé Nzambé vakeneahngô ône waô. Gô éne, ana anikéda éne émeetsô ahngô g’ôanéngée waô n’iyee yaô. Nzambé anyôngéô te nane. 5One andé na gô pie môkué te ône asaba na kinde andé tsani. Na angô aténdéda mbe tsoongone yedi te gôndé Nzambé. Asadunda na pitsi n’omanda gôévovo n’edi gôémôduka mbe amôwedéa. 6Ivô ôkô môkué adigaa ganyôngéô ôtôe wedi, amani éwa buéyé mbe ôtôe ôgédôngaka. 7Oeni éne éngabangôéda éwe mikué kabaga aba n’oési. 8Okô môma asakenea ône wedi, na ootéa ébéva ôkô asakenea môsi ebedi, ékegea mbe ône amani énôtôga gô nzéane éaJésus étôkeani édué. Angô ootéa ébéva n’one asisingé Jésus.
9Gô gésangôge sanyô samikué, ôtenda te ane adômbéni aka na nzima môtôba yamipuma na va mbene. Otenda te ône amabaaô na mômôgôô môvo. 10Otenda te ône amenyanganô gô mayanza medi mamisôba na amamenya éékéda anedi. Te ône amamenya ékenea agenda na asikiné éyanzee éagébé na tsama gôéwedéa asi mbumu éaNzambé, na amawedéa ane amaba gô maguga na ameenda mayanza mamisôba maminongo mietso.
11Kina étenda gô gésangô sanyô samikué miname matômbô na magetoe agébakani. Vangookô ahngô tsôvé gôéômba ébaaô, angaviia Jésus‐Christ ngima. 12Vane vangabunzahngô ôvangee ômavangana ahngô na Jésus, angeetsô ôési. 13Na éne éôtéa ébéva, te mikué mine adeka gésima sadakadaka. Na ahkénga gô yeba na yeba na agiangana gôétsuavana na gôévovo mane masaba gôndé angô gôétasa na gôévovo. 14T’ebandô me Paul nanyôngéô mbe mikué miatômbô abaaô na abôta ana, na akenea yeba yaô. Kabaga adudeo wasô n’anyô adiia ébégô gôétsundéda we. 15Gôébégô mivô mikué mimani énôtôga gô nzéa éaJésus gôékea gô éne éaSatan gôémôaanda. 16Okô gôndéké môgeto, ameetsa Jésus môtémee na angô andé na mikué gô mbumu éedi, buedi mbe akenea miangô amuene géwedéô na asi mbumu éaNzambé. Vane mbumu éaNzambé angakenea te ane andé na gô pie mikué mindé tsani gébé na môma.
17Gôndé peeye atôma mbumu éaNzambé n’ekenge, andé kuanakue gôévanô kuka dibaé. Eôtéa gôndé ane asadunda énigôa mabégô metso maNzambé na éékéda. 18Endé te ganigôa Matendeo MaNzambé mbe: Ombiakata mônyee inzua mbe kabaga aa nyamane éyunzi angô.#5:18 G’ôgi aGrec amateta nyama ééndô mbe boeuf. Na dôta, môyanzine avanô gô éne éyanzangô. 19Nômbiasinga mane matsuayiô pene môsunda, buétsé te gôba mbangi dibaé ditatô. 20Buedi gôésemba v’ekanga ane eenda mabégô mabévani buta mbe avo oma ookô gomo.
21Me Paul natôma éwe Timothée gôégobeda ndongi yedi. Nagôtôma va mbene ambangiye yami, Nzambé na Jésus‐Christ na asi g’ôba, ayanzie aNzambé mbe: Indaka ti kuanakue gagôévédi me gô gésangô gegé. Vasevoa éwe na vatatôa éwe oma, ômbiakôndéga pati môma. 22Vasevoa éwe môma, ômbiayavôga émôtsakéga mogo gôémôétsa ényanga gô mbumu éaNzambé. Ombiagésangana gô mabégô mabévani meenda avo oma. Digaaka éwe gô étsimama.
23Gandé éwe na beeagane kuka yetso, ômbianyua meba matévo. Onyua te na pesu éamaduku mayanza gô ébuyie éoo gôéniga môyakôe.
24Mabégô mabévani mavo oma meenanô buéyé mbe madeo asisôsédu. Géé avo oma, mabégô maô mabévani mamenyanganô te na géngimage. 25Na mabégô mamisôba te mônongovo. Mane mavo oma meenanô na vede. Géé mane mavo, mandé masamenyanganôni, ivô mangeenanô te na géngimage.
S'ha seleccionat:
I Timothée 5: TSV
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Alliance Biblique du Gabon (Bible Society in Gabon) 1983