Kenesis 39
39
1Dūtōri Yōsef ra Ityĭpt: mōveteme Ismēel dūvasĭgi yivī marokonda ōveteme mori dūtōri iyi yūi. 2Im Iehōva yeti ūndū Yōsef, mō mumpi nalōves; miyi yetĭndōwi ra mumpon nimō eni narisah eni, mori neteme Ityĭpt. 3Im narisah eni yokesi memokū Iehōva ūndū iyi, yumpi nalōves Jehōvo ov numpūrah sū eni. 4Miyi yokesi ves Yōsef, ĭm Yōsef yimtorugat iran; miyi yumpi iyi nivūo ra nimō eni mō metipe en tiame sū ra mumpon nokoben eni.
5Mō metepū marugi nĭmpugon yetipe iyi nivūo nimō nūsian ra mumpon nimō eni, Iehōva yivīeves pe nimō eni neteme Ityĭpt popōwo ugi Yōsef, ĭm nevīeves eni Iehōva yeti ran tiame sū eni, ra mumpon nimō, ĭm ra netē nūrū. 6Miyi yetipe tiame sū eni ra mumpon nokoben eni Yōsef, yetū kili sī tiē sī, kū en tawi yōūp mori iyi yeni. Im Yōsef yeti satevrōerx ĭm fanateman.
7Mō metepū penūri imo sū, iyi retepon narisah eni yōkesi yalūvien Yōsef, mō menūwi memokū, Ale ūndū yx. 8Miyi yisalewugi nam eni, mō menūwi memokū pugi retopon eni Narisah eni, Pah, narisah enyx otū kili ugĭn tiame sū ra mumpon nimō eni ūndū yx, momwi sū eni yĭmetipe ra mumpon nokobūg. 9Tawi sī ra nimō mōmū horog irag, miyi yetūsiugi‐woko‐yx sī en tiē sī, kō kĭk wokon, ĭt kĭk retepon eni: ĭm nokowo ya onumpi imō satĭndi mō mumpi sāt iran Nōbū?
10Mō metepū iyi yĭmūrūn‐enūwi pugi Yōsef dan sū, kō yetūrĭgi iyi, yetōkū malē ūndū, kū ra nokoren eni. 11Mō metepū ugi mĭmpugon mori Yōsef yive ūnesog nimō ugi numpūrah eni, tawi sī neteme yūi ra irora ra mumpon nimō; 12iyi yelekavi iyi ugi sĭmplxon, memenūwi memokū, Alē ūndū yx; miyi yōwi sep sĭmplxon eni ra nokoben eni mō malō, mō ĭmpe ilat.
13Mō metepū pol sugkū yokesi yōwi sep sĭmplxon ra mumpon nokoben eni, 14mō malō ilat, iyi yovrokonda ōveteme ra nimō eni, mō menūwi pun‐ōra memokū, Okesi; yĭmtōri pug kos sī neteme, neteme Hibrū woragepī irant; iyi okovelum ūnesog mokū woralē ūndū yx, ĭm ya kamsah tamas, 15mō metepū pol sugkū yorĭgi yx movrugi sah, iyi yowi sep sĭmplxon eni ūndū yx mō malō, mō ĭmpe ilat. 16Mōmĭntavĭnepon sĭmplxon eni ūndū iyi, mafeli nĭmpugon narisah eni yivelum ra nimo. 17Miyi yenūwi pugi memōkū, Sī livsx Hibrū mori kĭmtōri pug kos, iyi okovelum ūnesog mokū woragepī irag: 18mō metepū pol sugkū yx movrugi sah, iyi yōwi sep simplxon eni ūndū yx, mō malō ilat.
19Im pol sugkū narisah eni yorĭgi nam eni retepon eni mori iyi yenūwi pugi memokū, Iyi livsx enugkĭk yūmpi sugkū imō irag, itūgon narakī eni. 20Im narisah eni Yōsef yetipe iyi ratūnesog nimō nugkugko, yūi ōvetemĭndi eni fan lō dūiti; miyi yetĭndōwi yūi ūnesog nīmō nugkugko.
21Im Iehōva yeti ūndū Yōsef, mō mumpelē ves iran, miyi neteme nivūo nimō nugkugko yokesi ves Yōsef. 22Miyi nivūo ra nimo nugkugko yetipe ra numpon nokoben eni Yōsef ōvetemĭndi sū ūnesog nimō mori, omwi sū mori irora dūmnumpi, iyi mori yumpi sū. 23Nivūō nimō nugkugko yetōkesi sī en tiē sī ra mumpon nokoben eni, popōwo Iehōva yeti ūndū iyi; momwi sū mori iyi yumpi, Iehōva yumpi sū nalōves.
S'ha seleccionat:
Kenesis 39: ERGOT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society: Genesis in 1914, and Ruth in 1932.