1 KORINTI 5
5
Hala a laro bawaa
5:1-13
1 #
Win. 22:30
Lano domerongeo mia, nine hinao pebelesua i olomiu, ka pebelesua anu kanatuu, kana komba hina hinawe maupo i olodo tongku anu nahi domento'ori Ira Ue Ala, onaemo nine hinao mia anu tuwu saru kombiano amano. 2Maupo kanandio mpompelangka-langkai komiu. Kombake tekonaopo impompemasusa ka mempoko'oalaio mia anu moweweu kanatuu inso i tonga-tongamiu? 3Hangano ongkue, maupo montonda koroi nahi kukongko, sine montonda rohani kongko aku, ongkue – mengkena kana kongko aku – kupakosiakonomo hukuno, anu moweweuomo gau anu kanatuu. 4Ba tewala ntepumpu kita i larono penaa, mperonga-ronga komiu saru ongkue, a mpabawa-Do i Yesu, Ueto, 5mia atuu asalakono tompeweengakono ndi Mosa'o a nee-Do Ue Yesu, ranta ka imate koroino, ka ikinadudui penaano a oleo-Do i Ue. 6#Gal. 5:9 Mawongkomiu nahi moiko. Nahi imento'orioke, nine ragi tedei sumoopio luwuno tarigu sinalo? 7#Pel. 12:5 Imentadiomo ragi anu tehineomo atuu, ka imegagi tarigu sinalo anu wo'ohu, hangano omiu lano nahi mperagi. Hangano ana bimba Pasato mbo'u sinumbele Iramo, onaemo Ondae i Kerisituu. 8#Pel. 13:7; Win. 16:3 Onaemo pu'uno aiwamo ka tompogawe, komba saru ragi anu tehineomo, komba mbo'u saru ragi mokoburua ka mosa'oa, sine saru roti anu nahi peragi, onaemo molinoa ka menteea.
9A wuntaku kuburiakomiumo, ka si mpewali-waliako ira mia mebelesu. 10Anu tinooku komba saru luwuno mia mebelesu i wawontolino andio ke saru luwuno mia memodoko ka mpopopo'oo ke saru luwuno mia mpopesombai lahumoa, hangano tewala kanandio asalakono imebintao wawontolino andio. 11Sine anu kuburiakomiu onaemo, ka si mpewali-waliako mia, anu maupo ipauo koroino pepaekompo, onaemo mia belesu, modoko, mompesombai lahumoa, puu pomposebe, wela molangu ke wela mompopo'oo; saru mia anu kanandio si koa ntu'u impe'asaako ira mpongkaa. 12Hangano hapake pabawaku bitara ira, anu komba bawaa? Kombake anu binitaramiu butu ondae anu i larono bawaa? 13#Win. 13:5; 17:7 Ondae anu komba bawaa Ondae Ue Ala anu bitara ira. Imensaari ira mia anu mpoweweu mosa'o i olomiu.
S'ha seleccionat:
1 KORINTI 5: XMZ
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió