Kạhtukko 4
4
Ạkilankoakʼ hor
1E hoponko, aperen babawakʼ hukum luturakʼpe,
ar ạkil ńam lạgitʼ moneyakʼpe.
2Iń do bhage sikhnạtiń emape kana,
onate ińakʼ hukum bebataoko do alope hoyokʼa.
3Iń hõ coṅ iń babaren hoponiń tahẽkan,
ar gogowakʼ mẽtʼre do huḍiń ar sadher hopon lekage.
4Unre iń baba doe cetʼạń tahẽkanteye menetʼ tahẽkana,
“Amakʼ goṭa ontorte ińakʼ kathako sapʼ dohokakʼme;
ar ińakʼ hukumko dohoyme, onate jiwetʼem tahena.
5Ạkil hameṭ joṅme, ar bud hataome;
ar ińakʼ katha do alomgem hiṛińa, ona khon alom ocogokʼa.
6Ạkil do alom bạgi giḍiyakʼa, onage am doe horho jaṅgemea;
ona dulạṛme, onageye rukhiyạmea.
7Ạkilge asolakʼ do ạkil hatao joṅme;
ar amakʼ menakʼakʼkote buj kiriń joṅme.
8Ạkil dulạṛme, onage am doe usulmea;
ona sapʼ dohoyeme, onage am doe manotmea.
9Ona do amakʼ bohokʼ reakʼ mońj dạhṛi hoyokʼa
ar kuṛại lekate mońj mukuṭe emama.”
10E bạbu, ańjomme, ińakʼ katha ontorre dohokakʼme,
inạkhan ḍher bochor jiwetʼem tahena.
11Iń do ạkil reakʼ horiń udukʼ akawatʼmea,
ar sojhe horteń ạyuretʼmea.
12Onate amakʼ taṛam horre bam kucitokʼa,
ar ńir senokʼre hõ bam tohodokʼa.
13Solha sapʼ dohoyme, alom bạgiyakʼa;
ona rukhiyạime, ente onage amakʼ jion kana.
14Bạṛicʼkoakʼ horte alomgem calakʼa,
ar bedhorom hoṛkoakʼ horte hõ alom taṛama.
15Ona hor do sa parom gotʼkakʼme,
onate hõ alom taṛama;
ona horte sen baṅkate laha secʼ sen idikʼme;
16Ente bạṛicʼ hoṛ do baṛicʼakʼ bako kạmile khan bako jạpitʼ daṛeakʼa;
ar jãhãe bako tạkicʼ ocoleko khan mẽtʼ hõ baṅ jạpidokʼtakoa.
17Phạsiạratetʼ do onkoakʼ jomakʼ ar santao do onkoakʼ ńũńũakʼ kana.
18Isor botoraekan hoṛkoakʼ hor do aṅga hijukʼkan marsal leka,
one ạuri tikinokʼ hạbicʼ
tạpis khon arhõ tạpis idikʼkan.
19Menkhan bedhoromkoakʼ hor do kaṛaṅ ńut;
onko do bako baḍaea cetʼreko tohodokʼ kana mente.
20E bạbu, iń okań metamkan ona moneyakʼme,
ar ińakʼ katha luturakʼtiń me.
21Kathako do am khon alom danaṅ ocowakʼa,
ona do amakʼ ontorre rebetʼ dohoyme.
22Okoe nonkanakʼko kạmiyetʼ onko lạgitʼ do jion kana,
ar ona doe logno ocoyetʼkoa.
23Jotowakʼ khon amakʼ ontorge pahra dohoyme,
ente ontor khonge amakʼ jion reakʼ jotowakʼ do oḍokʼ hijukʼa.
24Amakʼ moca khon peṛta kathako sạṅgińkakʼme,
ar luṭi khon bạṛicʼ kathako hõ pharakme.
25Amakʼ mẽtʼ do sojhete jemone beṅgetʼkakʼ,
ar amakʼ ńeńel do samaṅ secʼ baṛe hoyokʼma.
26 #
Ibr 12.13
Amakʼ jaṅgakin reakʼ ḍahar moneyakʼme,
inạ khan amakʼ sanam horko do kajakokʼtama.
27Jojom ti secʼ se leṅga ti secʼ alom ghańjeṛokʼa;
ar bạṛicʼ khon amakʼ jaṅga sahaṛ akae dohoytam.
Santali Bible © Bangladesh Bible Society, 2021.