Orubara 25
25
Abaisiraeli ahali Peori
1Orwo Abaisiraeli babaire basisiire Shitimu, abandi babanza kushemera n'Abamoabu. 2Bagenda babo aba bata nibabeta aha magenyi g'okutambira baruhanga babo ebitambo. Abaisiraeli kabaijaga balya nabo aha bitambo ebyo, bafukamira na baruhanga babo. 3Kityo babera kimoi ba Baali owa Peori. Aho Omukama abakwatirwa ekiniga kingi muno. 4Agambira Musa ati, “Leta abakuru b'eihanga bona, obashe, obahanike baterwe omushana, nyije ndekere kunigalira Isiraeli.” 5Musa agambira abaramuzi ba Isiraeli ati, “Buli omoi, inywena, aite abantube abekwete Baali owa Peori.”
6Omwisiraeli omoi agya aleta Omumidiani orwo Musa n'Abaisiraeli babaire bali omu maisho g'Eihema ly'Omuterano batekire ekibi. 7Finehasi eya Eleazari, mwijukuru wa Aroni omukuhani, kayaboine eihano elyo, yaimuka omu mbaga, yabarata eichumu, 8yahondera Omwisiraeli ogwo omw'Ihema omunda, yabachumita bombili, eichumu lyabaturukirana. Nikwo ekibundo ekyabaire nikiita Abaisiraeli kulekera. 9Abantu bona abagwire omu kibundo ekyo bakagoba 24,000.
10Omukama agambira Musa ati, 11“Finehasi eya Eleazari, mwijukuru wa Aroni omukuhani, ammazire ekiniga aha Baisiraeli. Okufukamira Ruhanga wena wena atali inye kumutamire, nikyo ntanigalire nkabasilikya. 12Kityo omugambire okwo nakora nawe endagano eligumaho amakiro gona agalija. 13Wenene na baijukurube balikara bali bakuhani, aha rw'okuba anokeire okufukamira baruhanga abandi yandwanilira, yalihilira Abaisiraeli.”
14Omwisiraeli ayaitirainwe n'Omumidiani eibaralye hakaba ali Zimuri eya Salu, mara ali mukuru w'oruganda rwa Simeoni. 15Kandi Omumidiani ayaisirwe hakaba nayetwa Kozubi muhara wa Zuri. Zuri nawe omu Bamidiani hakaba ali mukuru w'oruganda.
16Omukama akagambira Musa ati, 17“Otuntuze Abamidiani, obaite, 18ahakuba babakozire kubi orwo mubaire muli Peori, babagobeza. Kandi obature Kozubi munyanyabo, muhara w'omukuru w'oruganda omu Bamidiani bonene, aisirwe aha rw'ekibundo kibaire kiteire Peori.”
S'ha seleccionat:
Orubara 25: RHAY01
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Ruhaya DC Bible © Bible Society of Tanzania, 2001.