Kenesis 40
40
1Mō metepū penūri imo sū Fērō fan lō Ityĭpt yeleke pun ōra neteme torugat ĭm neteme woroworūm eni dūumpi sat iran. 2Fērō fan lō Ityĭpt. Im Fērō yĭmarakī pun ōra ōvun lĭvsx en dūrū eni, potni tarugat, ĭm potni woroworūm. 3Miyi yetipe irora ra mumpon nimō eni neteme navlĭs ra nimō nugkugko, yūi Yōsef yēeti. 4Miyi nivūo ra ōvetemĭndi ra nimō yetipe irora ra mumpon Yōsef, miyi yĭmelĭvsx iranda: mirora dūti ūnesog sĭ wik.
5Miroran dūrū dūmeviak ov nemeviak en iroran dūrū pūmrok sīteven, ugi yenūatokeli nemeviak eni, iyi neteme torugat, miyi neteme woroworūm eni Fan lō Ityĭpt mori dūiti ūnesog nimō nugkugko.
6Im Yōsef yivelum ūnesog pun ōra prūbokom mō mokes‐ōra, ĭm pah, yevivat nimĭnda. 7Miyi yĭmtagkel‐ōra, ōvun nivūo eni Fērō mori dal iyi woraveri ra mumpon nimō eni Narisah eni, memokū, Irantiē nimetemi oti nevivat irē? 8Mirora dūnūwi pugi mūmokū, Ka kū meviak sī nemeviak, ĭm tawi sī worenūatokeli pe pug kam. Im Yōsef yōmenūwi pun ōra memokū, Eni Nōbū worenūatokeli sū kū? Tampĭgi pe po yx.
9Miyi neteme torugat yitampĭgi nemeviak eni pugi Yōsef, mō menūwi pugi, Ya okomeviak memokū mokesi nōesen vīn ūnĭmtūg! 10Im ra mumpon vīn nevlokon desel, sugkū nafōk; mō ĭm tasĭsi, ĭm novūan numkī ra nifiri. 11Im kup eni Fērō ra nokobūg; ĭm ya okevī novūan mō mavsi ūnesog kup eni Fērō; ĭm ya ovugi ra nokoben eni Fērō kup mori.
12Im Yōsef yōmenūwi pugi memokū, Imō oti worenūatokeli ugi: 13nevlokon desel oti dan desel; mōmū lap dan deselugo ĭm Fērō onetnĭmok mō mantipe kĭk ra nūrū enugkĭk, im kĭk ōmampugi Fērō kup ra nokoben eni sugkū kĭpmumpidan sū neteme torugat eni. 14Entime irag nĭmpugon kĭk onavos mumpele ves irag, ya kum mĭntagkolok, menūwi nam pugi Fērō, magkū ugi yx, woretori‐yx marugi imō nimō; 15dumprok‐woko‐yx ĭtnesog mō mūtōri yx marugi nūrū ōveteme Hibrū; ĭm ra nūrū ĭgko, yx metū umpi sĭ en tiē sĭ woretipe yx ūnesog imō sĭlebok nĭlebōkevat.
16Miyi neteme woroworūm yokesi mokū worenūatokeli aremi, miyi yenūwi pugi Yōsef memokū, Ya okomeviak sugkū, ĭm pah woretovi en desel gi yōūp nesebo ra numpūg. 17Mūnesog semet yovūarugi nevag tiame sū nĭseken Fērō, mōvun menok dwoni sū ra woretovi ra numpūg. 18Im Yōsef yitamsi memokū, Imō oti worenūatokeli pe mori: Woretovi en desel oti dan desel. 19Dan desel ĭm Fērō ontan tevi numpūn, mōvun menok woneni fan enugkĭk.
20Mō metepū ran dan deselugi, dan mori Fērō yumprokomol‐wi, iyi yumpi narĭgari nĭsekonda ōvun lĭvsx sx eni; miyi yōmetipe neteme torugat dal ōvun lĭvsx eni, ĭm neteme woroworūm sugkū. 21Miyi yōmetipe nĭvūo ra ōvun torugat ra numpūrah eni, miyi yomovugi Fērō kup ra noboken eni. 22Miyi nĭvūo ōveteme woroworūm yĭmaleki‐wan iyi, sugkū Yōsef yĭpmenūwi pun ōra. 23Kō iyi neteme torugat mori yetūĭnteme Yōsef, yitavrĭvri ugi iyi.
S'ha seleccionat:
Kenesis 40: ERGOT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society: Genesis in 1914, and Ruth in 1932.