Kạhtukko 3
3
Juạn koṛako lạgitʼ solha
1E bạbu, ińakʼ sikhnạt do alom hiṛińa,
amakʼ goṭa ontorre ińakʼ hukumko dohoyme;
2onate am do ḍher dinem bahaokʼa
ar amakʼ do ḍher bhạlại hoyokʼtama.
3Pạtiạr ar dhorom do tishõ aloe bạgiwam ma;
amakʼ hoṭokʼre onako bedhao dohokakʼme,
ar amakʼ ontorre hõ ol dohokakʼme.
4 #
Luk 2.52
Onam onkale khan Isor ar manwa samaṅre
am do daya ar ńutum hoyokʼtama.
5Amakʼ goṭa ontorte Probhu Isorre bhorsa akae tahenme;
ar amakʼ bujre do alom bhorsakʼa.
6Amakʼ calakʼ horre uni do samaṅre dohokaeme;
unige amakʼ sanam horkoe sojheytama.
7 #
Rom 12.16
Apnar mẽtʼre budan do alom hoyokʼa;
Probhu Isor botoraeme, ar bạṛicʼakʼ khon pharakre tahenme.
8Inạ khan amakʼ hoṛmo lạgitʼ bhage hoyokʼa ar jaṅko hõ keṭejokʼtama.
9Am do amakʼ dhon duribko reakʼ
ar amakʼ phosolko reakʼ pạhilakʼ hĩsko
Probhu Isor samaṅaeme ar manot emaeme;
10Inạ khan amakʼ murạiko do phosolkote perejokʼtama
ar hanḍhako khon nãwã darkha rasa hõ buhel oḍokokʼa.
11 #
Job 5.17
#Ibr 12.5,6 E bạbu, Probhu Isorakʼ ḍanṭao baṛe moneyakʼme,
uniye egerlemre alom ạtruńokʼa;
12 #
Sod 3.19
ente apat cetʼleka acʼren hopone egere
onkage Probhu Isor hõ acʼ okoeye dulạṛe unigeye egerea.
13Bhạgangeae uni hoṛ, okoe do ạkile ńam bakʼṛakan ar buje hameṭ joṅkan,
14ente onare do rupạ reakʼ bạnij khon hõ bạ̃ṛti lab menakʼa,
ar sona khon hõ ḍher lab hoyokʼa;
15Mạnikko khon hõ ạkil do bạ̃ṛti damangea,
amakʼ khojakʼ leka jãhãnakʼ jinis tulucʼ ona reakʼ juri do oho hoylena.
16Uniyakʼ jojom tire do ḍher bahaokʼ din menakʼa
ar leṅga tire do dhon ar manot menakʼtaea.
17Ona horre do rạskạ menakʼa,
ar ona reakʼ sanam horrege bhạlại menakʼa.
18Okoe uniye sabe onko ṭhen do jion dare leka;
ar okoe unireko sapʼ kajak akae tahen onko do bhorko ńama.
19Probhu Isorakʼ ạkilte dhạrti do bạisạu akana,
ar uniyakʼ bujte serma doe bandhao akada.
20Uni do ạkilte ot latar khon dakʼe oḍok ocoyeda,
ar serma khon ṭhopʼ ṭhopʼ sisir dakʼe ńur ocoyeda.
21E bạbu, bud ar ạkil dohojoṅme,
ar onage moneyakʼme.
22Ona do amakʼ jiwi lạgitʼ jion hoyokʼa,
ar amakʼ hoṭokʼ lạgitʼ do mońj okocʼ malage.
23Unre am do amakʼ horkore khạtirjomam tahena,
ar amakʼ jaṅga do bam tohodokʼtama.
24Gitijokʼre ar do bam botorokʼa,
ar amakʼ jạpitʼ hõ suk reakʼ hoyokʼtama.
25Ar ackage muhin hecʼlenre alom botorokʼa,
ar bạṛicʼ hoṛkoakʼ ḍahao maraokʼ ńelte hõ alom botorokʼa;
26Ente am do Probhu Isor cetanrem bhorsakʼ kana,
ar uni do pạsi khon amakʼ jaṅgae rukhiyại tama.
27Okoe bhạlại ńam lạgitʼko lek kan
onko bhạlạiko lạgitʼ tinre daṛe tahen tama
unre ona onkae do alom baṅa.
28Goṛowako lạgitʼ daṛe tahentam khan okoe hõ alom metakoa,
“Do calakʼme, ar tayomte hijukʼme, gapań emama.”
29Am aḍepaseren hoṛko upạrte jãhãn bạṛicʼakʼ alom cekaea,
ente am pheḍren uni do khạtirjomae girobasokʼ kana.
30Jãhãe hoṛ amakʼ jãhãnakʼ bae lokshanetʼtam khan
uni do ạuṛiyakʼte alom dusi ocoyea.
31Jor julumicʼ jãhãeyem ńellere uni do alom hiskạwaea,
se uniyakʼ jãhãn hor hõ alom bachaojoṅa;
32ente Probhu Isor do konḍea horte calakʼ hoṛ doe kurudakoa,
menkhan khạṭi ontorren hoṛko tulucʼ do helmele dohoyeda.
33Bạṛicʼ hoṛkoakʼ oṛakʼre Probhu Isorakʼ sarap tahena,
menkhan Isor botoraekoakʼ oṛakʼ doe bhor atakoa.
34 #
Jak 4.6; 1 Pat 5.5 Ṭiṭkạrikan hoṛko doe ṭiṭkạriakoa,
menkhan nindhạnko doe dayawakoa.
35Ạkilan hoṛ do manotko ńama,
menkhan bebujko do lajaoreko paṛaokʼa.
Santali Bible © Bangladesh Bible Society, 2021.