Jesaea 13
13
Babel reaṅ Probhu Isorakʼ katha
1 #
Jes 47.1-15; Jir 50.1—51.64 Amosren hopon Jesaea do Babel reaṅ dorsone ńamleda.
2Probhui Isore meneda, “Ape do poṭor buru cetanre mitʼṭecʼ jhạnḍi rakabtape; ar ãṭ aṛaṅte lạṛhại birko hohoakope ar asol asol hoṛko phaṭok duạrte bolokʼ lạgitʼ tite gạwicʼakope. 3Iń ńutumte begar akan hoṛkoń hukum akatʼkoa; ińakʼ edre dul giḍikakʼ lạgitʼ ińren lạṛhại birkoń hohoakatʼkoa. Ińakʼ mạhima sodor akante onko do rạskạteko gorbokʼ kana.”
4Ańjompe, buru boṭkocʼ cetanre ḍher hoṛkoakʼ sabadge ańjomokʼ kana. Ańjompe, sanam jạtren ar rajosṭiren hoṛ do jarwa mitʼkateko gulmaletʼkana. Phạdkoren Probhu Isor do lạṛhại lạgitʼ phạdkoe sajaoetʼkoa. 5Onko do sạṅgiń disạm khonko hijukʼ kana, onko do pirthimi reakʼ ses simạna khonko rakapʼ hijukʼ kana; Probhu Isor do acʼakʼ edre reakʼ khanḍa bhanḍawante goṭa pirthimi marao lạgitʼe hijukʼ kana.
6 #
Joe 1.15
Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa. 7Ona iạte hoṛkoakʼ ti do lạbṛugokʼa ar sanam hoṛ do dilko adtakoa. 8Onko do ạḍi bebạṛicʼko botorokʼa, ar ạḍi ãṭ hasokoa, gidrạ janamede kan maejiu leka bedonteko thakao cabakʼa, onko do cahapʼkate apan apin secʼko beṅgetʼjoṅa ar mẽtʼãhã do jaljalaokʼtakoa.
9Ńelpe, Probhu Isorakʼ din do hijukʼ kana. Ona do kurmutạha, kurkurạukʼ ar jaljalaokʼkan edreante hijukʼ kana; pirthimi ar onaren kại hoṛko cabako lạgitʼge hijukʼ kana. 10#Jeh 32.7; Mat 24.29; Mrk 13.24,25; Luk 21.25; Sod 6.12,13; 8.12 Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.
11Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa. 12Unre hoṛko do khạṭi sona khon hõ bạ̃ṛtiń mahrog ocokoa ar manwa do ophir sona khon hõ bạ̃ṛtige. 13Ona iạte iń do sermań daldalao ocoya; ar phạdkoren Probhu Isorakʼ kurkurạukʼte uniyakʼ jaljalaokʼkan edre dinre pirthimi do ḍikạ ḍakekʼa.
14“Lagayede kan selepʼ jel leka, gupi begor bhiḍi leka mimitʼko do akoren hoṛ ṭhenko ruạṛ calakʼa, mitʼke mitʼ hoṛ do akoakʼ disạmteko dạṛa. 15Ar okoeko ńamokʼ onko do khanḍateko ghạl ocokʼa; ar okoeko sapʼ ocokʼ onko do tarwaṛeteko gocʼ ocokʼa. 16Onkoakʼ mẽtʼãhã samaṅrege gidrạkoko tawakʼ gocʼkoa; onkoakʼ oṛakʼ duạrko luṭtakoa ar maejiuko nosṭokoa.
17“Ńelpe, onko upạrte iń do Mediren hoṛkoń buskukoa. Onko do rupạ secʼ hõ bako beṅgeda ar sona iạte hõ bako rạskạkʼa. 18Onko do akʼte juạnkoko gocʼkoa; ar bale gidrạko cetanre bako mãyãkʼa ar gidrạko cetanre hõ bako dayakʼa. 19#Gen 19.24 Sanam rajosṭiko reakʼ ṭhonok Babel ar Kạldikoakʼ gorbo Isor do Sodom ar Gomora lekae dhaṅdhaser ocoya. 20Onare do ar tishõ bako tahena se piṛhike piṛhi celege onḍe do bako girobasokʼa. Arobrenko hõ onḍe do tạmbu bako ṭaṅgaoa, jãhãe gukʼpiko hõ onḍe akoren palko bako aḍakoa. 21#Jes 34.14; Sep 2.14; Sod 18.2 Menkhan bir janwarkoge onḍe doko mạnḍiạukʼa, onḍenakʼ oṛakʼ-duạrko do bir dundukote perejokʼa, ũṭ cẽṛẽko onḍeko tahena ar bir merom boda doko don baṛaea. 22Onḍenakʼ buruńjre do toyoko raga ar khĩkṛĩ do gaṛreko tahena. Babel reakʼ okte do hecʼakana onako reakʼ din do ar baṅ ḍher ocowakʼa.”
Santali Bible © Bangladesh Bible Society, 2021.