I Timothée 3
3
Ane atôma gô mbumu éaNzambé
1Oôkôni ébégô édué ésakogani. Okô môma anyôngéô éétsô ényanga gôétôma mbumu éaNzambé, abuti ti ébégô éamôsôba. 2One eetsô ényanga gôétôma gô mbumu éaNzambé, buedi mbe abaké môma agébé n’oési ta n’ovo. Buedi mbe abaké mômôgôô amôgeto môvo. Na amenye étôma ôtôe wedi, na abaké n’ekena na égoba. Amenye ékenea agenda. Na asabômu éékédani. 3Môma nône, abaké gébé na gésima senyua maduku, na gébé na masaganéda. Abaké môma amavôma na môtéma ômasumani. Abaké gébé n’onzôô okiti. 4Buedi mbe amenye étôma asi ebedi. Gô mônongoe ôtômangô anedi angamôgobeda na angamômeekeda. Divooti yedi te yapie. 5?Okô môma asamenya étôma asi ebedi angoongôa étôma asi mbumu éaNzambé nayee? Asangoongôa. 6Nômbieetsa ényangee gôndé môma akogi n’atsatsee gôndé Jésus‐Christ kabaga aboa nyemo na kabaga éesédu gameesédu yabédé. 7Buedi mbe abé kuanakue gôéditédu béyé na ane asaba gô mbumu éaNzambé kabaga eenzu n’ahngô na kabaga akuba gô pagô ditamba yabédé.
Ane ameetsô ényanga gôéwedéa mbumu éaNzambé
8Gôndé ane ameetsô ényangee gôéwedéa#3:8 Ane awedéani te ane atetu gô suada mbe diacres. asi mbumu éaNzambé te mônongovo. Abaké oma esima éamisôba, kaka na miônya mibaé. Abaké gébé na gésima senyua maduku mayekani. Abaké môma asayanza na buembe gôédiia dode. 9Abaké géaagané na mabégô mapie mameetsangô môtémedi gébé na paga. Adigéké géétsô ôési na muangee amôtémedi. 10Anye nôsevoa awedie ane, pangani éena na ékanéga amôgôôe ane gô mavo mayanza magô mbumu éaNzambé. Okô ayanzi ékenge, andé ngu gôéétsô ényangee gôéwedéa gô mbumu éaNzambé. 11Buedi mbe agayaô dôta abaké agobedani na gébé gékinda pambo éadeekeda. Abaké gébé na migianganô miamatsuavi. Abaké ageto abôkédé na amavôma gô mabégô metso. 12Ane ameetsô ényanga gôéwedéa mbumu éaNzambé abaké môma na môma môgeto môvo. Na amenye étôma anedi na asi ebedi na gétabé. 13Ane adugéda éyanzee éaô amôwedi, môvanôe waô te égobee étubédu angô. Na dôta te bôkédé ôdigaahngô gôyanzahngô n’enyangee éaô, gébé na paga gô évamba éndé n’ahngô na Jésus‐Christ.
Ebégô évôni éav’esooe
14Timothée, nagôtendéa gésangô gegé, nandé na môténdéda mbe tôngeenana pitsi yedi. 15Eébéyée nane, ôkô nadingi éviga na gôndé éwe, gésangô gegé génganigôa éwe gatôdigaa wa n’anyô asi ebee ôtômu na Nzambé. Ebee ôtômu na Nzambé te mbumu éedi, angô Kumu amonya. Angô te éengô, môsipédine amabégô mapie. 16Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe:
Amatsutsuga vandé we ga môma.
Gédidi SaNzambé gématubéda gandé angô gébé n’oési.
Ameenanô n’asi g’ôba, ayanzi aNzambé.
Inedi émeekédu gô mongo metso.
Asi tsengeye yetso amamôétsa mitéma miaô.
Na amatômbu na g’ôba gôndé Nzambé.
S'ha seleccionat:
I Timothée 3: TSV
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Alliance Biblique du Gabon (Bible Society in Gabon) 1983