Jesaea 12
12
Gun manao reakʼ sereń
1Enhilokʼ am dom mena,
“E Probhu Isor, iń do amiń sarhaomea,
ente iń cetanre edrem sodorleda;
menkhan ńitokʼ amakʼ edre do caba akana
ar jiwi raṛecʼem emạń kana.
2 #
Exo 15.2; Ser 118.14 Sạriyakʼren, Isorge ińren babańcaoicʼ do;
iń do uniregeń bhorsakʼkana, ar bạń botorokʼa.
Probhu Isorge, ińakʼ daṛe ar ińakʼ sereń;
ińren babańcaoicʼ doe uni kangea.”
3Ona iạte ape do hulạsate
bańcao reakʼ kũń khon dakʼpe loya.
4Ape do enhilokʼpe mena,
“Probhu Isor sarhaoepe, ar uniyakʼ gun reakʼ katha lại pasnaope;
uni okae ceka akatʼ ona do sanam jạtrenko baḍae ocokope
ar lại pasnaope, uni doe maraṅ utạricʼ kana.
5Probhu Isor ńutumte sereńpe,
ente uni do ṭhonok reakʼe kạmi akada;
ar goṭa dhạrtire niạ katha do baḍae ocoype.
6E Sionren hoṛko, ape do andoṛpe
ar rạskạte sereńpe,
ente Israelren uni sonoticʼ do maraṅgeae ape talare.”
Santali Bible © Bangladesh Bible Society, 2021.