Jesaea 11
11
Jesaeakʼ mitʼṭecʼ kahle
1 #
Sod 5.5; 22.16 Jesaeakʼ gonḍa khon mitʼṭecʼ nãwã kahle do oḍokokʼa;
ar rehetʼ reakʼ ona kahlre do jo bahakʼa.
2Ar Probhu Isorren Jiu do
uni cetanreye tahena,
uni do ạkil ar bujren jiu,
solha ar jor reakʼ jiu,
bud ar Probhu Isor botorae reakʼ jiuge.
3Uniyakʼ rạskạ do Probhu Isor botoraege.
Uni do mẽtʼte okae ńel ona leka do bae bicạra,
se luturte okae ańjom ona leka hõ bae phanḍaoa;
4 #
2 Th 2.8
Menkhan reṅgecʼko do hok reakʼe bicạr takoa,
ar dhạrtiren mạ̃hirkoakʼ do dhorom seletʼe phanḍaotakoa.
Uni do acʼakʼ moca ṭheṅgate dhạrtirenkoe ńẽtʼkoa,
ar bạṛicʼ hoṛko do acʼakʼ sãhetʼteye gocʼkoa.
5 #
Eph 6.14
Dhorom do uniyakʼ ḍanḍa reakʼ totolakʼ hoyokʼtaea
ar pạtiạrtetʼ do uniyakʼ totolakʼ pạṭkạge.
6 #
Jes 65.25
Hunḍạr do bhiḍi hopon tulucʼe basakʼa,
poṭea tạrupʼ do merom hopon tulucʼe burumokʼa;
mĩhũ, dhạcri kul ar moṭasoṭa bạchur do mitʼ ṭhenko tahena,
ar mitʼṭen huḍiń gidrạ do onkoe gupikoa.
7Gại ar bana do mitʼ sãotekin ạtińa,
unkinren hoponko do mitʼteko burumkokʼa;
ar dhạcri kul do ḍaṅgra leka busupʼe joma.
8Kạrinạṅgin reakʼ bhugạkʼ ṭhen nunu gidrạ doe enecʼa,
ar nunu bạgi gidrạ do ayaṅ bińakʼ bhugạkʼko soga.
9 #
Hab 2.14
Ińakʼ sonot buru reakʼ jãhãn jaegare
okoehõ bako hạhạna, ar bako nonosṭoa,
ente jalapuri cetʼleka dakʼte perecʼge tahen
onkage Probhu Isorakʼ ạkilte dhạrti hõ perecʼge tahena.
10 #
Rom 15.12
Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea. 11Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.
12Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa. 13Ephrayim reakʼ hiskạ do sạṅgińokʼtakoa ar Jihudạrenko do bạiri mente bako tahena. Ephrayim do Jihudạ cetanre bae hiskạkʼa, Jihudạ hõ Ephrayim sãote bae bạirikʼa. 14Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa. 15#Sod 16.12 Probhu Isor do jalapuri reakʼ locoṅe marao utạra; uni do lolo hoete phurạt gaḍa cetanre acʼakʼ daṛeye uduga. Uni do onae hạṭińa ar eae goṭecʼ nalae benaoa, jemon hoṛko do panahe horokʼkateko parom daṛeakʼ. 16Misor khon oḍok hijukʼ jokhecʼ cetʼleka Israelko lạgitʼ mitʼṭecʼe horletʼ onkage uniren jiwetʼ tahen hoṛko lạgitʼ Ạsur khon mitʼṭecʼ raj ḍahar do oḍokokʼa.
Santali Bible © Bangladesh Bible Society, 2021.