Orubara 26
26
Okubara kwa kabili
1Ekibundo kakyahoire, Omukama agambira Musa na Eleazari eya Aroni, omukuhani ati, 2“Mubare eihanga lyona lya Isiraeli, kwema aha baina emyaka makumi gabili n'okutemba, abalikushobora kugya omu ndashana, kuhonderana n'amahiga gabo.” 3Musa na Eleazari omukuhani bafumora nabo omu mpita za Moabu bwatana Yorudani omuli Yeriko. Babagambira bati, 4“Mubare abantu kwema abaina emyaka makumi gabili n'okutemba nk'okwo Omukama aragiire.” Abaisiraeli abarugire Misiri nib'aba:
5Oruganda rwa Rubeni omuzigaijo gwa Isiraeli: Abahanoki, abalikutabuka ahali Hanoki; Abapalu, abalikutabuka ahali Palu; 6Abahezironi, abalikutabuka ahali Hezironi; n'Abakarumi, abalikutabuka ahali Karimi. 7Aga nigo mahiga g'Abarubeni. Orubara rwabo bakaba bali 43,730. 8Palu omutabani ni Eliabu. 9Batabani ba Eliabu ni Nemweli, Datani na Abiramu. Aba nibo Datani na Abiramu ab'ekisimba kya Kora ekyarugire omu mbaga kugeleka Musa na Aroni, bakageleka n'Omukama. 10Nibo ensi yayashamire ekamilirana na Kora, kandi omuliro gukokya ekisimba ekyo eky'abantu 250, bakafa. Bakaba b'okuleberaho. 11N'orwo kyabaire kityo, abana ba Kora tibafire.
12Ab'oruganda rwa Simeoni kuhonderana n'amahiga gabo nib'aba: Abanemweli, abalikutabuka ahali Nemweli; Abayamini, abalikutabuka ahali Yamini; Abayakini, abalikutabuka ahali Yakini; 13Abazerahi, abalikutabuka ahali Zerahi; n'Abashauli abalikutabuka ahali Shauli. 14Aga nigo mahiga g'oruganda rwa Simeoni; abantu 22,200.
15Ab'oruganda rwa Gadi kuhonderana n'amahiga gabo nib'aba: Abazefoni, abalikutabuka ahali Zefoni; Abahagi, abalikutabuka ahali Hagi; Abashuni abalikutabuka ahali Shuni; 16Abaozini, abalikutabuka ahali Ozuni. Abaeri, abalikutabuka ahali Eri; 17Abaarodi, abalikutabuka ahali Arodi; n'Abaareli abalikutabuka ahali Areli. 18Aga nigo mahiga g'oruganda rwa Gadi, orubara rwabo bantu 40,500.
19Batabani ba Yuda bakaba bali Eri na Onani; bombili bakagwa Kanaani. 20Ab'oruganda rwa Yuda kuhonderana n'amahiga gabo nib'aba: Abashela, abalikutabuka ahali Shela; Abaperizi, abalikutabuka ahali Peresi; Abazerahi, abalikutabuka ahali Zerahi; 21Peresi aina abatabani Hezironi na Hamuli, nibatabukwamu Abahezironi n'Abahamuli. 22Aga nigo mahiga g'oruganda rwa Yuda. Orubara rwabo bantu 70,500.
23Ab'oruganda rwa Isakari kuhonderana n'amahiga gabo nib'aba: Abatora, abalikutabuka ahali Tola; Abapuva, abalikutabuka ahali Puva; 24Abayashubu, abalikutabuka ahali Yashubu; n'Abashimuroni, abalikutabuka ahali Shimuroni. 25Aga nigo mahiga g'oruganda rwa Isakari. Orubara rwabo bantu 64,300.
26Ab'oruganda rwa Zabuloni, kuhonderana n'amahiga gabo nib'aba: Abaseredi, abalikutabuka ahali Seredi; Abaeloni, abalikutabuka ahali Eloni; n'Abayaleli, abalikutabuka ahali Yaleeli. 27Aga nigo mahiga g'oruganda rwa Zabuloni. Orubara rwabo bantu 60,500.
28Ab'oruganda rwa Yozefu, kuhonderana n'amahiga gabo ni Manase na Efuraimu, 29Baijukuru ba Manase; Abamakiri, abalikutabuka ahali Makiri. Makiri nazara na Gileadi alikutabukwaho Abagileadi. 30Baijukuru ba Gileadi, Baiezeri, abalikutabuka ahali Iezeri; Abaheleki abalikutabuka ahali Heleki. 31Abaasirieli, abalikutabuka ahali Asirieli; Abashekemu, abalikutabuka ahali Shekemu; 32Abashemida, abalikutabuka ahali Shemida; n'Abaheferi, abalikutabuka ahali Heferi. 33Selofehadi mutabani wa Heferi hakaba aina abaisiki, ataina bojo. Bahara ba Selofehadi nib'aba: Mala, Noa, Hogila, Milika na Tiriza. 34Aga nigo mahiga g'oruganda rwa Manase. Orubara rwabo bantu 52,700.
35Baijukuru ba Efuraimu kuhonderana n'amahiga gabo nib'aba: Abashutela, abalikutabuka ahali Shutela; Ababekeri, abalikutabuka ahali Bekeri; n'Abatahani abalikutabuka ahali Tahani. 36Abaerani, baijukuru ba Erani, nabo nibatabuka ahali Shutela. 37Aga nigo mahiga ga baijukuru ba Efuraimu. Orubara rwabo bantu 30,500. Aba nibo baijukuru ba Yozefu kuhonderana n'amahiga gabo.
38Ab'oruganda rwa Benjamini kuhonderana n'amahiga gabo nib'aba: Ababela, abalikutabuka ahali Bela; Abaashibeli, abalikutabuka ahali Ashibeli; Abahiramu, abalikutabuka ahali Ahiramu; 39Abashefufamu, abatabuka ahali Shefufamu; n'Abahufamu abatabuka ahali Hufamu. 40Bela hakaba aina abatabani abandi, abhalimu Aridi na Naamani. Aridi, niwe alikutabukwamu Abaaridi; kandi Naamani, natabukwamu Abanaamani. 41Oru nirwo ruganda rwa Benjamini kuhonderana n'amahiga gabo. Orubara rwabo bantu 45,600.
42Oru nirwo ruganda rwa Dani: Abashushamu, abalikutabuka ahali Shushamu. 43Orubara rw'Abashushamu bantu 64,400.
44Oruganda rwa Asheri kuhonderana n'amahiga gabo nib'aba: Abaimuna, abalikutabuka ahali Imuna; Abaishivi, abalikutabuka ahali Ishivi; n'Ababeria abalikutabuka ahali Beria. 45Batabani ba Beria abandi ni Eberi na Malakieli abalikutabukwamu Abaeberi n'Abamalikieli. 46Asheri hakaba aina n'omuhara, eibara nibamweta Sera. 47Aga nigo mahiga g'oruganda rwa Asheri. Orubara rwabo bantu 53,400.
48Ab'oruganda rwa Nafutali kuhonderana n'amahiga gabo nib'aba: Abayaseli, abalikutabuka ahali Yaseeli; Abaguni abalikutabuka ahali Guni; 49Abayezeri, abalikutabuka ahali Yezeri; n'Abashilemu abalikutabuka ahali Shilemu. 50Oru nirwo ruganda rwa Nafutali kuhonderana n'amahiga gabo. Orubara rwabo bantu 45,400.
51Abaisiraeli bona hamoi ababazirwe 601,730. 52Omukama akagambira Musa ati, 53“Enganda ozibeganire ensi kuhonderana n'obuhango bwa buli ruganda. 54Oruganda oruhango oruhe omugabo oguhango. Oruganda oruke oruhe omugabo oguke. Buli ruganda ruhabwe omugabo nk'okwo obungi bwarwo buli. 55Kyonkai ensi kwija kugabwa etekerwe enshoga. Bahabwe emigabo kuhonderana n'obuhango bw'enganda zabo. 56Nk'okwo emitekerwe y'enshoga eliba egenzire nikwo n'emigabo eligenda: Abangi kushaga bahabwe omugabo oguhango kushaga; abake kushaga, bahabwe omugabo oguke kushaga.”
57Aba nibo Balevita okwo babazirwe omu mahiga gabo: Abakohati, abalikutabuka ahali Kohati; Abamerari, abalikutabuka ahali Merari; n'Abagerishoni abalikutabuka ahali Gerishoni. 58Amahiga aga nago nigatabuka ahali Levi: Abalibani, Abaheburoni, Abamahili, Abamushi n'Abakora. Kohati ni ishe Amuramu. 59Muka Amuramu hakaba nayetwa Yokebedi muhara wa Levi; Yokebedi ogu akazalirwa Misiri. Akazalira Amuramu Aroni na Musa na munyanyabo Miriamu. 60Batabani ba Aroni ni Nadabu, Abihu, Eleazari na Itamari. 61Kyonkai Nadabu na Abihu bakatambira Omukama ekitambo, bakyokesa omuliro ogulikutangwa, aho bafa. 62Abalevita abashaija, kwema aha w'omwezi gumoi n'okutemba, bakabarwa abantu 23,000. Bakabarwa bonkai omu Baisiraeli aha rw'okuba bakaba batalikuhabwa mugabo omuli Isiraeli.
63Aba nibo Baisiraeli abo Musa na Eleazari omukuhani babazire omu mpita za Moabu buseli bwa Yorudani kwema Yeriko. 64Omuli aba thalimu n'omoi omu bo Musa na Aroni babazire eibara lya mbere omw'Irungu lya Sinai. 65Kuba Omukama hakaba agambiire okwo bona baligwa omw'irungu shana Kalebu eya Yefune na Yoshua eya Nuni.
S'ha seleccionat:
Orubara 26: RHAY01
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Ruhaya DC Bible © Bible Society of Tanzania, 2001.