Kenesis 38
38
1Mō metepū ra nĭmpugon mori, Yūda iyep marokonda ravĭnsīeme eni, mō ĭmpe morokotewi ūndū sī neteme Adulam, nin eni Hīra. 2Im Yūda yokesi yūi sī nĭtni ĭtnasiven eni neteme Kēnan, nin eni mori Sūa, miyi yive ūnesog pugi. 3Miyi misara mō impī iran nĭtni mō matov nin eni memokū Er. 4Miyi yōīmsara mō ĭmpī nĭtni, mō matov nin eni memokū Onan. 5Miyi yōĭmsara mō ĭmpī nĭtni, mō matov nin eni memokū Sila, yumol iyi ra nūrū Kesiv.
6Im Yūda yivī retepon nĭsekon Er nĭtni eni, nin eni Tamar. 7Im Er, ĭtnetemefe eni Yūda yeti narekĭndi ūnĭpmi eni Iehōva ĭm Iehōva yĭmtī iyi.
8Im Yūda yenūwi pugi Onan memokū, Eve ūnesog pugi retepon eni avĭnsī kĭk, metovrugi iyi mō ĭmpī ōvun nĭtni woretampenememugi apmi sī. 9Im Onan yokili mokū ōvun novsen mori otū anti eni, ĭm pol sugkū yive ūnesog pugi retepon avĭnsī eni yitanĭmpe ra nemap woretūvugi nĭtni woretampenemugi avĭnsi. 10Mimō mori iyi yumpi yeti sat ūnīpmi eni Iehōva; miyi yĭmtī iyi sugkū.
11Im Yūda yenūwi pugi Tamar rovugon memokū, Etendōwi neviumpūwi ra nimō eni ĭtemen‐e‐kĭk, mafeli nĭmpugon Sila nĭtūg onalam, ĭt iyi yĭpmenūwi memokū, kū en tawi iyi amas sugkū ravĭneme eni; ĭm Tamar yive mō metendōwi ra mumpon nimō eni ĭtemen eni.
12Penūri dan sū sikat nĭtnĭ eni Sūa, retepon eni Yūda yimas; ĭm Yūda yorĭgi ves, mō ĭmpe pun ōra mori dūovi ōvun pugipugi eni, ra nūrū Tĭmna, ĭm Hīra, neteme Adulam, avĭn eni ūndū.
13Yetĭn enūwi pugi Tamar memokū, Pah ĭtemen eni asūm umampe ra Tĭmna worovi ōvun pugipugi eni. 14Miyi isēoviap ugi ōvun memas yevīugi nĭmpugon iyi neviumpūwi, mō ĭm seni nĭpmi eni gi nemas, mō metōeti iyi, mō metesep ra selemsug ūselat ra Tĭmna; ĭt iyi yokesi ma Sila yalam, mō metūvugi woreti retepon eni.
15Im Yūda yōkesi iyi memokū nasiven tōeri, ĭt iyi yeseni nĭpmi eni. 16Miyi yovlagkx, woreve pugi ra selat, mō menūwi memokū, Ya kum nakīug kĭk magkū ya ampe ūndū kĭk, (it iyi yetūkili iyi rovugon,) miyi yĭmtamsi memokū, Kĭmagkū worovo‐yx en tie worevelum ūnesog po yx? 17Miyi yōmenūwi memokū, Ya ampunok nĭtni nani marugi sĭmsĭmak. Miyi yōĭmtamsi memokū, Kĭmagkū worovo‐yx sī en tiē sī woretevĭnepon mafeli nĭmpugon kontamūli pe po yx kū? 18Miyi yōmenūwi memokū, Ya kampunok woretevĭnepon lap kĭmagkūn‐tiē? Miyi yōĭmtamsi memokū, Notorevam, ĭm nūrah mori, ĭm woresentūru ra nokopmi enugkĭk. Miyi yōĭmtamsi memokū, Notorevam, ĭm nūrah mori, ĭm woresentūrū ra nokopmi enugkĭk. Miyi yovugi, mō ĭmpe ūnesog pugi, miyi yisara. 19Im nasiven itūok mō ĭmpe pelah, mō ĭm sēōviap ugi nemas woreseni nĭpmi eni, mō mevīugi ōvun nemas ra neviumpūwi.
20Im Yūda yitamūli neteme Adulam avĭn pugi gi nĭtni nani, mokū iyi ōmampī ov nūrah sū eni marugi, kō yetō kesi iyi. 21Miyi yĭmtagkel‐ōra ra nūrū yūi memokū, Yēi nasiven tōeri mori yetisep ra selemsug ūselat? Mirora dūtamsi mūmokū, Tawi sĭ nasiven sugkū ra nūrū ĭgko.
22Miyi yĭmtorileki pugi Yūda memokū, Ya osorugi ūri yx, mōveteme ra nūrū yūi dūnūwi mūmokū, Tawi sī nasiven tōeri yeti ra nūrū ĭgko. 23Im Yūda yōmenūwi memokū, Aremī iyi ampī nĭsekon, kū en tawi ka kū osesakam: pah ya okotamūli imō nĭtni nani, im kotōkesi iyi mori.
24Mō metepū penūri itīs en desel, Yūda yorigi nam, Tamar rovugon enugkĭk yitampalx, ĭm pah yisara ugi tampalx. Im Yūda yenūwi memokū, Tōri iyi ĭgko ilat, woretni. 25Dūtōri iyi ilat, miyi yimtamūli nam pugi ĭtemen asūon eni memokū, Ya kum misara ugi neteme mori eni imo sū; miyi yōmenūwi memokū, Tavri nūrian, magkili, imo sū ene mē? notorevam, ĭm nūrah mori, ĭm woresentūra.
26Im Yūda yokili, mō menūwi memokū, Iyi tanepō mōmū irag, ĭt ya otūvugi iyi Sila nĭtūg; miyi yetūkili iyi nĭmpugon sī mōmū.
27Mō metepū nĭmpugon iyi yĭgara pah, umaleme ūnetnĭn eni. 28Im ra nĭmpugon yĭgara sī mori ēevan gi nokoben; ĭm nasiven naveri yēeti nokoben gi nelĭs navilara, memenūwi memokū, Iyi mori itī selat mōbūm. 29Mō metepū pol sugkū yefalĭmpūt gi nokoben ūnesog, pah, avĭnsī itūratumpeni ilat, miyi yōmenūwi memokū, Pah, nokowo kĭk umlele iram? miyi yatov nin eni memokū Fēres. 30Penūri avinsī mori gi nelĭs navilara ra nokobĭn, yivēlum ilat; miyi yatov nin eni memokū, Sara.
S'ha seleccionat:
Kenesis 38: ERGOT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society: Genesis in 1914, and Ruth in 1932.